غطوٍ على ماقيل للكل مكشوف ..................... حله ( الهيل ) .. الحل الرقمين ( 9-6 )

[ابو ماجد 2]

بسم الله الرحمن الرحيم

السلام عليكم ورحمة الله وبركاته

لغيز على قولتهم قليل الدسم


غطوٍ على ماقيل للكل مكشوف=رمعه ومن جذره يتم اجتثاثه
ويش الذي من بيننا صار ملهوف=لكن بديله حل فينا مكاثه
رجال له قدر من الكل معروف=وليانقلب نقصه وكادٍ ثلاثه



تحيتي وتقديري لجميع الزملاء

ابو ماجد - منتديات مكشات

[ابوماريا]

صح السانك يابو ماجد وسلم بنانك

ابدعت يالغالي
هذا كله وهو قليل الدسم كيف لو كان كامل الدسم

مرور تقدير وجاري التفكير

[الشعيفان]

صح السانك يابو ماجد

وشرايك بالتلفون الثابت

[ذيب الفقارة]

صح لسانك أخوي أبو ماجد

رميعة :

النجر وحلت بدلا منه المطحنة الكهربائية

[المهستر1]

صح لسانك ``وبيض الله وجهك ..مرور تقدير واعجأب لك جعلك تسلم..

[ناصر العلي]

وعليكم السلام ورحمة الله وبركاته
سلمت يالغالي
وصح لسانك
ويش قولك بـ
البرد....عكسه...درب
أو
الرمع
ولينقلب
عمر
لولا الهرم والفقر والثالث الموت, يالا دمي بالكون ياعظم شانك

[ابو ماجد 2]

صح السانك يابو ماجد وسلم بنانك

ابدعت يالغالي
هذا كله وهو قليل الدسم كيف لو كان كامل الدسم

مرور تقدير وجاري التفكير


هلا بمن تسامت وارتقت عنده المثاليه
خاصة بعد عرضك للغز الالوان الرائع
صح بدنك وسلمت من الشر
الابداع انتم اهله
احيانا السهل والقريب يكون هو الصعب
شرفنا مرورك وانتظر مرماعك

[ابو ماجد 2]

صح السانك يابو ماجد

وشرايك بالتلفون الثابت

صح بدنك يالغالي
مالك لوى
وملهوف قصدي فيها مبيوق ومسروق

[ابو ماجد 2]

صح لسانك أخوي أبو ماجد

رميعة :

النجر وحلت بدلا منه المطحنة الكهربائية


صح بدنك ياذيب
مالك لوى يالغالي

[ابو ماجد 2]

صح لسانك ``وبيض الله وجهك ..مرور تقدير واعجأب لك جعلك تسلم..


صح بدنك يالغالي
شرفتنا بتواجدك
تحيتي لك وتقديري

[ابو ماجد 2]

وعليكم السلام ورحمة الله وبركاته
سلمت يالغالي
وصح لسانك
ويش قولك بـ
البرد....عكسه...درب
أو
الرمع
ولينقلب
عمر
لولا الهرم والفقر والثالث الموت, يالا دمي بالكون ياعظم شانك


هلا بك يادكتورنا
سلمت وصح بدنك
لايزال طليق
انتظر مرماعك القادم

[ناصر العلي]

سلمت يالغالي
مايصير
الوقت

[ال-رايق]

بسم الله الرحمن الرحيم

السلام عليكم ورحمة الله وبركاته

لغيز على قولتهم قليل الدسم


غطوٍ على ماقيل للكل مكشوف=رمعه ومن جذره يتم اجتثاثه
ويش الذي من بيننا صار ملهوف=لكن بديله حل فينا مكاثه
رجال له قدر من الكل معروف=وليانقلب نقصه وكادٍ ثلاثه



تحيتي وتقديري لجميع الزملاء

ابو ماجد - منتديات مكشات





صح لسانك يالفارس الغالي والرمعه(الراتب)
وتفضل:
يا موتري ! حلفت ماحدن لك يطوف=مع خطّ ولاّ درب(ن).. الله غاثه
وان استحت مكينتك ,, تر بها بلوف=بتغني يعني تغنّي صلف او دماثه
نبغى , , نسلّم فارس ,عنيزه حروف=اللي ..ورث طيب المعاني وراثه
وبيت الشعِر يزهى اذا جاك مصفوف=والبيت بأهله.. ما هو بصفة أثاثه
والمعدن الطيّب ذهب غالي مصروف=والراك يعط بطيب حين احتراثه

[الشعيفان]

وشرايك بالليل والنهار

[ابو ماجد 2]

سلمت يالغالي
مايصير
الوقت


سلمت يالغالي
مالك لوى
انتظر مرماعك القادم

[ابو ماجد 2]

صح لسانك يالفارس الغالي والرمعه(الراتب)
وتفضل:
يا موتري ! حلفت ماحدن لك يطوف=مع خطّ ولاّ درب(ن).. الله غاثه
وان استحت مكينتك ,, تر بها بلوف=بتغني يعني تغنّي صلف او دماثه
نبغى , , نسلّم فارس ,عنيزه حروف=اللي ..ورث طيب المعاني وراثه
وبيت الشعِر يزهى اذا جاك مصفوف=والبيت بأهله.. ما هو بصفة أثاثه
والمعدن الطيّب ذهب غالي مصروف=والراك يعط بطيب حين احتراثه



جتني حروفك وقعهن حند ودفوف=حند الاصاله ماهو رقص الحداثه
من شفتهن والقلب بالرد مشغوف=لكن تجاذبني عليهن ثلاثه
يدٍ قصيره وعين في بدعك اتشوف=ولسان صابه من طربهن لثاثه
اللغز تكفى يابن الاجواد لايطوف=اللغز ماداني يطوِّل مكاثه
ان قلت زدنا قلت للكل معروف=ولد العرب في حوز اهل الغثاثه

[عطري]

و عليكم السلام و رحمة الله و بركاته
صح لسانك أبا ماجد ، ماشاء الله عليك ، يالله الحق .
طرا لي : اللغة العربية ، النفط (البترول).

[ناصر العلي]

سلمت يالغالي
مايصير
النهر....عكسه.....رهن

[الدمرجي]

صح لسانك نقول البنزين

[ابو ماجد 2]

وشرايك بالليل والنهار

هلا بك يالغالي
مالك لوى
انتظر مرماعك القادم

[ابو ماجد 2]

و عليكم السلام و رحمة الله و بركاته
صح لسانك أبا ماجد ، ماشاء الله عليك ، يالله الحق .
طرا لي : اللغة العربية ، النفط (البترول).


هلا بالعطر الفواح
مالك لوى يالغالي
انتظر مرماعك القادم

[ابو ماجد 2]

سلمت يالغالي
مايصير
النهر....عكسه.....رهن


سلمت من الشر
خل ابتواسا آسف اتساوا لايزعل ابو مهند
مالك لوى يالغالي

[أبو ذيب 77]

السلام عليكم ورحمة الله وبركاته..

صح لسانك يالزعيم..

وش قولك في خليج فارس..
عكس فارس مع نقص الحرف الاخير اللي هو حرف الفاء ( سرا) والسرا في البلوت 3 اوراق

رمعة بعيده بس هذا اللي طرا على بالي..

تحياتي للجميع

[ابو ماجد 2]

صح لسانك نقول البنزين

هلا بك
مالك لوى يالغالي

[ابو ماجد 2]

السلام عليكم ورحمة الله وبركاته..

صح لسانك يالزعيم..

وش قولك في خليج فارس..
عكس فارس مع نقص الحرف الاخير اللي هو حرف الفاء ( سرا) والسرا في البلوت 3 اوراق

رمعة بعيده بس هذا اللي طرا على بالي..

تحياتي للجميع


هلا بك يالغالي
صح بدنك
مالك لوى
تحيتي لك وتقديري

[ذيب الفقارة]

طيب ويش رايك في :

علم وعكسه جهل

[ابو ماجد 2]

طيب ويش رايك في :

علم وعكسه جهل


طاب فالك
لايزال طليق
انتظر مرماعك القادم

[عطري]

و عليكم السلام و رحمة الله و بركاته
صح لسانك أبا ماجد زادك الله من فضله
رمعة : الحصان أو الخيل العربي

[ابو ماجد 2]

و عليكم السلام و رحمة الله و بركاته
صح لسانك أبا ماجد زادك الله من فضله
رمعة : الحصان أو الخيل العربي


صح بدنك يالغالي
لايزال طليق يالغالي
انتظر مرماعك القادم

[ناصر العلي]

مايصير يالغالي
التاريخ......وعكسه......خيرات
وخيرات العرب للأسف مسروقة

[ابو ماجد 2]

مايصير يالغالي
التاريخ......وعكسه......خيرات
وخيرات العرب للأسف مسروقة


هلا بك دكتورنا
هو من جملة مسروقات ولكني خصيته باللغز
انتظر مرماعك القادم

[الماايسترو]

رمعه يابو ماجد تقرقع بصدري ولا ودي اكسر خاطرها هههههههه

القدس

عاد التحليل عندك ههههههههه

[الشعيفان]

وشرايك بالعلم

[الماايسترو]

طاب فالك
لايزال طليق
انتظر مرماعك القادم


هذا رد ابو ماجد على العلم وهي رمعة ذيب الفقاره

تحياتي

[الشعيفان]

هذا رد ابو ماجد على العلم وهي رمعة ذيب الفقاره

تحياتي
الله يعطيك العافيه

مانتبهة للرمعات

[الماايسترو]

الله يعافيك

[ابوماريا]

سيف الرسول صلى الله عليه وسلم
الموجود بتركيا

[المنتضر تعيين]

االسلام عليكم ورحمة الله وبركاته
الاخ ابو ماجد تقدير واحترام من شخص يغيب بالشهور واذا حضر للمنتدا يتصفح سورق النوم من عينيه واسهره ابداعك زادك الله من فضله وكفاك شر الحاسدين

[هيل]

السلام عليكم ورحمة الله وبركاته
هلابك اخوي العود ياهلا ويامرحبا
وش رايك بالصفر او ألأرقام العربيه والهنديه
تحياتي

[ذيب الفقارة]

لايكون المسروق اللي في أسفل العمارة

[ابو ماجد 2]

وشرايك بالعلم

هلا بك يالغالي
مالك لوى
تحيتي لك

[ابو ماجد 2]

سيف الرسول صلى الله عليه وسلم
الموجود بتركيا


صلى الله عليه وسلم
هلابك يالمثالي
مالك لوى يالغالي

[ابو ماجد 2]

االسلام عليكم ورحمة الله وبركاته
الاخ ابو ماجد تقدير واحترام من شخص يغيب بالشهور واذا حضر للمنتدا يتصفح سورق النوم من عينيه واسهره ابداعك زادك الله من فضله وكفاك شر الحاسدين


وعليكم السلام ورحمة الله وبركاته
والف شكر للطفك وكلامك الطيب رفع الله قدرك دنيا وآخره
ونطمع باستمرار تواجدك

[ابو ماجد 2]

السلام عليكم ورحمة الله وبركاته
هلابك اخوي العود ياهلا ويامرحبا
وش رايك بالصفر او ألأرقام العربيه والهنديه
تحياتي


وعليكم السلام ورحمة الله وبركاته
اقدر اقول صح لسانك
وهو بالتحديد هالرقم
9
واذا انقلب اصبح
6
انقلب اي اصبح عاليه اسفله فينقص ثلاث ارقام
وهالرقم مسروق من العرب مع جملة الارقام
واتخذنا البديل وهي المستخدمه حاليا ويقال اصلها هندي
كفووووو كفووووووو كفووووو
وصح لسانك ملايين

[ابو ماجد 2]

لايكون المسروق اللي في أسفل العمارة


هلا بالغالي
والحل عند طريدي الهيل