لغز موجه للغالي أبو ماجد ........ حله ( الشعيفان ) . الحل ( الأزرق والأحمر والأصفر )

[ابوماريا]

بسم الله الرحمن الرحيم



السلام عليكم ورحمة الله وبركاته



لغز موجه للأخ أبو ماجد2
الغالي على الجميع



سلام الله لبو ماجد سلام ويلحقه ألفين
تحية حب مع تقدير تصل ديرة سكن فيها
بديع القاف والمعنى يجيب الزين عقب الزين
وابياته تجي جزلة ولابان الردى فيها
شهادة حق موثوقة وجب مني عليه تبين
أشوفك دايم(ن) مبدع بخيمة عز أنا فيها
وانا حربي أقول الحق ولايبقى عليه دين
وجودك نور الخيمة ولا قصور(ن) بمن فيها
وانا بنشدك يالغالي ثلاث اخوان موجودين
نتج منهم بحرفة يد بقية ماخفا فيها
عشان تزين وتزّين هذيك البنت بالتزيين
وتحلالك حلاياها ولاتمل النظر فيها
وانا مسئول عن قولي وتشهد لي هذيك العين
هذيك العين نقادة وتعرف لو خلل فيها
وبا زيدك يابو ماجد من التوضيح والتبيين
تراها واجد(ن) حولك وبالجنة بعد فيها
وصلاة الله على محمد نصير الحق والمسكين
عدد وبل السحاب اللي سقى أرض نزل فيها

[ابو ماجد 2]

الله الله يالغالي
بعذرك لو تأخر ابداع ابداع الله يزيدك
لغز مطبوخ على نار هادئه
مازلت تحت وطأة الاعجاب والتفكير لاحقا ان شاء الله
حقيقة ابدعت زادك الله من فضله

[ابوماريا]

الله الله يالغالي

بعذرك لو تأخر ابداع ابداع الله يزيدك
لغز مطبوخ على نار هادئه
مازلت تحت وطأة الاعجاب والتفكير لاحقا ان شاء الله
حقيقة ابدعت زادك الله من فضله
الله يرفع قدرك يابو ماجد
والابداع انتم أهله ومنكم نستفيد
وأعجابك تاج على راسي وشرف لي طال عمرك

دمت محبوبا من الجميع

[ابو ماجد 2]

نفتح باب الرمعات ولو اني مازلت تحت مخدر سكرة الاعجاب ومابعد جت الفكره
النخله واجزائها
الجذع العسبان الطلع
او انخله والاخوان
التشييف التلقيح التعديل
التشييف ازالة الاشواك عن العسبان القريبه من القنا
التلقيح معروف
التعديل تجميع القنا واتكائه على العسيب ليسنده

[ابوماريا]

نفتح باب الرمعات ولو اني مازلت تحت مخدر سكرة الاعجاب ومابعد جت الفكره

النخله واجزائها
الجذع العسبان الطلع


سلمت يابو ماجد

والرمعة مالك لوا يالغالي

[برق القصيم]

ماشاء الله لاقوة الابالله
صح لسانك اخوي ابوماريا
ونعم بك
كفو ومسند على كفو
وين مغبي عنا الزين
وننتظر ردك على مرماع ابوماجد الخطير

[ابوماريا]

ماشاء الله لاقوة الابالله

صح لسانك اخوي ابوماريا
ونعم بك
كفو ومسند على كفو
وين مغبي عنا الزين

وننتظر ردك على مرماع ابوماجد الخطير


صح بدنك يالغالي
وكفووك الطيب ياراعي الطيب
ابو ماجد مابعد صاده

وأنا بانتظار رمعتك بشغف

[ناصر العلي]

وعليكم السلام ورحمة الله وبركاته
الله الله الله
ماشاءالله
سلمت يالغالي
وصح لسانك
والله والنعم فيك ياأبوفايز
وغالي ومسند على غالي
ويش قولك بـ
الثلاثة الأصابع الوسطى والسبابة والإبهام أثناء تطريز الأيات القرآنية على كسوة الكعبة
http://www.alriyadh.com/2010/11/13/img/888791067677.jpg

[الشعيفان]

صح السانك يابو ماريا

ويستاهل ابو ماجد

وشرايك
بالالوان الاساسيه واللوحه والرسم

[ابوماريا]

وعليكم السلام ورحمة الله وبركاته

الله الله الله
ماشاءالله
سلمت يالغالي
وصح لسانك
والله والنعم فيك ياأبوفايز
وغالي ومسند على غالي
ويش قولك بـ
الثلاثة الأصابع الوسطى والسبابة والإبهام أثناء تطريز الأيات القرآنية على كسوة الكعبة

http://www.alriyadh.com/2010/11/13/img/888791067677.jpg


صح بدنك يادكتور
وكلك خير وبركة يالغالي
وأشكر لك كلامك الطيب ياطيب الفال

والرمعة ،، ماهن هن ههههههه

ولون رمعتك حلوة الله يحليلك الأيام

[ابوماريا]

صح السانك يابو ماريا

ويستاهل ابو ماجد

وشرايك
بالالوان الاساسيه واللوحه والرسم

ياسلام عليك يالشعيفان


كفوووو ثم كفوووو ثم كفووووووو


نعم



الألوان الأساسية



الأزرق والأحمر والأصفر



وينتج منها بقية الألوان



وتزين اللوحة



وتنقدها عين الناقد الفني




بيض الله وجهك يالغالي وكل من شارك

[الشعيفان]

ماعليك زود يابو ماريا انت والاخوان

وجهك ابيض

[ذيب الفقارة]

صح لسانك أخوي أبو ماريا

ويستاهل أبو ماجد

وكفو كفو الشعيفان

[ابوماريا]

صح لسانك أخوي أبو ماريا



ويستاهل أبو ماجد



وكفو كفو الشعيفان


صح بدنك يالغالي

شرفني مرورك العطر

[الشعيفان]

صح لسانك أخوي أبو ماريا

ويستاهل أبو ماجد

وكفو كفو الشعيفان

هلابك ياذيب الفقارة
وماعليك زود

[ناصر العلي]

لله درك أخي الشعيفان
أحسنت الذبحة
وكفووو والله
وسلمت يالغالي على هاللغز
لغز مافيه كلام:good2:
وأول الغيث قطرة:lr
وأنت كريم وحنا إن شاءالله نستاهل
دمتم بخير

[ابوماريا]

لله درك أخي الشعيفان

أحسنت الذبحة
وكفووو والله
وسلمت يالغالي على هاللغز
لغز مافيه كلام:good2:
وأول الغيث قطرة:lr
وأنت كريم وحنا إن شاءالله نستاهل

دمتم بخير


ومن قال يسلم
وانتم تستاهلووون كل خير يابو علي
ولو بيدي والله لكتب لكل واحد معلقة

لكن وش اسوي بهاجوس حسود اعسفه عسف

تقبل تقدير واحترامي لشخصكم الكريم

[torrjom]

صح السانك


يااخوي ابوفايز


جزل من جزل


والله يزيدك من فضله


وابوماجد يستاهل


وكفووووووينطح كفوووووووووو


يالشعيفان


وبيض الله وجيهكم جميع


كل الووووووووووووود

[المزيدي4]

وعليكم السلام ورحمة الله وبركاته صح لسانك يا أبو فايز
وسلمت على ما تفضلت به من إبدااااع
ويستاهل أبو ماجد الإسناد



وكفو ثم كفو يا الشعيفان يسلم فكرك وصح لسانك

[ابو ماجد 2]

صح لسانك يابو فايز انت والشعيفان
لغز قمه يجعلنا نطمع بالمزيد
أول ماقرأت اللغز اتت ببالي الالوان الاساسيه بحكم تخصصي تربيه فنيه
لكني قلت وش جابهن لأبو فايز لذلك لم ارعهن اهتمامي بالتمحيص ولم ارمعهن
لله دركم جميعا

[الشعيفان]

صح بدنك يابو ماجد

[عطري]

و عليكم السلام و رحمة الله و بركاته
صح لسانك و بنانك أبافايز ، ماشاء الله بداية قوية .
بس لو نزلت اللغز آخر الليل أو أول الصبح عشان ألحق أرمع.
و يستاهل أبو ماجد دوواين من الشعر و كل خير.
و كفووووووووو يالشعيفان.

[عطري]

صح لسانك يابو فايز انت والشعيفان

لغز قمه يجعلنا نطمع بالمزيد
أول ماقرأت اللغز اتت ببالي الالوان الاساسيه بحكم تخصصي تربيه فنيه
لكني قلت وش جابهن لأبو فايز لذلك لم ارعهن اهتمامي بالتمحيص ولم ارمعهن
لله دركم جميعا



تبي نصيحتي ؛ خذ بنصيحك اللي نصحتني إياها: أي رمعة تخطر ببالك حطها و ارتح منها ، و تسلم.

[ابو ماجد 2]

تبي نصيحتي ؛ خذ بنصيحك اللي نصحتني إياها: أي رمعة تخطر ببالك حطها و ارتح منها ، و تسلم.


ههههههههههههههههه
حلوه وانت صادق
لكني استبعدتها وحتى لم اتعمق بالتفكير فيها
مغتر بتخصصي احسب مايعرف الالوان الاساسيه الا انا
هههههههههههه
حياك يالغالي وبالفعل كلامك صحيح الرمع مااحد يحاسب عليه

[ابوماريا]

صح السانك



يااخوي ابوفايز


جزل من جزل


والله يزيدك من فضله


وابوماجد يستاهل


وكفووووووينطح كفوووووووووو


يالشعيفان


وبيض الله وجيهكم جميع



كل الووووووووووووود


صح بدنك يابو عبد العزيز
وعزالله ،، الجزالة انك راعيها وراعي كل علم غانم

سرني مروورك العطر

[ابوماريا]

وعليكم السلام ورحمة الله وبركاته صح لسانك يا أبو فايز


وسلمت على ما تفضلت به من إبدااااع
ويستاهل أبو ماجد الإسناد






وكفو ثم كفو يا الشعيفان يسلم فكرك وصح لسانك






الله يسلمك من الشر ياالغالي
والابداع انتم أهله
أشكر لك مرورك العطر الذي أسعدني

[ابوماريا]

صح لسانك يابو فايز انت والشعيفان

لغز قمه يجعلنا نطمع بالمزيد
أول ماقرأت اللغز اتت ببالي الالوان الاساسيه بحكم تخصصي تربيه فنيه
لكني قلت وش جابهن لأبو فايز لذلك لم ارعهن اهتمامي بالتمحيص ولم ارمعهن
لله دركم جميعا


صح السانك يابو ماجد
وأنا قصدت أجيب بتخصصك بعد ماعرفت انك معلم تربية فنية

واللي ماتعرفه عني اني هاوي رسم وعندي دورتين بالرسم الزيتي

دمت مبدعا متألقا نورا لنا

[ابوماريا]

و عليكم السلام و رحمة الله و بركاته

صح لسانك و بنانك أبافايز ، ماشاء الله بداية قوية .
بس لو نزلت اللغز آخر الليل أو أول الصبح عشان ألحق أرمع.
و يستاهل أبو ماجد دوواين من الشعر و كل خير.
و كفووووووووو يالشعيفان.


صح بدنك ياعطر المنتدى
واشكر لك اطرائك
وأعتذر عن نزول اللغز بالوقت غير المناسب لك

سرني مرورك العطر ياعطرنا الغالي

[ابو ماجد 2]

صح السانك يابو ماجد
وأنا قصدت أجيب بتخصصك بعد ماعرفت انك معلم تربية فنية

واللي ماتعرفه عني اني هاوي رسم وعندي دورتين بالرسم الزيتي

دمت مبدعا متألقا نورا لنا


عز الله انك ابدعت
ولو دريت ان عندك دوره بالرسم الزيتي
كان ماتوانيت رمعتها
اجل على كذا نجيب بالالوان الحارة والالوان البارده
ههههههههههههه
ونجيب عن اللي قطع اذنه واهداها لعشيقته
حياك يالغالي

[ابوماريا]

عز الله انك ابدعت

ولو دريت ان عندك دوره بالرسم الزيتي
كان ماتوانيت رمعتها
اجل على كذا نجيب بالالوان الحارة والالوان البارده
ههههههههههههه
ونجيب عن اللي قطع اذنه واهداها لعشيقته
حياك يالغالي


الله يسعدك يابو ماجد بالدارين

ونرمع ونقول ،، فان جوخ
ههههههههه

دمت بخير يالغالي