اشوف بعض اخويانا طبعهم قاسي

[حمود العرادي]

اشوف بعض اخويانا طبعهم قاسي
ومهما تسوي لهم لا غبت ينسونه

ياشين راع القساوه مابه احساسي
حتى لو انه يساوي العين مع نونه

مكنونتن بالضماير مالها اقياسي
محروستن والمحاني سور من دونه

ماهو غلا مار مابي يذكر الناسي
ويدري بها واحدن ما نامت اعيونه

اجمع لها اللول والياقوت والماسي
وقدمه سالفه و الناس يو حوونه

محشومتن مثل بنت معرب الساسي
اللي اليا كبرت القالات ينصونه

له كل ماهي تبي ولا ينحني راسي
ما ينحني له يكود ايفارق امتونه

[صافى السريره]

صح لسانك ياالعرادي

[بن عويف]

الله الله

وصح لسانك
وأستلم هذي من بن عويف

أقول :

يا حمود لا تشتكي من قسوة القــاسي
....... فعــل النشـامى يــلكّ الّــلاش من دونـه

خلك رفيــقـ ن لشغمــ ن طيب السـاسي
....... قرمـ ن عديمـ ن تشوف الصيد بعيونـه

واعـرف ترا للدعــاوي وزن وقيــاسي
....... ومن لا عرف خلطة الجـاوي يغشونــه

وعنـّز على اللـي يبــدد كل وســواسي
....... الواحـــد اللي جميـع الخلــق يـرجونــه

وإن كان تبغى العلاج لكل هوجـــاسي
....... سـج الخطاوي لأبرقــ ن ممطـور يطرونـه

[حمود العرادي]

صح ابدانكم وصح السانك وافي يابن عويف