مكان محلات بيع ادوات الصيد في الدمام او الخبر

[خالد ابو ماجد]

السلام عليكم ورحمة الله و بركاته
الله يجزاكم خير من يعرف محل زين واسعاره معقوله يبيع ادوات صيد سمك في الخبر او الدمام يقولي وفضلا وليس امرا بسرعة

[alqysar]

عندك شارع 18 بالدمام وسوق السمك بالخبر خلف سوق الرحمانية بس الأسعار شايفها متقاربة بس انت وشطارتك بالمفاوضة

[الدوسري 222]

الخبر سوق السمك في كم محل واسعارهم حلوه ولاتنسا تكاسرهم وبالنسبة للمحلات الي بالدمام انحش

[accentkool]

الدمام الكورنيش مع دوار الصدفة وانت متجة على مباني الشقق المفروشة

[bomahammad]

محلات الدمام غاليه صراحة امس اشتريت قصبة باركودا 5.5 مع مكينة بانكس 7000 طلعت علي بـــ 420 ريال

[باتمان]

زي ماقالو الشباب روح الخبر أنسب

[مخلد المحنا]

ادري درب.. بس ليا صرت قريب الكويت حياك "سوق الجمعة" هذا مكان في الشويخ سوق يفتح جمعة وسبت حق البسطات والمستعمل من الاثاث وغيره... بس كل يوم اثنين العصر يجون اهل عدة الصيد... الجديد والمستعمل والزين والشين.. وانت حظك وشطارتك.. بس الاسعار دايما اقل وتطيح لك على خوش صفقات..

تحياتي
مخلد المحنّا

[ربان الخليج]

اخوي محلات الخبر شارع طلال اللي بداية دخوله تكون اسواق الرحمانيه على يسارك وتجدها بجوار ومقابل محلات الاسماك0وبالنسبه لارخص محل بالشرقيه هو محل/مرسى الجبيل/مقابل ميناء الجبيل التجاري0بجوار مكتب اشتراكات stc وتراها الحقيقه مو دعايه واللي ييزوره بيتأكد0 والفايده للجميع/تحياتي

[خالد ابو ماجد]

مشكورين وما قصرتوا

[kharshoum]

ولا يهون الاخوه ولكن عندك بعد كم محل في سيهات قريب سوق السمك واسعارهم بعد حلوه

[حجازي مكاوي]

الخبر افضل بكثير من الدمام .
الدمام غالي جودتها سيئه كمان

[aglanco]

الدمام
اولا/ محل عالم البحريات ...والموجود عنده عند غيره غالي جدا ولايرحم

ثانيا /الربان البحري اللي قبل محطة الدريس

عنده بضاعة حلوة وغالية ونفس الحكاية

تلاقي عنده سنارات abu


ثالثا/ السنارة الذهبية وكيل gmcعنده اللي عند غيره

متفرد بالسناراتgmc

الخبر

اولا / عرفة عنده فرعين :

1 - محل على طريق الملك عبدالله تحت جسر المشاة

واسعاره حلوة ومقبولة ويوفر سنارات pilot

واغراضه طيبه ومعقولة

2- محل بجنب سوق السمك اللي تقاطع شارعي5 و4

نفس الأغراض اللي بالأول بس المحل متروس عدة

ثانيا/ محل بركودا بجانب عرفة مقابل مواقف البحرين

عنده بضاعة حلوة وتلاقي عنده احيانا سنارات قديمة

ونادرة

ثالثا/ محل الرياضة البحرية مقابل لعرفة اللي بسوق

السمك ونفس الشيء

رابعا / الوان الربيع (محل السوريين) تلاقيه خلف

الرحمانية باتجاه شارع الكورنيش عند الدينات والسواقين

محل قديم وطيب وعندهم سنارات مو عند غيرهم

خامسا/ الطواش مقابل لسوق الرحمانية وله فرع بالجبيل

نفس الشيء

سادسا/ محل جديد فتح بعد سوق السمك بالخبر خلف

قرية الحيوان تقاطع 10

فيه محلات فسيهات

الخليج تابع للسنارة الذهبية (عوض المصري)

سيار وفيه محلات حول سوق السمك

ارجو اكون افدتك