صوت المطر

[بن عويف]

بسم الله الرحمن الرحيم

تحيه طيبه للجميع

وأقول :


يا صاحبي خاطري صوت المطر رجه
واخلف مزاجي وميض البرق ورشاشه

يازين شوف السحايب لا تلت عجه
تصير نفسي على المطلاع جياشه

في رفقة اللي علومه ما بها لجه
قرمن يشوشك على المطراش مطراشه

في جيبن اشهب إلى الصمان متوجه
في صحصحن قاصر النيات ما ناشه

نبعد عن ديارنا اللي كلها صجه
ونسَمّح الخاطر اللي مشتعل جاشه

بندر بن محمد بن عويّـف

[نفود حلوان]

صح لسانك يبن عويف هيضتنا على البر ترى معي فيروس برراي اي طاري يثيره
لازم اطلع يوم يومين اسوي فرمته تمشيني اسبوع اسبوعين
سلمت على هذا الاابدع 0000000000تحياتي

[يوسف الخليفة1]

صح لسانك أخي العزيز بن عويف

نسأل الله أن يغيث قلوبنا بالإيمان وبلادنا بالأمطار

[نديم المجره]

في جيبن اشهب إلى الصمان متوجه = في صحصحن قاصر النيات ما ناشه
صح لسانك يابن عويف
مافيه فيضه بالصمان ماناشها طايل وقاصر النيات
تلقى الفياض فيها جميع انواع البشر
رح للحدود الشماليه وتلقى الصحصح الخالي
وخذ هالابيات (الهجينيه) على شان تغيّر رايك وتخاويني لعرعر:
ياموتري والمطـر هـتـان = والـنفـس بالبـر مبلـيـه
شد العزم تنطوي الريضان = وقت السحر طـي زوليـه
يازين مشيٍ مـع الوديـان = باقصى الحـدود الشماليـه
وطعوس لينه تقـل جيـلان = حمرٍ مـن الخيـر مرويـه
ياماحـلا بـاذره لــــبــــــــــان = وصارت به الارض مكسيه
ومعي رفـيـقٍ مثـل ذيـبـان = ابن عـويف طـيـب الـنـيه
وياعزتي لكاشـت الصمـان = ارضه من النـاس ممليـه
تلقى البشر بالفياض الوان = حضـرن وبدو وحساويـه
وتلقى من اهل اليمن وعمان = ومن مصر تلقى وسوريـه
وهنود تلقى بهـا وافغـان = ورعيان مـن دون جنسيـه
والناس فيها تـقــل ديــــدان = مابـيــن راكــــب ورجــلـيـه
حتى فـيـاضه غــدة ريغــان = غـبــرا تـقــل خــد بوذيـه
وبالليل كنك علـى بركـان = كلٍ قبس بالمسـاء ضيـه
والبعض ناقص حيا وايمان = يرحـل ويتـرك قواطـيـه
خلوا الزبايل على القيعـان = في كـل الارجـاء مرميـه
وان جيتهم ناصحٍ باحسـان = ردوا بالـفـاظ سوقـيـه
ومنين ماتلتفـت جيـران = صكـوا عليـك الزقرتيـه
محشور في وسطهم بلشان = مالك مـع النـاس حريـه
لكثروا النـاس بالخليـان = خل الخـلا وخـل اهاليـه
وارجع لدارك قرير اعيـان = على الاقل بـه خصوصيـه
يقـطـعـك ياماكل الضبان = ياخي ترى الضب سحـليـه



الله يسعدك





تحياتي

[بن عويف]

صح لسانك يبن عويف هيضتنا على البر ترى معي فيروس برراي اي طاري يثيره
لازم اطلع يوم يومين اسوي فرمته تمشيني اسبوع اسبوعين
سلمت على هذا الاابدع 0000000000تحياتي



يا مرحبا باخونا الغالي
والبر يشرح نفوسن من الكربون تعبانه
وابشروا بالخير
والعلم عند الله ان ذالاربعاء والخميس بيجي نجد العذيه امطار طيبه
تحيزموا وشدوا عزبكم
وحددوا اهدافكم
وانطلقوا
:)

[هاوي عبث]

http://www.m5zn.com/img/?img=be647890a996ef8.jpg (http://www.m5zn.com/out.php?code=be647890a996ef8)

صح لسانك .. الله يرزقنا الغيث ياكريم

[بن عويف]

[center]في جيبن اشهب إلى الصمان متوجه = في صحصحن قاصر النيات ما ناشه
صح لسانك يابن عويف
مافيه فيضه بالصمان ماناشها طايل وقاصر النيات
تلقى الفياض فيها جميع انواع البشر
رح للحدود الشماليه وتلقى الصحصح الخالي



[/COLOR][/FONT]

تكفا يبو عبدالرحمن لا تقولها
والله ان قاصر النيات ما يتعدى الأنوار لو كثرت الامطار

والصمان فيها مواقع ما وطاها مخلوق

والشمال لابد نغزيها مع اللي مثلك وشرواك
وخوتك ما تنعاف
والابيات يبي لها جلسه ورد

[راعي الاقطم]

علومك زينه يابن عويف

وعلى البركه خير ربي

[سيف الشمال202]

صح السانك يالغالي عزالله ابدعت

في رفقة اللي علومه ما بها لجه
قرمن يشوشك على المطراش مطراشه

[بن عويف]

http://www.m5zn.com/img/?img=be647890a996ef8.jpg (http://www.m5zn.com/out.php?code=be647890a996ef8)

صح لسانك .. الله يرزقنا الغيث ياكريم

صح بدنك وابشرك نجد ممطوره واغلب المناطق ممطوره
والله يطرح البركه
ولاهنت والله ع الابداع والجهد اللي سويته
وتم حفظ الصوره

[بن عويف]

علومك زينه يابن عويف

وعلى البركه خير ربي
حياك الله يالحبيب

[بن عويف]

صح السانك يالغالي عزالله ابدعت

في رفقة اللي علومه ما بها لجه
قرمن يشوشك على المطراش مطراشه



سلمت يا سيف الشمال
وصح بدنك يالغالي

[صقرولدصقر]

ابن عويف صح لسانك وطاب فالك

الله يمدك بالصحه والعافيه

[عبس404]

صح لسانك
وقصيده جزله
والله يعطيك العافيه

[مكرم الضيف]

صح لسانك يابن عويف ماشاء الله عليك ابدعت

[ابوعيينه]

صح لسانك,,,وبيض الله وجهك,,
ابدعت يابن عويف..

[بن عويف]

ابن عويف صح لسانك وطاب فالك

الله يمدك بالصحه والعافيه

صح بدنك ولاهنت
ويحيينا وياك حياة طيبه

[بن عويف]

صح لسانك
وقصيده جزله
والله يعطيك العافيه


مرحبا بالغالي
والله يصح بدنك ويعافيك

[بن عويف]

صح لسانك يابن عويف ماشاء الله عليك ابدعت

صح بدنك اخوي الغالي مكرم الضيف
وحضورك يطربني

[المهستر1]

قصيدة رائعه وجزله
وراقت لي بيض الله وجهك يابن عويف مشكور يالقرم

[بن عويف]

صح لسانك,,,وبيض الله وجهك,,
ابدعت يابن عويف..


ووجهك ابيض يالغالي
وتشرفت بحضورك
لاهنت لاهنت