صافى السريره
21/11/2012, 12:17 AM
بسم الله الرحمن الرحيم
ابيات رد تحية للأخ الشاعر/ بند ر بن عويف
يابند ر بن عويف لبيك لبيك
..............شرًفت عند اللي تشرف بطاريك
خطيت لك رسم(ن)جزيل(ن) باياديك
............ورجعًت بالذكرى علوم لها طمس
يالقرم نسل عويف شرًفت شرًفت
...............واهلاً وسهلاً يوم جيت وتعرًفت
القاف زان اليوم والعام له عفت
..........ويمناك في يمناي لو ما حصل لمس
تسأل عن اللي صار وش صار ما صار
..........ارجع على الصفحات تلقى بها اخبار
والعلم عند اللي ولي(ن) على الدار
...هو صاحب المعنى رقيب(ن) على الدرس
ياخوي قلبت المواجع والافكار
.............وادعيتني يالقرم بالشعر محتار
وانا ترى من العام ياخوك صبار
..........مثل الذي يتنى ثماره من الغرس
رديت انا للرجم راق(ن) بعاليه
.............والروض زانت لي مرابع مفاليه
وقاصرت خلان(ن) لهم رخص غاليه
...........يوم انقلع عنهم ردي(ن) وبه نحس
حذراك من رجل(ن)تمرجل بوجهين
.....له في حضورك عين وان غاب له عين
همه يحط البين مابين الأثنين
.............دايم يدور له هروج(ن) بها دنس
ما كل من ينقل من العلم موثوق
........بعض العرب لاجاك بالعلم مطفوق
يخاف من كونه على العلم مسبوق
.............تشك فيه انه عليل(ن) من المس
وبعض العرب يصبح رفيق(ن) مخاوي
...............والعصر يبدي لك عظيم البلاوي
في خدمة الطاغوت صاير شقاوي
.........تشوف جوره لك قبل غيبت الشمس
وبه ناس تصفي لك على خير مله
............ان جاك هرج(ن) جاك هرج بمحله
شله ولكن بس هم خوش شله
..............ما خالط الزينين شينن ومند س
يا صاحبي صار الشعر كالبضاعه
..............باعوه في سوق الخنا والدناعه
عد الفلوس وهاك نظم(ن)بساعه
....... واجلس مع الشعار تصفق لك الخمس
الشعر نبض الحس ويزًينه ذوق
.......ما هو بضاعة تنشري من هل السوق
واللي يبوق الشعر ضار(ن) على البوق
....عاده مثل نجس(ن) تطهًر بماء(ن) نجس
بعض العرب حطوه مهنه بها عيش
.......... يبي الدراهم منه خيشه على خيش
والى سألته ليش ما قال لك ليش
..... طماع مغموس(ن) بدنيا الطمع غمس
واحد(ن) يدور به لشغل(ن) شفاعه
.......... يذيك في نظم(ن) نظمه بلكاعه
يالعنبو شعر(ن)يجيب الوضاعه
........واللي رضا بالهون ضعفت به النفس
يكفي من الابيات ما كان معلوم
............واللي بقى ياصلك كان انت ملزوم
ياتيك مختوم(ن) على الظرف بسلوم
........... لكن نقول اليوم لليوم وامس امس
ظنيت بي ظن(ن) وانا فيك ظنيت
................لانت تعنيتا ولا ني تعنيت
لولاك جبت القاف ما جبت لي بيت
............. نشت الزناد وزندنا ما يبي لمس
واسلم وبلغ لي كثير التحيات
............للكل في الخيمه وقارين الابيات
ربع(ن) لهم بالنفس قدر وكرامات
............امد يمنايه لهم وابسط الخمس
آل- بوهلال التميمي(احمد، ابوراكان)
ابيات رد تحية للأخ الشاعر/ بند ر بن عويف
يابند ر بن عويف لبيك لبيك
..............شرًفت عند اللي تشرف بطاريك
خطيت لك رسم(ن)جزيل(ن) باياديك
............ورجعًت بالذكرى علوم لها طمس
يالقرم نسل عويف شرًفت شرًفت
...............واهلاً وسهلاً يوم جيت وتعرًفت
القاف زان اليوم والعام له عفت
..........ويمناك في يمناي لو ما حصل لمس
تسأل عن اللي صار وش صار ما صار
..........ارجع على الصفحات تلقى بها اخبار
والعلم عند اللي ولي(ن) على الدار
...هو صاحب المعنى رقيب(ن) على الدرس
ياخوي قلبت المواجع والافكار
.............وادعيتني يالقرم بالشعر محتار
وانا ترى من العام ياخوك صبار
..........مثل الذي يتنى ثماره من الغرس
رديت انا للرجم راق(ن) بعاليه
.............والروض زانت لي مرابع مفاليه
وقاصرت خلان(ن) لهم رخص غاليه
...........يوم انقلع عنهم ردي(ن) وبه نحس
حذراك من رجل(ن)تمرجل بوجهين
.....له في حضورك عين وان غاب له عين
همه يحط البين مابين الأثنين
.............دايم يدور له هروج(ن) بها دنس
ما كل من ينقل من العلم موثوق
........بعض العرب لاجاك بالعلم مطفوق
يخاف من كونه على العلم مسبوق
.............تشك فيه انه عليل(ن) من المس
وبعض العرب يصبح رفيق(ن) مخاوي
...............والعصر يبدي لك عظيم البلاوي
في خدمة الطاغوت صاير شقاوي
.........تشوف جوره لك قبل غيبت الشمس
وبه ناس تصفي لك على خير مله
............ان جاك هرج(ن) جاك هرج بمحله
شله ولكن بس هم خوش شله
..............ما خالط الزينين شينن ومند س
يا صاحبي صار الشعر كالبضاعه
..............باعوه في سوق الخنا والدناعه
عد الفلوس وهاك نظم(ن)بساعه
....... واجلس مع الشعار تصفق لك الخمس
الشعر نبض الحس ويزًينه ذوق
.......ما هو بضاعة تنشري من هل السوق
واللي يبوق الشعر ضار(ن) على البوق
....عاده مثل نجس(ن) تطهًر بماء(ن) نجس
بعض العرب حطوه مهنه بها عيش
.......... يبي الدراهم منه خيشه على خيش
والى سألته ليش ما قال لك ليش
..... طماع مغموس(ن) بدنيا الطمع غمس
واحد(ن) يدور به لشغل(ن) شفاعه
.......... يذيك في نظم(ن) نظمه بلكاعه
يالعنبو شعر(ن)يجيب الوضاعه
........واللي رضا بالهون ضعفت به النفس
يكفي من الابيات ما كان معلوم
............واللي بقى ياصلك كان انت ملزوم
ياتيك مختوم(ن) على الظرف بسلوم
........... لكن نقول اليوم لليوم وامس امس
ظنيت بي ظن(ن) وانا فيك ظنيت
................لانت تعنيتا ولا ني تعنيت
لولاك جبت القاف ما جبت لي بيت
............. نشت الزناد وزندنا ما يبي لمس
واسلم وبلغ لي كثير التحيات
............للكل في الخيمه وقارين الابيات
ربع(ن) لهم بالنفس قدر وكرامات
............امد يمنايه لهم وابسط الخمس
آل- بوهلال التميمي(احمد، ابوراكان)