المساعد الشخصي الرقمي

مشاهدة النسخة كاملة : هل حصل معكم مثل هذا الموقف !!


albalaji
21/11/2012, 10:32 AM
حصلت عندي مشكله انه فجأه ظهرت علامة ان ضغط الهواء في الكفر الخلفي الايسر منخفض وقفت وعبيت الهواء وبعدين طفت اللمبه ... لكن الغريب ظهرت مره ثانيه وفحصت الهواء ولقيته مقبول وذهبت لبنشري وقلتله افحص هواء الكفرات كلها واكتشفت ان الكفر الامامي الايسر داخل فيه مسمار صغير جدا وينسم .. وطلع المشكله منه وقال البنشري دايم تحصل يوهقك الكمبيوتر !! وش الحل

سيارتي تاهو 2011 دبل
TwisToOoO
21/11/2012, 11:05 AM
كيف يعني يوهقك الكمبيوتر؟؟

لو انه يوهقك كان ماحذرك عن نقص الهوا

خذها قاعده وانا خوك اذا طلع لك تنبيه عن نقص في الهوا شيك على الكفرات كلها وريح راسك
سعد777
21/11/2012, 11:24 AM
أنا مثلك يطلع الخلفي الأيسر ضغط منخفض والإطار المنخفض امامي ايسر
المكشله تكمن في عمليه تبديل الإطارات في آخر تشييكه بالوكاله
الحل إعاده برمجه
راع النايفة
21/11/2012, 06:26 PM
احيان اذا غيرت الكفر اليمين يسار وما اعدت البرمجه يقرا على الوضع الاول يعني الي حطيته يسار ونسم يقول الكفر اليمين لانه مابرمج بعد التغيير.
albalaji
22/11/2012, 12:42 PM
اشكر لكم تعاونكم ... لكن هل اعرف طريقة برمجة الحساسات ؟
aziz85
22/11/2012, 08:30 PM
الطريقة ...




الطريقة مذكورة بكتالوج الوكالة عن طريق مركز معلومات السائق و مجربها اكثر من مرة ...
لا تشغل السيارة بس فر السويتش لما يشتغل مركز معلومات السايق ..تضغط على الزر الثاني لما توصل لجملة ( اعادة ضبط الاطارات ) او tire relearning


عقب تسمع صوت الهرن ( البوري ) مرة وحدة .. تنزل من السيارة و تروح للتاير ( الكفر ) اليسار الامامي و راح تلاحظ ان لمبة السكن اليسار البرتقالية شغالة ( هذي علشان تعلمك اي تاير تبرمجه ) نفـّس على التاير او زيده هوا المهم ان في هوا يدش او يطلع من البلف تقريبا من 15-20 ثانية لما تسمع صوت الهرن ..


بعدين تروح للتاير الامامي اليمين و هم راح تشوف اللمبة اليمين شغالة و تكرر نفس العملية .. و بعدين التاير الخلفي اليمين و بعدين التاير الخلفي اليسار ..


اذا سمعت صوت الهرن مرتين معناه العملية نجحت و المولود سليم . بعدين تشغل السيارة و تتوكل على الله و طبعا لا تنسى تتاكد ان الهوا مضبوط ...


وبتلاحظ أن قراءة العدادات صارت مضبوطه وجرب تزود كفر من أي جهة تختار ولاحظ قراءته في العداد تغيرت للوجهة نفسها
وقد جربتها بنفسي .. تقبلوا تحياتي .
منقول للأمانه
ابوعبدالله111
05/12/2012, 08:48 AM
الطريقة ...





الطريقة مذكورة بكتالوج الوكالة عن طريق مركز معلومات السائق و مجربها اكثر من مرة ...
لا تشغل السيارة بس فر السويتش لما يشتغل مركز معلومات السايق ..تضغط على الزر الثاني لما توصل لجملة ( اعادة ضبط الاطارات ) او tire relearning


عقب تسمع صوت الهرن ( البوري ) مرة وحدة .. تنزل من السيارة و تروح للتاير ( الكفر ) اليسار الامامي و راح تلاحظ ان لمبة السكن اليسار البرتقالية شغالة ( هذي علشان تعلمك اي تاير تبرمجه ) نفـّس على التاير او زيده هوا المهم ان في هوا يدش او يطلع من البلف تقريبا من 15-20 ثانية لما تسمع صوت الهرن ..


بعدين تروح للتاير الامامي اليمين و هم راح تشوف اللمبة اليمين شغالة و تكرر نفس العملية .. و بعدين التاير الخلفي اليمين و بعدين التاير الخلفي اليسار ..


اذا سمعت صوت الهرن مرتين معناه العملية نجحت و المولود سليم . بعدين تشغل السيارة و تتوكل على الله و طبعا لا تنسى تتاكد ان الهوا مضبوط ...


وبتلاحظ أن قراءة العدادات صارت مضبوطه وجرب تزود كفر من أي جهة تختار ولاحظ قراءته في العداد تغيرت للوجهة نفسها
وقد جربتها بنفسي .. تقبلوا تحياتي .

منقول للأمانه

مشكور على النقل
aziz85
05/12/2012, 10:50 AM
مشكور على النقل



العفو .. ولم أنقل إلا بعد التجربة من قبلي والتأكد من جدوى الطريقة من عدمها ..
تقبلوا تحياتي
بن عاقول
05/12/2012, 04:25 PM
العفو .. ولم أنقل إلا بعد التجربة من قبلي والتأكد من جدوى الطريقة من عدمها ..


تقبلوا تحياتي

هذه هي الطريقة الصحيحة :good2: وقد قمت أنا أيضاً بتطبيقها