صافى السريره
21/11/2012, 07:49 PM
بسم الله الرحمن الرحيم
مع التحية والتقديرللاخ/الشاعر القدير :بندر بن عويف
اهلا هلا يا مرحبا بالعذيين
............اللي الى قالوا من ابيات جزلين
كلامهم جوهر ولولو ومرجين
...........عذب عذي ما خالطه شي من د س
يا بند ر ابن عويف يا فرد حمزه
..............اللي علا بالشعر ثم صار رمزه
لك منطق(ن) ما فيه همز(ن) ولمزه
........وقافك على المطلوب كني المسه لمس
ياشاعر(ن) شرفت يازين قولك
...........ماني ترى مثلك ولانيب حولك
لي هقوة(ن) بالنفس يمكن تطولك
..........تلميذ بس احسن مفاهيم للدرس
انت المحيط ان كان للبحر سباق
........تلحق عقيد القوم بالحيل لحاق
تفتح طريق العلم كانه بنا ضاق
........وصوتك يجلجل لو يجي منك لوهمس
والبارحه ليلي معك صار به ليل
.....لا ناقص(ن) نقص(ن) ولا صار به ميل
جتني على المطلوب بالحيل بالحيل
...........ولا غبطت اللي يطيحون في الدبس
وسعت صدر(ن) ضاق من عقب ما ضاق
.......وطرقت طرق(ن) لكن الطرق لك فاق
وجيتك وانا شفق ظمي(ن) ومشتاق
.........للمارد اللي من سنين(ن) وانا اعس
اظن عنوان الرسالة قريته
............وابديت من عندي كلام(ن) نقيته
للي يعرف العلم من يوم جيته
..........فكره عميق ولا يعرج على الهجس
العام في الملعب تزاملت مع ناس
..... ناس(ن)عزيزن(ن) على العين والراس
واندس معنا خايب الراي بلاس
...........وفسد علينا الكيف والقاف ما مس
يا ناس كيف البعض يبقى ضعاعه
..............كنه من الخرشه بوقت المجاعه
لا عارف(ن) مهنه ولا له صناعه
..........للسور له قلطه على تالي التبس
يا صاحبي طريت صيد الحباري
...........واشغلتني ليتك عن العلم داري
ما لي على المقناص ذا اليوم طاري
..........منعاق بس العوق ماهو ترى حبس
(كشاف) ودعته بحسن الفعايل
...........اصيل منقي(ن) من انقى الاصايل
ياما على جنبي لمحته يخايل
.........طلعه بعيد وله طبوع(ن) بلا جنس
حيلاه يا كشاف ياليت مامت
............ترني عقب فرقاك للقنص قد شمت
اظن عقبك ما انقل الطير ما دمت
.....حي(ن) ولا لي في المقانيص من نفس
هيمان يا بندر لذيك الخمايل
...........للخايع المقفر الى صار سايل
باذره يطربني من الدمث شايل
...........توه على ورقتين ما جاه من عس
يازين مجلاس(ن) بهاك الرقاقه
........مع لابة(ن) حشمه جمعهم رفاقه
واللي جلس للكيف ما به طفاقه
...........لا جا يدق الهيل له يصغي العمس
وكلن معه طيره تفلا على الكيف
..........يمسح على وجهه وصدره بتصريف
ذرًاه عن صلف(ن) قوي(ن) من الهيف
...........وان برقعه خاشا يجي منه له مس
والخاتمه هذي ترى لي وداعه
..........القاف مني شاب ضاق اتساعه
الله يبارك في القصيد وسماعه
..........حيثه جمعني فيك يومي وقبل امس
آل- بوهلال التميمي (احمد،ابوراكان)
مع التحية والتقديرللاخ/الشاعر القدير :بندر بن عويف
اهلا هلا يا مرحبا بالعذيين
............اللي الى قالوا من ابيات جزلين
كلامهم جوهر ولولو ومرجين
...........عذب عذي ما خالطه شي من د س
يا بند ر ابن عويف يا فرد حمزه
..............اللي علا بالشعر ثم صار رمزه
لك منطق(ن) ما فيه همز(ن) ولمزه
........وقافك على المطلوب كني المسه لمس
ياشاعر(ن) شرفت يازين قولك
...........ماني ترى مثلك ولانيب حولك
لي هقوة(ن) بالنفس يمكن تطولك
..........تلميذ بس احسن مفاهيم للدرس
انت المحيط ان كان للبحر سباق
........تلحق عقيد القوم بالحيل لحاق
تفتح طريق العلم كانه بنا ضاق
........وصوتك يجلجل لو يجي منك لوهمس
والبارحه ليلي معك صار به ليل
.....لا ناقص(ن) نقص(ن) ولا صار به ميل
جتني على المطلوب بالحيل بالحيل
...........ولا غبطت اللي يطيحون في الدبس
وسعت صدر(ن) ضاق من عقب ما ضاق
.......وطرقت طرق(ن) لكن الطرق لك فاق
وجيتك وانا شفق ظمي(ن) ومشتاق
.........للمارد اللي من سنين(ن) وانا اعس
اظن عنوان الرسالة قريته
............وابديت من عندي كلام(ن) نقيته
للي يعرف العلم من يوم جيته
..........فكره عميق ولا يعرج على الهجس
العام في الملعب تزاملت مع ناس
..... ناس(ن)عزيزن(ن) على العين والراس
واندس معنا خايب الراي بلاس
...........وفسد علينا الكيف والقاف ما مس
يا ناس كيف البعض يبقى ضعاعه
..............كنه من الخرشه بوقت المجاعه
لا عارف(ن) مهنه ولا له صناعه
..........للسور له قلطه على تالي التبس
يا صاحبي طريت صيد الحباري
...........واشغلتني ليتك عن العلم داري
ما لي على المقناص ذا اليوم طاري
..........منعاق بس العوق ماهو ترى حبس
(كشاف) ودعته بحسن الفعايل
...........اصيل منقي(ن) من انقى الاصايل
ياما على جنبي لمحته يخايل
.........طلعه بعيد وله طبوع(ن) بلا جنس
حيلاه يا كشاف ياليت مامت
............ترني عقب فرقاك للقنص قد شمت
اظن عقبك ما انقل الطير ما دمت
.....حي(ن) ولا لي في المقانيص من نفس
هيمان يا بندر لذيك الخمايل
...........للخايع المقفر الى صار سايل
باذره يطربني من الدمث شايل
...........توه على ورقتين ما جاه من عس
يازين مجلاس(ن) بهاك الرقاقه
........مع لابة(ن) حشمه جمعهم رفاقه
واللي جلس للكيف ما به طفاقه
...........لا جا يدق الهيل له يصغي العمس
وكلن معه طيره تفلا على الكيف
..........يمسح على وجهه وصدره بتصريف
ذرًاه عن صلف(ن) قوي(ن) من الهيف
...........وان برقعه خاشا يجي منه له مس
والخاتمه هذي ترى لي وداعه
..........القاف مني شاب ضاق اتساعه
الله يبارك في القصيد وسماعه
..........حيثه جمعني فيك يومي وقبل امس
آل- بوهلال التميمي (احمد،ابوراكان)