المساعد الشخصي الرقمي

مشاهدة النسخة كاملة : ماهي مخططاتك للشتاء القادم ...


راعي ساموده
19/08/2006, 09:17 PM
السلام عليكم ورحمة الله وبركاته ..
كلنا يعيش هذه الايام ( الحاره ) ويمشي تحت الشمس الحارقه ..مع هذا كله ,هناك شيء يشغل بالك ويدور في رأسك فماهو ياترى ؟؟؟
طبعا,,,,, تلك النزهات والكشتات البريه الرائعه والممتعه الشتاء الماضي, ولكن!! بالتأكيد كان ينقصها بعض الأشياء اللتي كنت عاقدا العزم على تلافيها الشتاء المقبل مثلا - استهلكت جميع اجازتك وحين احتجتها وقت الشتاء لم تجدها ؟و و و و
فياليت نسمع من الاخوه الأعضاء الاشياء اللتي سوف يقومون بتلافيها الشتاء المقبل باذن الله ونريد توقعاتكم ايضا عن الربيع والأمطار .....
غالي
20/08/2006, 12:35 AM
بالنسبه لي يااخوي ساموده
اتمنى من كل قلبي ان الربع الي معي تزين امورهم ونقدر نطلع هالسنه
كلن منشغل وكل عنده ظروف للاسف
وبما اني مقبل على زواج وعندي بيت اصلح فيه وأثاث
لكن مستعد لو يأشرون لي لترك كلش ونطلع لكشته والا لو يبون جنوب افريقيا @@
بس اسأل الله ان يزين الامور
وشكل مردنا
الثمامه
تنهات
خريم
الشوكي
الحيسيه
شعيب حريملا
الطوقي
وهالاماكن القريبه
نسأل الله العافيه :)
الوافي عزام
20/08/2006, 02:02 AM
ان الله عطانا عمر سوينا زي كل سنه ان شاء الله

بالأضافه لمقناص خارج المملكه اذا تيسرت الأمور

اما الأجازات ذاخرينها
عسى الله يوفق الجميع لما يحبه ويرضاه
المربد
20/08/2006, 06:58 AM
الله يعطينا واياكم طولة العمر
ولا يشغلنا الا بطاعته
ولله الحمد والمنة الاجازات متوفرة
والسيارة والعزبة ، وما ناقص الا فضل الله والربيع الزين.

ولله الحمد والمنة.
البرج 1
20/08/2006, 08:42 AM
الله يعطينا طول العمر
مخططي الاول سيارة جيب لان الهايلكس كسرت ظهري
dark
20/08/2006, 10:13 AM
ابتزوج :) واعتزل العزوبيه وبيع الجيب وشتري سياره عائليه :)
راعي ساموده
20/08/2006, 01:28 PM
السلام عليكم ورحمة الله وبركاته ...

الأخ الغالي غالي ..
ماشاء الله تبارك الله , الله يوفقكم ويجمع بينكم على خير ويرزقكم الذريه الصالحه , وبالنسبه لطلعات البر اذا انشغلو خوياك ترانا كلنا خوياك انت بس امر وين تبي تلقانا قدامك .

الأخ الوافي عزام ..
أنت شكلك من حدود شمال شرق الى شمال غرب ماتحب تكشت وحولك احد, وبيني بينك هالحين كل محل بالبر مليان تقول بحديقه .

أخوي العزيز المربد
لاتنساني اذا جا البر وتعطيني قناتكم الخاصه

اخوي البرج 1
أن كنت ناوي على جيب جديد لاتستعجل اخوي لحد ماتشوف موديلات الفين وسبعه للباترول واللاند كروزر

الاخ دارك
هههههههه شكلهم شارطين عليك ترك البر
الله يوفقكم ويبارك لكم ويجمع بينكم على خير ويرزقكم الذريه الصالحه , ولاتنسانا من المفطح
الوافي عزام
21/08/2006, 02:10 AM
اخوي ساموده لاتروح بعيد تراني حولك بالرياض ;)

اما الثانيه عز الله انك جبتها . :good:
عبد العزيز العجاجي
21/08/2006, 02:32 AM
السلام عليكم ورحمة اللة
البرنامج السياحي خلال فصل الشتاء ان شاء الله وهوبصورة عامة كالتالي
1- رحلة سياحية إلى الربع الخالي
2- رحلة سياحية إلى منطقة تبوك وحقل
3- رحلة سياحية إلى منطقة جيزان وجزر فرسان
ويستثنى من هذا البرنامج الرحلات الخفافية التي هي بحدود 200الى 500 كلم
والله الموفق,,,
راعي ساموده
25/08/2006, 11:49 PM
السلام عليكم ورحمة الله ...
اخوي الوافي هلابك لا أقصد ان مكاشيتك بعيده مايردك الا الحدود
ماشا الله اخوي المرشد الله يعينك على هالمكاشيت ..
ووين اخواننا الباقين؟؟ معقوله اعضاء بمكشات ولالكم مخططات للشتا الجاي
الوافي عزام
26/08/2006, 12:11 AM
هلا بك اخوي ساموده
توقعاتك كلها صحيحه ومريحه
غالي
27/08/2006, 12:48 AM
يشرفني اخوي ساموده رفقتك ورفقة اخواننا الطيبين
وابشروا بالخير هالسنه بإذن واحد احد
الخميس رايح عند المزاحميه الخراره وحفيرة نساح
ماشاء الله تبارك الله امطار ورعود وبروق وهواء قوي
نسأل الله الرزق الوسيع