استفسار عن وزن الاثقال !!!

[T33]

السلام عليكم ورحمة الله وبركاته

يا اخوان بخصوص الثقل القصبه مكتوب عليها من 80 جرام الى 150 جرام

هل ضروري اتقيد في الوزن هذا ؟؟

وبخصوص الاثقال يجي مكتوب عليها 1 او 2 كم جرام تطلع ؟؟

ياليت اللى يعرف الارقام كم تساوي بالجرام يذكرها كلها

وشكرااا

[مخلد المحنا]

يا مرحبا بك اخوي..


المصنع يحط الوزن عالقصبة بحيث يقولك هذي الاوزان اللي يكون فيها اداء القصبة افضل شيء.. وبالعادة كل ما ثقل الوزن المذكور زادت قوة القصبة بطبيعة الحال.. ويكون الطرف مالها متين وقاسي..

اما بالنسبة لاوزان الاثقال اللي تباع في السوق بالارقام فهالرقم يشير الى الوزن بالاونصة.. والاونصة ٢٨ جرام وعليك الحسبة..

اتمنى اكون فدتك وتقبل مروري..


اخوك
مخلد المحنّا

[T33]

يعطيك العافيه

افدتني كثيرررر راح اغير الاثقال

[حداق متمرس]

يسلموا اخواني على المعلومات الروعه

تحياتي لكم

[منصور888]

ماشاء الله مخلد المحنا ابدع واعطاك العلم الوافي
بس انا عن نفسي استخدم 2 في الشوت اريح من 3 وفوق وكل مازاد الوزن عطاك شوت ابعد لكن احيانا ينقطع الخيط وغير الم في الاصبع مع كثرة الشوت

[accentkool]

بالعادة تستخدم 2 او 2 ونص او ثلاثة اذا القبة اكبر من 3 ونص