وش الافضل اركب دفرنس ولا كرونا

[ألخشيبي]

السلام عليكم اخوانى الكرام اهل مكشات
عندي فورد 2004 فيه صوت بدفرنس وش الافضل اركبله كرونا ولا اغير دفرنس
والشكر للجميع وماتقصرون الله يحفظكم

اخوكم الخشيبي

[انا ابو بندر]

لا غير دفرنش كامل احسن لك

[المنيعي1]

فيه بالمنتدى موضوع عن طريقة اصلاح الكرونة بأضافة مادة مع زيت الدفرنس
تقوم بأصلاح الكرونة وأختفاء الصوت المزعج

[ls1.5700]

طيب ليش تبي تغير الدفرنس اشرح المشكله قد يكون الصوت
من الرمان او حاجه بسيطه 00 تخسر نفسك تشتري دفرنس كامل على شان رمان قيمته 30 ريال
لاياخي اذا الكارونه كلها خربانه 00 اشتر غيره وركبه كامله غير مفكوكه ابد00 واشتر زيت اصلي وعلبه زيت مانع للحتك 0000ويضبط بأذن اللي ماتنام عينه
اتمنى اني افدتك اخوي الخشيبي

[الضغط العالي2]

اذا بتصلحه بيكلف عليك وبعدين يمكن يضبط ويمكن لا
احسن شي غيرة من التشاليح وريح راسك
موفق خير اخوي
تحياااتي،،،

[ls1.5700]

طيب ياضغط العالي لو يبي يغيره بــــــــــــكم تعرف كم قيمته يوم تقول غيره
على اي اساس يغيره على شان ونه يمكن يكون رمان قيمته تافهه ماتسوى
او انتم اي شي يخرب على طول التشليح
لو افترضنا انه شرى دفرنس بـ 5000 ريال وش اللي يضمن ان صاحب التشليح مجدفه
بقطع غير اصليه 000 او نقول بعد انه زين مافيه شي ولما يركبه تطلع البلاوي
حنه وطنه وخواتها ومن ثم فك رجع جب ركب 00 الفك والتركيب بكم يبي يخسر عليها
وتعب الرجال بالتشاليح ويضيع وقته على الفاضي
من رايي فكه الدفرنس يصاحب الموضوع
وقد تكون المشكله في رمان العكس او البنيون الكارونه لها رمان قد يكون منه او مافيها زيت

[Abo mazn]

لا تغير الدفرنس تأكد ان الصوت من الكارونه
واذا كانت الكارونه هي المشكله فكها وشوف اللي متعطل فيها وصلحه يمكن يطلع شي بسيط
ولا تاخذ كارونه موظبه ولا من التشليح صلاح كارونة السياره افضل

[ألخشيبي]

//الاخوة الكرام
ابوبندر
المنيعى
ls1.5700
الضغط العالى
الله يجزاكم خير على ارائكم ونصيحتكم وماقصرتو

[ألخشيبي]

الله يجزاك خير اخويAbo mazn

[دحيم الفزعة]

السلام عليكم ورحمة الله

يا صاحب الموضوع أنا أؤيد كلام ls1 وكلامه عين الصواب فك الكارونه وشف وش التالف فيها
لكن عندي ملاحظه على كلامه أن دفرنس الفورد سعره في التشاليح بالغالب من ٢٠٠٠ إلى ٢٥٠٠ راكب مع الضمان ولو تقدر تروح الكويت سعره راكب بالمتوسط ١٠٠٠ ريال


ودمت بود ===