أماكن بيع الخيام المستعملة

[قناص الأشهب]

السلام عليكم ورحمة الله وبركاته
يا أخوان ناوين نسوي مخيم مصغر وندور على خيام مستعملة أذا يوجد أماكن لبيع الخيام المستعملة
وبغيت نصيحتكم من ناحية النوعيه وكم غاط تكون لأن تعرفون البرد الأيام الجاية أقوى وكيف تكون توزيع الخيام يعني نحط خيمة للسمرة والجلسة وخيمة للطبخ وللعزبه أو .... ألخ
وذا مافية موقع لبيع المستعملات وين أحصل محلات بيعها للجديد مع العلم بيكون المخيم لعزاب وليس عوائل والعدد 25 شخص ينقصون ما يزيدون
الموقع الشرقية

[ابوعبدالرحمن.]

السلام عليكم .

اكيد تحصل المستعمل بسوق السكراب اللي وسط الدمام . لانه بالرياض موجود المستعمل بحراج ابن قاسم وبكثره

[Magellan]

بقيمة خيمة اواقل سوي صندقة خشبية بالمقاس اللي تبيه + شراع امريكي بالسقف
احسن لك من الخيام والغثى
عندي مخيم ومجرّب
الخيمة تنفع لمناطق الرملية كجو فقط
لكن الصندقة افضل من ناحية عزل الامطار + ماتنعوج كالخيمة من الاطناب+ مافيه عواميد بالوسط
عندي صندقة 6X4 مسويها بالـ 1500 ريال وحاط مشب حديد جاهز

[ابورايف]

يوجد في حراج ابن قاسم جنوب الرياض

جزء خاص بالخيام المستعمله والمواطير

مر عليهم وشف ولن تخسر شياً

تقبل مروري

[abu-turki2009]

شف محلات تأخير الخيام. بتحصل عندهم.

[قناص الأشهب]

الله يعطيكم العافية كل بمعرفة
ما قصرتوا

[عاشقة الطبيعه]

ابي خيمه مستعمله بالدمام عمودين لضروره وبسعر مناسب

[منير العقيد]

اذا احد يوجد عنده خيمه توافق / نظيفه للبيع اشتريها / وهاذا جوالي وتس /0509497277