اسناد لابن عويف -فرد حمزه***انا بشر ماني بعازل حراري!!!!!

[نفود حلوان]

بسم الله الرحمن الرحيم


الله يمسيكم \يصبحكم بالخير كلن حزة جيته


هذه القصيده اسندها مع التحيه لاخوي ابن عويف-فرد حمزه



هاج الضمير ولع القلب أهات=أعلن علي بالليل حالة طواري


ياقلب هيد لاتزيد التنهات=انا بشر ماني بعازل حراري
طلعك بعيد وناوي(ن) بالمسافات=اصبح وانا بلغيب ماني بداري
يافرد حمزه يابشير السلامات=أنت الطبيب العام والاستشاري
افصل بوضع مخاصم الذات بالذات=حيثك بخيص واصل(ن) للمحاري
النفس لو امشي بطوعها كل حزات=بنيت لي بيت(ن) بوسط البراري
تسري علي لادندن الليل بالذات=متعوده بالليل كثر المساري
عطلتها يالقرم في كثر سجات=تنام بالخليان عند الضواري
خابر طربها من ورى طعس تنهات=وشوف الخضار عصير جنب الخباري
ممشاي في وسط الفجوج الوسيعات=ماني بغابط كل بايع وشاري
وشوف الحوير يتلي الوضح خلفات=ترزم له الوضحى وزوله يباري
لوبس أحبحب فرته كل الاوقات=لتقول لي غلطان هاذي أفكاري
نبي نتسلى ياولد وسط( مكشات)=اللي له التقدير والاعتباري
وصلواعلى المبعوث هادي البريات=نبينا المبعوث من عند باري


دمتم بحفظ الله



محبكم\لافي سالم الغضوري صاحب

شريط (هبايب نجد)بالتسجيلات الاسلاميه

[صافى السريره]

صح لسانك يابو سالم واللي عنزت عليه كفو والطيب ما ينصا الا طيب والله يعين ابن عويف حمله ثقيل بس قدها وقدود ،وتسلم على هالابيات

[بن عويف]

ابك ابك
@_@
هذا والله العللللم

يا شيبنا من شعارنا شيبااااه
:)
صبحه بالخير وربحه
وصح لسانك
وابشر بالعلاج بأمر الواحد الاحد
----
وتحيه للشاعر الكبير صافي السريره
وشكراً ع اطرائك يالجزل

[نفود حلوان]

صح لسانك يابو سالم واللي عنزت عليه كفو والطيب ما ينصا الا طيب والله يعين ابن عويف حمله ثقيل بس قدها وقدود ،وتسلم على هالابيات
صح بدنك يالغالي وانت اطيب من غير قصور بالجميع00000
وابن عويف قدها وقدود مثل ماتفضلت 0
شاكر مرورك ابو راكان

[نفود حلوان]

ابك ابك
@_@
هذا والله العللللم

يا شيبنا من شعارنا شيبااااه
:)
صبحه بالخير وربحه
وصح لسانك
وابشر بالعلاج بأمر الواحد الاحد
----
وتحيه للشاعر الكبير صافي السريره
وشكراً ع اطرائك يالجزل
يسعد صباحك وصح بدنك ياابن عويف
الله يطول بعمرك للمشيب وجعلك عن
كل شر تغيب 0 والرد ماهوضروري
وصافي السريره يستاهل كل خير
دمتم بحفظ الله0000000000

[بن عويف]

لاهنت والرد ما عنا وعنه
ولكن الخميس والجمعه الواحد يجي له سجات
والليله بأمر الله يجيك الرد
ومن قال رد الشاعر ما هوب واجب
الا والله من اوجب واجبات الشعر هو الرد ع القصيدة الموجهه لك كان شاعر بقصيدة
ولا يبرا شاعر من الرد ابد
ولي عودة الليله
سلام

[بن عويف]

استلم يا هاب الريح


يالله يا سامع صدى كل الاصوات
....... يا الواحد اللي بالخفيات داري
يالحق يالمعبود يا عالي الذات
....... يا عالمن باللي على العبد جاري
يا رافعن ابلا عمايد سماوات
....... يا حافظن فوق البحور الجواري
يا مرسلن جبريل بأكمل رسالات
....... على الذي في غار ثور متداري
يقول له اقرأ ويقريه آيات
....... ويشع نور الدين مع كل قــاري
ويسل سيف الحق ويحطم اللات
....... ويسوم احفاد القـــرود العزاري
يا الله يا قاسم مقادير الاقوات
........ عليك تكلانـــا وإليـــك انكساري
ياللي تجازِ اللي إلى تاب حسْنات
....... لو كانت ذنوبه تضك الصحاري
باسمك نضج ونرتجي منك نفحات
....... للي بجوف الليل هـل العبـــاري
اجعل جزانا بآخر العمر جنات
....... في يوم ما تنفع يميني يساري
وصلاة ربي بعد ذكر التحيات
....... على النبي اللي بهدْيــه نمـاري
واهلا هلا يا مرسلن جزل الابيات
........ يا شاعرن جاله مع الليل طاري
حييت يـ مجاوب هوى النفس بآهات
....... من نفس مولاعه بحب الخبـــاري
يا هاقيـ ن فينا من الطيب هقوات
....... يالله عسانا قـــد ذيــك المحـــاري
تشكي ع اللي مولّع بكل مكشات
.... يسري مساري الذيب مع كل ساري
يشكي من اللي تشتكي منه بالذات
........ ويحب سج الرجل وسط البراري
مع رفقة الطيب عميد المهمات
........ تهيض نفسه للفجــوج القفــاري
تطيب مع رفقة هل الطيب الاوقات
....... شرواك يا نسل الاسود الضواري
خوة نشامى تطرب الروح لاجات
......... كلن على الطالات يالقـرم ضاري
للطيب فـ وجوه النشامى علامات
...... وللنقص فـ ضعاف الروابع مواري
بوصيك يا طالب من الشاعر وصاة
........ كانك تبا وصفة طبيب استشاري
وانته فطين وتفتهم للإشارات
........... والحر ما يبغى كثير الهذاري
يا صاحبي لو كان للبر مشهاة
.......... حذراك من غفلات قلبك حذاري
من يتبع اللذات جا فيه غفلات
........ واصبح يرفرف مع هوا كل ذاري
عليك بالتقوى اهي خير منجاة
....... لا من نـِفِـخ فالصور والكل عاري
لاصطكت السيقان للروح زفرات
........ وبين الضلوع تقول طعن الشباري
في وقتها تندم على كل ما فات
....... ومن ساعة الغفلة تجيك الحساري
ولا ينفع الرجال لا قيل قد مات
....... غير العمل ثمن صلاة السحاري
ولا صار له من تركة الدين تركات
........ وورث مثل مسلم وفتح البخاري
هذا الدوا سقته لكم عبر مكشات
....... واقبل سلامي يالخوي واعتذاري


بن عويف - فرد حمزهـ

[صافى السريره]

ياسلام ياسلام يابندر صح لسانك ،هذي تنحط بلوحة جامعه مانعه ،يستاهل لافي وعز الله انك وصفت له العلاج،بارك الله فيك يا بندر ،والظاهر ان الخرشه اللي شفت من وحيفت هالابيات

[ابن مظعون]

صح لسان الشاعر المبدع نفود حلوان
وصح السانك شاعرنا المميز بندر وعز الله انك رديت وكفيت وفيت وهذه تذكره للجميع بيض الله وجهك

ولا ينفع الرجال لا قيل قد مات
....... غير العمل ثمن صلاة السحاري
ولا صار له من تركة الدين تركات
........ وورث مثل مسلم وفتح البخاري

[يوسف الخليفة1]

صح لسانك أخي العزيز نفود حلوان وابن عويف

[نفود حلوان]

استلم يا هاب الريح


يالله يا سامع صدى كل الاصوات
....... يا الواحد اللي بالخفيات داري
يالحق يالمعبود يا عالي الذات
....... يا عالمن باللي على العبد جاري
يا رافعن ابلا عمايد سماوات
....... يا حافظن فوق البحور الجواري
يا مرسلن جبريل بأكمل رسالات
....... على الذي في غار ثور متداري
يقول له اقرأ ويقريه آيات
....... ويشع نور الدين مع كل قــاري
ويسل سيف الحق ويحطم اللات
....... ويسوم احفاد القـــرود العزاري
يا الله يا قاسم مقادير الاقوات
........ عليك تكلانـــا وإليـــك انكساري
ياللي تجازِ اللي إلى تاب حسْنات
....... لو كانت ذنوبه تضك الصحاري
باسمك نضج ونرتجي منك نفحات
....... للي بجوف الليل هـل العبـــاري
اجعل جزانا بآخر العمر جنات
....... في يوم ما تنفع يميني يساري
وصلاة ربي بعد ذكر التحيات
....... على النبي اللي بهدْيــه نمـاري
واهلا هلا يا مرسلن جزل الابيات
........ يا شاعرن جاله مع الليل طاري
حييت يـ مجاوب هوى النفس بآهات
....... من نفس مولاعه بحب الخبـــاري
يا هاقيـ ن فينا من الطيب هقوات
....... يالله عسانا قـــد ذيــك المحـــاري
تشكي ع اللي مولّع بكل مكشات
.... يسري مساري الذيب مع كل ساري
يشكي من اللي تشتكي منه بالذات
........ ويحب سج الرجل وسط البراري
مع رفقة الطيب عميد المهمات
........ تهيض نفسه للفجــوج القفــاري
تطيب مع رفقة هل الطيب الاوقات
....... شرواك يا نسل الاسود الضواري
خوة نشامى تطرب الروح لاجات
......... كلن على الطالات يالقـرم ضاري
للطيب فـ وجوه النشامى علامات
...... وللنقص فـ ضعاف الروابع مواري
بوصيك يا طالب من الشاعر وصاة
........ كانك تبا وصفة طبيب استشاري
وانته فطين وتفتهم للإشارات
........... والحر ما يبغى كثير الهذاري
يا صاحبي لو كان للبر مشهاة
.......... حذراك من غفلات قلبك حذاري
من يتبع اللذات جا فيه غفلات
........ واصبح يرفرف مع هوا كل ذاري
عليك بالتقوى اهي خير منجاة
....... لا من نـِفِـخ فالصور والكل عاري
لاصطكت السيقان للروح زفرات
........ وبين الضلوع تقول طعن الشباري
في وقتها تندم على كل ما فات
....... ومن ساعة الغفلة تجيك الحساري
ولا ينفع الرجال لا قيل قد مات
....... غير العمل ثمن صلاة السحاري
ولا صار له من تركة الدين تركات
........ وورث مثل مسلم وفتح البخاري
هذا الدوا سقته لكم عبر مكشات
....... واقبل سلامي يالخوي واعتذاري


بن عويف - فرد حمزهـ

هلا اخوي بندر ابن عويف صح لسانك
اولا اسف على التأخير بسبب وفاة والدتي رحمها الله
ولا استغني عن صالح دعواتكم
ثانيا لقد وصفت دواء من كل داء
دواء لكل الناس في لكل زمان ومكان
الله يكتب اجرك ويغفر ذنبك
شاكر الجميع على مرورهم

[بن عويف]

قولوا آمين يا اخوان
اللهم اغفر لأم أخونا الشاعر الغالي " لافي الغضوري
وارحمها يا رب العالمين
اللهم جازها بالحسنات احسانا
وبالسيئات عفواً وصفحاً وغفرانا
اللهم اكرم نزلها
ووسع مدخلها
واغسلها من الذنوب والخطايا
بالماء والثلج والبرد
واجعل قبرها روضة من رياض الجنه
يا رب العالمين

واحسن الله عزاكم

[مكرم الضيف]

صحت السنتكم على القصيد الطيب وتعازينا لاخونا لافي غفر الله لوالدته واسكنها فسيح جناته

[بن عويف]

صح بدنك يا مكرم الضيف
وتواجدك معنا له مكانته

[عبس404]

صح لسان الشاعران وقصائد جزله

[نفود حلوان]

صح لسانك يابو سالم واللي عنزت عليه كفو والطيب ما ينصا الا طيب والله يعين ابن عويف حمله ثقيل بس قدها وقدود ،وتسلم على هالابيات
صح بدنك اخوي صافي السريره وابن عويف كفو
معتذر عن التأخير لضروفي

[نفود حلوان]

صح لسان الشاعر المبدع نفود حلوان

وصح السانك شاعرنا المميز بندر وعز الله انك رديت وكفيت وفيت وهذه تذكره للجميع بيض الله وجهك


ولا ينفع الرجال لا قيل قد مات
....... غير العمل ثمن صلاة السحاري
ولا صار له من تركة الدين تركات

........ وورث مثل مسلم وفتح البخاري

هلا اخوي ابن مضعون نستقي منك الابداع
اسف على تأخري بالرد

[نفود حلوان]

صح لسانك أخي العزيز نفود حلوان وابن عويف


هلا بالعمده صح بدنك وبن عويف يقول
كذالك سامحنا على التأخير

[بن عويف]

ابن مظعون
و
ومشرفنا الفاضل بن خليفه
ألف مليون مرحبا
تواجدكم له قيمته واثرة البليغ على التسبد الشقيه

فانتم تماماً كالفازلين على اليدين المتمشقه
:)
فلا تحرمونا من حضوركم

[نفود حلوان]

ابن مظعون
و
ومشرفنا الفاضل بن خليفه
ألف مليون مرحبا
تواجدكم له قيمته واثرة البليغ على التسبد الشقيه

فانتم تماماً كالفازلين على اليدين المتمشقه
:)
فلا تحرمونا من حضوركم
هلا وغلا بحبيبنا ابن عويف
بوجودكم جميعا نورت الصفحه
-----------
شاكر لك ردودك اخوي
ومدامكم بخير انا بخيرالله يسعدكم ومن يقرى
كل التقديرررررررررررررررررررررررررررر