القير يعشق قدام بس... وراء لا

[فيصل 222]

بسم الله الرحمن الرحيم

الاستاذ اصيل الله يحفظك ولا يهون باقي الاعضاء الكرام كلكم على العين و الراس نستفيد من خبرتكم و تكسبون اجرنا

سلام عليكم و رحمة الله و بركاته

طال عمرك معي كابرس2002 8 سرندل ماشي 235000

ظهرت مشكله في القير فجاءه

ما يعشق اي نمره ... عصا القير يتحرك على الفاضي بس ما يستجيب القير كنه على الفاضي N

وقفت السيارة في المواقف من بكرا الصباح رحت للسيارة الصباح
واشتغل القير زي الحلاوه

قضيت عليها مشاوير و الامور تمام

قال لي واحد من الشباب غير زيت القير و الفلتر وغيرته

الان السياره من اسبوع تمشي قدام و تغير النمر عادي جدا بل ممتاز

بس السيارة ما ترجع وراء ههههههههههههه وراء مافي امل

تبي قدام حياك الله
وش المشكلة طال عمرك و نفع بك و حفظك ومن تحب

وش رايكم ... نورونا ؟؟


والسلام .............

[tf11]

تأكد من حساس القير .. الحساس غالبا يظهر لك مشكله نتعه مع التبديل

هذا اللي اعرفه وننتظر باقي الاعضاء

[azq]

هذه المشكلة كهربائية .. جيك على فيش الكير جميعها وكذلك على فيشة التي بي اس ؟؟ قد تكون متحركة او فيها اوساخ او ماء او اي شيء يعيق عملها ... وسوي اعادة برمجة .. اما ان تطبك الوايرات الحار مع البارد .. او تشيل البارد لنصف ساعة وبعدها تشغل .. وترى النتيجة .. وبالتوفيق

[صاروخ الغطغط]

هاذي حصلت في جيب تماتيك وطلعت تروس القير ماقول هي يمكن الخراب بسيط

[فيصل 222]

الميكانيكي يقول ترس الريوس مكسور
مالها علاقة ابدا بالكهرب

والشغلة تكلف 800 ريال
دام ما عندك مشاكل في التبديل قدام ؟؟؟؟ وانا محتار

[العطاوي a511]

القير اذا اشتغل زي الحلاوه على قولتك قدام ورى معناته كهربائيه لان اي مشكله ميكانيكيه تروس او غيره اذا خربت خربت مافي امل ترجع تضبط اتوقع كتاوت او حساس والله العالم افحص كمبيوتر ان شاء الله تبين المشكله بس رح لمركز متخصص بالكابرس