لقيت جيب نيسان وابي استشاره ضروري يا اخوان ادخلو

[المرسدس]

السلام عليكم

علوم واخبار :D

انا لقيت باترول صالون موديل 92 ابيض سياحي قزاز هندل ومكيف واحد
وجنوط حديد زي ما تقولون سلق والموتر علا كلام راعيه بويت الوكاله لا رش ولا سمكره معاد الرفرف اليمين قدام بس يقول انرش كم يسوا ممشا كويس يقول كان تبع وزاره المهم الموتر مع شايب قيلي استخدامه بكم معهم سيارات يستخدمونه حديثه
الموتري فيه مشكله بلقير الدبل بس يقول يشتغل المكينه نضيفه والمكيف شغال وشرايكم كم يسوا يبي فيه 17الف وعيا ينزل عنه الفموتر وقفته حشمه فيه ناس استشرتهم يقولون اصرف النضر عن النيسان قطعه ما تتحصل ومدري ايش

ولقيت مورانو 2003 ب20الف حوله استخدام امريكي مدري كندي :pوشرايكم بسياره ذي كيف الصيانتها وقطعها
وهل هي قويه في الرمله او لا وايش الموتر الي بحصله حول العشرين :(

http://www.auto123.com/ArtImages/105005/2007-nissan-murano-001.jpg
http://www.souq.dubaimoon.com/img/large/263531_0.jpg

[مخطور]

اول شي صلي صلاة استخارة وان شاءالله تاخذ الموتر الي يناسبك

انا انصحك بالباترول

وسعره معقول

وبالنسبة للقطع الغيار متوفرة واسعارهم معقول وتتحمل بس لاتخذ قطع غيار تجاري
والله يوفقك بالسيارة الي بتشتري ويطعمك خيرها

[المرسدس]

لرفع لرفع لرفع

[المرسدس]

الله يجزاك خير اخ مخطور
ودي اعرف اسعار قطع الغيار ولو اخذت تشليح زين مثل مقصات والمحل مثل قماشات وكلبليتر
اصلي وش حل الصرفيه بنزين وقير الدبل بحصله رخيص

[آخر العنقود]

هلا اخوي انصحك بالباترول وانحش عن المورانو ما يمدحونه ابد اعطاله كثيره واهم شي استخر.

[sgl2002]

والله رخيص بعد

خذه بس اهم شي انه نظيف

لايغرك الكلام

[sgl2002]

ماعليك من اللي يقول صرفية


الباترول واللاند المكينة راس واحد صرفيتها مثل بعض

[أوتارالقلب]

نصيحه لاتاخذة مكيف واحد رايح تندم وقت الصيف ولافيه ثلاجه دور شي نظيف مكيف مركزي ازين لك
بالنسبه لقطع غيارة متوفرة حتي بالبقاله تلقاة وحمار مكدة الباترل
تبي لك ٩٧ نظيف دق ع وابشر

[المرسدس]

اخر العنقود و 2002 واوتار القلب بيضالله وجيهكم ان شاءالله
والله ما تقصرون ولك رساله على الخاص اخ اوتار

[][ســهم][]

اخوي اشتره لا يروح عليك سعرة معقول ماشاء الله

[المرسدس]

انشالله بشوفه وبفحصه

[المرسدس]

سهم بس تراه مكيف واحد هاذي اسعارها ما بين ال16الف و18الف او اكثر

[المرسدس]

يا اخوان انا رحت شفت الجيب ال92 فيه صوت في دودة الدركسون ولما ادوس الموتر مكربن اسود كنه ديزل ويقول لازم تصفي الكلبريتر طيب الموتر عزمه مولابود جيد عضلاته زينه عصا القير يلعب موهب ثابت
مكيفه شغال الكلتش ثقيل والفرامل خفيف يقول يبيلها وزن وشرايكم

[وجعين]

لا يروح عليك سعرة مناسب ولو تبي تبيعه مارح يخسرك اهم شي افحص المكينه والقير سليم اشتر وتوكل على الله السيارة الي تقول مادري وش اسمه انتبه تقربه السياره نازله بلحيل ونا شفته على الطبيعه يعني الي معه ددسن او هلي يبي يتحداك بلبر وبطعوس