والذيب قالوا لاعوا جاوبه ذيب ..

[راعي قمران]

ياناشدن عني ترا ماني مجيب
لاتتصل برزان زايد صوابه

لاضقت أرقى فوق روس المراقيب
أحاول انسى ضيقتي والكآبه

إذا رقيت الدمع من عيني اقريب
وإذا نزلت اشتد عودي صلابة

مليت من وقتـ(ن) يعز الدغاليب
وقتـ(ن) به الحصني يجر الذيابة

ياقلهم بالوقت عكف الاشانيب
من الحضر ولا من عيال لابة

والحظ ضدي واقفـ(ن) وقفة كليب
بالحرب يوم ان الاباطر تهابة

الحظ بابـ(ن) له قفل ومقاضيب
ياشينها لاقفل الحظ بابة

والحظ جنبني انا شر تجنيب
وغديت تسني ضايعـ(ن) وسط غابة

والذيب قالوا لا عوا جاوبة ذيب
وانا عويت وماسمعت الاجابة ..!

وسلامتكم ..
اخوكم خالد المزيريب ..

راعي قمران ..

[بن عويف]

والذيب قالوا لا عوا جاوبه ذيب
وانا عويت وما سمعت الأجابه

صح لسانك واعتلا شانك قصيدة قوية وجزله
وفيها افكار جميلة جداً وصور بليغة

منها على سبيل المثال لا الحصر


إذا رقيت الدمع من عيني اقريب
وإذا نزلت اشتد عودي صلابة

مليت من وقتـ(ن) يعز الدغاليب
وقتـ(ن) به الحصني يجر الذيابة
---
هذا البيت
يبدو لي انك ناسي حرف الواو

الحظ بابـ(ن) له قفل ومقاضيب ( قفول ومقاضيب )
ياشينها لاقفل الحظ بابة




كلام كبير ومن شاعرن جزل
لاهنت

والله يحييك مع اخوانك

[صافى السريره]

صح لسانك يا خالد ابيات رائعة ولا عقب راي ابن عويًف راي

[يوسف الخليفة1]

حياك الله أخي العزيز راعي قمران

هل القصيدة لك

[راعي قمران]

بن عويف لاهنت على الرد الطيب والنقد البناء يالامير ..
..
..
تحياتي لك .. وشاكر على مرورك ..

[راعي قمران]

صافي السريرة لاهنت والرائع مرورك الكريم ..
..
..
تحياتي لك ..

[راعي قمران]

يوسف الخليفه الله يحيك ويبقيك ..
..
..
الله الله القصيده لي ..
..
..
اسعدتني بمرورك ..

[راعي قمران]

ابن عويف ماعليش ماقدرت ارد عليك بسبب فني وهو تغيير الايميل وانتظار التفعيل ..
..
..
بخصوص ملاحظتك يالامير ..

هذا البيت
يبدو لي انك ناسي حرف الواو

الحظ بابـ(ن) له قفل ومقاضيب ( قفول ومقاضيب )
ياشينها لاقفل الحظ بابة

..
..
اعتذر عن نسياني لوضع التشكيل والحركات .. البيت بالاصح هكذا ..

الحظ بابـ(ن) له قُـفُـلْ ومقاضيب

ياشينها لا قَـفّـل الحظ بابة

نطق قفل الاولى يختلف عن نطق قفل الثانيه اتمنى اني قدرت اوضحها واعذرنا على التأخير بالرد يالجزل ..
..
..
واشكرك على التنبيه وشهادتك وسام يابن عويف ..
..
..
تحياتي لك ..

[مكرم الضيف]

صح لسانك يالشاعر

[راعي قمران]

صح بدنك يامكرم الضيف ..
..
..
اسعدني مرورك وردك يالذيب ..
..
..
تحياتي لك ..