محتاج خبراتكم لتجهيز محل خاص بأدوات الرحلات

[المنتهي 20000]

السلام عليكم ورحمة الله وبركاتة
اخواني الافاضل حاليا جالس اجهز محل خاص بعدد وادوات الرحلات في منطقة جدة فمحتاج خبراتكم واحتياجاتكم لتجهيزها في المحل واذا كان الموضوع مخالف اتمنى من الادارة حذفه وشكرا

[تساهيل1]

عليكم السلام
المنتهي حبيب قلبي خل معك ورقه وقلم

اهم شي الحاجات الاستهلاكيه مثل (كاسات+فناجيل+مواعين)

بالمختصر عزبة الشاهي والقهوه + عزبة الطبخ

دخلها للبيت وانثرها بالصاله وسجل كل قطعه فيها
كاسه فنجال ابريق دله صحن قدر سطل ملقاط فرشه مركا فراش سفري صندوق العزبه ...الخ
اغراض العزبه

وجب زيها بالكميه او الجمله مر على مبيعات الجمله السنيدي ببريده

او تعاقد مع محل اشرعه

بعدها ابدأ بالكماليات مثل رواق ذرايات

او مر على اقرب محل رحلات وسجل بورقه

شوي شوي بتلقى محلك ماشاء الله متكامل

اهم شي ابدا بالضروريات اللي هي العزبه والدوافير

وعليك بالاصلي لو غلى

وموفق ان شاء الله

[ابومهند 5]

وعليكم السلام ورحمة الله وبركاته
الله يرزقك من واسع فضله اخوي

[الطعس333]

شف الصور لمحل اغراض البر

http://www.mekshat.com/vb/showthread.php?t=287286&highlight=%C7%DB%D1%C7%D6+%C7%E1%C8%D1

[القناص1100]

ابدا بقوه تنجح بأذن الله

[ابوعبدالرحمن.]

الله يوفقنا وياك . وتكون المبتدئ ليس المنتهي

[مشوت الذيب]

السلام عليكم
حياك الله اخوي. المنتهي٢٠٠٠٠

من وجهت نضري المتواضعه انك تبدء من حيث انتهى الناس
بمعنى تابع الجديد ووفره بمحلك الجديد
وابحث عن التميز وما قد يكون فيه اضافه
قد اخالف اخي وعزيزي تساهيل في التركيز على الاواني والفناجيل والبيالات وباقي اغراض العزبه
لانها متوفره في كل المحلات حتى في البقالات وانت محلك ادوات رحلات
ولكن بنفس الوقت لاتهملها
ركز على الاشرعه وافضل طريقه انك تجيبلك عامل متخصص في الاشرعه لان امزجة الناس تختلف وعندما توافق السلعه او الشراع رغبة الزبون ويكون راضي بها ثق انك كسبت زبون دائم ولان عملية التفصيل فيها مردود مادي بحكم انها شغله يدويه ولا تستهلك قطع او اجهزه ولا يمنع ان تتفق مع مورد للرواقات والاشرعه الدارجه كأغطية صندوق الوانيتات
واهم نقطه ان تكون اسعارك متقاربه لما يطرح في المحلات المماثله لان شركاة ترحيل البضايع وفرت الكثير والكثير للناس ... فبأمكاني شحن سلعه من الرياض مثلاً ب١٥ او ٢٠ ريال في حالة ان السلعه اللي في بلدي اعلئ سعراً
من التي سوف اشحنها
ولاتنس الجوده فهي المحك في تفاوت الاسعار والمطلب الاساسي عند اغلب الزباين

عزيزي اعتذر على الاطاله
ولكن احببت ان اطرح ما اريده من محل الرحلات عندما ادخله
فربما وفقت للصواب وهذا من الله وربما هناك وجهات نظر اخرى لها تقديري واحترامي

تقبل مروري

[المنتهي 20000]

اشكركم اخواني على هذه النصائح وبمشيئة الله لن تجدوا عندي الا البضاعه ذات الجودة العالية لاني عانيت كثيرا من البضائع الرديئة وسوف اتقبل جميع نصائحكم بصدر رحب

[أبو دهلوس]

وفقك الله ورزقك الرزق الحلال .
نصيحتي لك بالصدق في تعاملاتك ,,,,

[المنتهي 20000]

اللهم امين والله يجزاك خير اخوي ابودهلوس ونصيحتك على راسي من فوق

[khwws]

الله ييسر امرك عطني اسم المحل والموقع نبي نزورك فية باالتوفيق للجميع

[المنتهي 20000]

اللهم امين وياك اخوي وبالنسبة للاسم اصبر علي شوي بس المحل تحت التجهيز حاليا

[مسافر مكشات]

عليكم السلام

المنتهي حبيب قلبي خل معك ورقه وقلم


اهم شي الحاجات الاستهلاكيه مثل (كاسات+فناجيل+مواعين)


بالمختصر عزبة الشاهي والقهوه + عزبة الطبخ


دخلها للبيت وانثرها بالصاله وسجل كل قطعه فيها
كاسه فنجال ابريق دله صحن قدر سطل ملقاط فرشه مركا فراش سفري صندوق العزبه ...الخ
اغراض العزبه


وجب زيها بالكميه او الجمله مر على مبيعات الجمله السنيدي ببريده


او تعاقد مع محل اشرعه


بعدها ابدأ بالكماليات مثل رواق ذرايات


او مر على اقرب محل رحلات وسجل بورقه


شوي شوي بتلقى محلك ماشاء الله متكامل


اهم شي ابدا بالضروريات اللي هي العزبه والدوافير


وعليك بالاصلي لو غلى


وموفق ان شاء الله

ماشاء الله ماقصرت

[maftoon]

اخي العزيز الله يوفقك ويسر أمرك اهم شي الجوده وثانين الإبداع بالشي الجديد والشباب ما يقصرون في الأفكار

[aglanco]

جدة تعاني من نقص وعدم وجود


محلات خاصة ومتكاملة وتوفر مثل


ماهو موجود بالرياض والدمام وبريدة


عندك محلات معدودة


ابدأ بالشغل المطلوب اللي يوفر علينا السفر والشحن


مواقد+قزوز+دبات+اغراض البر+اروقة+دلال


اباريق +فناجين +كاسات+حافضات+زيوت اسلحة+جرابات


شنط العزب +ثلاجات تبريد+اغراض اهل المقناص+اثقال رصاص+


شواحن +كشافات+سكاكين +محولات كهرباء تشبك على السيارة+

منافيخ الهواء+رؤوس الدوافير الأصلية (الايطالية)+ليات
الأشرعة ولو تجيب معلم تفصيل يكون افضل


فرشات +تكايات+مدات ابو نفرين

لو توفر حزم حطب يكون اريح وصناديق لحفظ الحطب(تباع فردية)



تعاون مع المحلات المعروفة والمشهورة بالرياض


وعندك عمالقة المنتدى راح يكملون النقص


اتمنى اكون افدتك


هذا اللي كنت افكر فيه من اول محل متكامل يشبع


احتياجات اهل جدة ومن حولها


ننتظر الافتتاح

الله ييسر امورك


....................

[المستحيل277]

سلام عليكم اول شي لا تكتب اسم المنتهي بلوحه المحل هههههههه ما قصرو الاخوان ولا كن كبدايه ماقصر تساهيل عطاك العلم وبعدين تابع مكشات وحاول تستفيد من هذا الموقع العالمي بطرحه لا تنسونا من دعاكم ودمتم

[ساكن الغربية]

الله يرزقك ويوفقك اخوي
وان شاء الله نسمع بافتتاح محلك عن قريب
تحياتي لك

[المنتهي 20000]

اللهم امين وياكم جميعا يارب ونستقبل اقتراحاتكم بصدر رحب