قصيده الشاعر / عوض العنزي على صقار الشمال عوده البني

[أبن البني]

حبيت أنقل لكم قصيدةالشاعر / عوض جبار العنزي على صقار الشمال عوده البني




بمناسبه طرح طير الموسم على المناشبيه ...




يالله ياعالم خفيات الاسرار


ياواحدن كل المخاليق ترجيه ..

انك تجملني بزينات الاشعار

عندالذي قدره رفيعن ونغليه ..
عندأبوثامر منقع الطيب والكار
كلن يقول ونعم لاحل طاريه ..
الشعر ياقف لامدحته ويحتار
لوني اكتب طول عمري ماوفيه ..
ولي عادتن اعوم في غب الابحار
واجني درر شعري لياجيت ابجنيه ..
من نسل عودن يكرم الضيف والجار
دايم لفعل الطيب تتعب مواطيه ..
الطير له عنده مقامن ومقدار
راعي ولع والطير حقه موفيه..
الطير من كفه لياهد مابار
طيره من زود الولف تقل يحاكيه ..
والوقت هذا فيه يالقرم تحتار
الوقت ياكثر يابو ثامر بلاويه ..
ولاهو غريب انشفت خاين وغدار
ولاكل من يضحك بوجهك تخاويه ..
ولاكل رجلن للمطاريش صبار
ولاكل شاعر تعتمدها قوافيه ..
قصيدتن وحده ويمدح بها كثار
الاليامن صرت تملاء مخابيه ..
ولاكل منهو يكتب الشعر بيطار
اللي صعيب القاف عجز يسويه ..
سلام ياعوده عدد نبت الاشجار
وعداد حجاج البيت واللي سعوا فيه ..
الشعر فيك احتار ياوافي الاشبار
يالنادر اللي عايزاتن مواريه ..
نادر حرار ومن صواريم سنجار
وبصايده ماناش كنك مذكيه ..
عوايده يلحق بعيداتن طيار
لحاق دايم رافعن راس راعيه ..
علمك ياعوده واصلن كل الاقطار
ياللي بعرف الطير ماحدن يماريه ..
من صغر سنك وانت للطير صقار
ولياوصفت الطير كني مراعيه ..
لاضاقت الحيلات يمين ويسار
على شباكن يطلب الله ويرجيه..
وفزع البني للوحش خير ماختار
وفزعله حرن على حرن يشاديه ..
قله يعمم عند ربعه وتجار
ويببشر بطيره عقب مايصفق يديه ..
لاجاه ابوثامر وقف كل صقار
ولايطرح الطير الوحش غير راعيه ...







وسلامتكم ...




[/center]

[متولع بالقنص]

صح لسانك يالنشمي