بخصوص صوت بالقير باترول

[قنااااص]

السلام عليكم ورحمة الله وبركاته

تحية طيبه لجميع الاخوه الاعضاء والزوار

يا أخوان انا معاي

باترول 2008 تماتيك

اذا مشيت عليه ووقفت طلع صوت مثل الضربه القويه

(( أحياناا تكون ضربه قويه وأحيانا تكون خفيفه ))

والصوت يطلع بعد ما أرفع رجلي عن البريك

واحس ان الصوت تحت القير

والله اني محتار ما أدري وش الحل ؟؟؟

ذهبت لكذا ورشة ولا أحد عطاني حل هالمشكلة ...

ياليت الله يجزاكم خير اللي عنده خبره يفيدني وله جزيـــــل الشكر

[vtc 2007]

وعليكم السلام ورحمة الله وبركاتة
المشكلة موجودة بجميع الجيوب
الحل - اذهب لمحلات تغير الزيت وقلة شحم الصلبان
وكل تقريبا 3 شهور شحم مرة اخرى وبهكذا يختفى الصوت ويقل
اتمنى انى افتك وشكرا

[ابوسند9]

اخوي قناص
الصوت من عمود الدبل الامامي
شحم ثقيل وراح تخف لاكن بعد فتره ترجع
وهي عاديه جميع الباترول كذا
واذا حبيت تتاكد وتطمئن فك عمود الدبل وجرب ما راح تسمع طقه

[محسن اليامي]

مثل ماتفضلوا الأخوان شحم الصلبان وتنتهي المشكله ولا تحاتي

[قنااااص]

الله يجزاكم خير يا اخوان

ومشكورين على تفضلكم بالرد

وراح اجرب افك العمود واجرب

ولي عوده ان شاء الله

[محسن اليامي]

لا تفك العمود بس شجم الصلبان

[ls1.5700]

المشكله عامه وطبيعيه مامنها خوف كل الباترول كذا

[العفّار]

اخي الكريم :

الصوت من عمود كردان وهو موجوده باغلب الباترولات لكن تستطيع باذن الله حلها :

تغيير العمود طبعا سعره يقارب 1700 ريال وسعره غالي جدا لكن تستطيع تركيب ياباني بسعر 400 ريال تقريبا ونفس الجوده باذن الله .....

ان كنت من اهل القصيم انصحك بالذهاب لورشة الصمعاني الموجوده بالتشليح لانه متخصص بهالشغله ويقدر يأكد لك المشكله قبل التصليح باذن الله

وفقك الله

[ابوسند9]

اخي الكريم :

الصوت من عمود كردان وهو موجوده باغلب الباترولات لكن تستطيع باذن الله حلها :

تغيير العمود طبعا سعره يقارب 1700 ريال وسعره غالي جدا لكن تستطيع تركيب ياباني بسعر 400 ريال تقريبا ونفس الجوده باذن الله .....

ان كنت من اهل القصيم انصحك بالذهاب لورشة الصمعاني الموجوده بالتشليح لانه متخصص بهالشغله ويقدر يأكد لك المشكله قبل التصليح باذن الله

وفقك الله
اخوي العقار
احب اوضح لك واحطك بالصوره ان الباترول ماشاء الله ما يعرف شي اسمه خراب عمود زي سيارات تويوتا التي تطلب اعمده دائما
طبعا الصوت اللي ذكر اخونا هو صوت يحدث من عمود الدبل وبسبب الفضاوه بين العمود والعرموطه التي خاشه بالعمود ولكن مع التشحم احينا تختفي واحينا تخف ولا منها ضرر ابدا
لكن لو قلنا ان السياره فيها حره مع المشي كان ممكن نقول عمود
تحياتي لك

[قنااااص]

اخي الكريم :

الصوت من عمود كردان وهو موجوده باغلب الباترولات لكن تستطيع باذن الله حلها :

تغيير العمود طبعا سعره يقارب 1700 ريال وسعره غالي جدا لكن تستطيع تركيب ياباني بسعر 400 ريال تقريبا ونفس الجوده باذن الله .....

ان كنت من اهل القصيم انصحك بالذهاب لورشة الصمعاني الموجوده بالتشليح لانه متخصص بهالشغله ويقدر يأكد لك المشكله قبل التصليح باذن الله

وفقك الله



يامرحبا يا عزيزي
الصمعاني رحت له اللي بالتشليح وقال التماتيك ما اعرف عنه شي
مدري هي تصريفه او انه صادق

مع العلم انه قبل سنه جايب له جيب تويوتا تماتيك كان فيه مشكله بالدبل وصلحه

والله اني محتااار ومتردد
لان الضربه والصوت اللي يطلع صوت قووووي ما كان فيه اول ما شريته

[العفّار]

اخوي العقار
احب اوضح لك واحطك بالصوره ان الباترول ماشاء الله ما يعرف شي اسمه خراب عمود زي سيارات تويوتا التي تطلب اعمده دائما
طبعا الصوت اللي ذكر اخونا هو صوت يحدث من عمود الدبل وبسبب الفضاوه بين العمود والعرموطه التي خاشه بالعمود ولكن مع التشحم احينا تختفي واحينا تخف ولا منها ضرر ابدا
لكن لو قلنا ان السياره فيها حره مع المشي كان ممكن نقول عمود
تحياتي لك

حياك الله اخي الكريم ابو سند

كلامك لاخلاف عليه وصحيح لكن المشكلة ليست خراب بالعمود المشكلة فراغ ( فضاوة ) ومع مسكة البريك يردح الموتر من الفضاوه وبالطبع لن يكون هناك حرة ابد لان المشكله فضاوه فقط ...

\

وللمعلومية : انا استخدمت الباترول كثير وكانت هالمشكلة موجوده معي تماما وموجوده مع الكثير وذهبت لصمعاني رغم اني ماقتنعت بكلامه اولا لكن اثبت لي وغيرت عمود واختفت تماما وهالكلام اقوله من باب ثقه ولم يكن هناك حره ابد لكن ردحه قويه مع وقفة الموتر عند اشاره او بيت او غيره لدرجة احيانا من قوة الردحه كأن احد صادمك وبعد تغييره اختفت تماما ...


لكن هذا مايعني ان كل صوت يعني نفس مشكلتي فيجب التأكد قبل
شكرا لك ووفقك الله انت ومن يقرأ كلامي هذا

[ابوسند9]

اخوي العفار حياك الله وكلامك في محله
طيب اخوي قناص
انصحك تمر على ورشة ابو خالد الخضير اذا كنت بالقصيم وما عليك من الصمعاني

[أبوعبدالله566]

السلام عليكم ورحمة الله وبركاته
وش نوع الكفرات اللي انت مركب