وش رايكم بالاندكروزر ( مفخرة الارض ) GXR 2012

[عزوز 2005]

[=""]بسم الله الرحمن الرحيم


وش رايكم بمفخرة الارض GXR موديل 2012. 8 سرندل

بس خوفي من مثبت السرعه ونبي مشورة المجربين من ناحية الأستخدام
هل يستاهل الشراء بهالقيمة لأن مبلغه غالي والجودة مهب زي أول ]

[ناصح]

سيارة ممتازة

لكن مبالغ في السعر جدا جدا

[فتك ب ص ع]

توكل على الله الموتر سعره فيه ويستاهل وبناء تجربه ثلاث مرات ٢٠٠٩ و٢٠١١ و ٢٠١٢ يستاهل

[فهد450]

كم سعرة الان

[فتك ب ص ع]

محصل اسبرين ونش دفلك ٨ سرندل بمعرض الفلاح ٢١٥ ابيض

[- بو فيصل]

على سعره المرتفع لايوجد بالدركسون ازرار تحكم
ومجلس الراكب الأمامي عادي

شوف لك خليجي بمواصفات اعلى

[.أبوعبدالرحمن]

السيارة مبالغ في سعرها جدا جدا جدا جدا

ويوجد بدائل

[عرين نجد]

خذ لك خليجي

[بن نويشر]

يا جماعة الخير الحين ليش غالي كذا ؟؟

يعني هل قيمته في اليابان ولا امريكا الشمالية بهذا السعر ولا عندنا بس ؟؟

[زيــآدِ]

السيارة مبالغ في سعرها جدا جدا جدا جدا

ويوجد بدائل

اذكر لنا البدائل :good2:

[كريزي نت]

الموتر كفو وانت تستاهله ان شاء الله
وسعره مرتفع شوي لكن والله يستاهل
وتراه شيك في مخباك بإذن الله


توكل على الله وأخذه
اذا تبيلك سيارة تستاهل

[.أبوعبدالرحمن]

اذكر لنا البدائل :good2:


البدائل الباترول الجديد حول سعره

وكذلك اليوكن والاكسبدشن والسكويا والتاهو وغيرها من هذي السيارات

الأفضل من ناحية الراحة والأمان وقلة السعر في الشراء

[معانق المزن]

توكل على وخذه لأنه لاتوجد بدائل بتايوتا الا بتايوتا

[المسنلم]

الشكل ------- 9 /10

الراحه ------- 6/10

البراو الرمل---- 4/10

الجوده والمتانه-- 1/10

اسعار قطع الغيار-- 0/10

سعر الشراء----- 0/10

سعر البيع مستقبلا-- 7/10

وبالنهايه اشوف دفع ربع مليون بهالسياره صفقه خسرانه وسلامتكم00

[الوباله]

ربع مليون خساره فيه
يكفيك ان مافيه ازرار تحكم بالدركسون
ومرتبة الراكب عاديه ماهي كهرب والراحه وسط وبربع مليون

[واحد مبسوط]

بسعره دور لكزس 2008 او 2009 نظيف
ياشيخ والله ان تكره الصوالين كلها
ماشاء الله عليه

[SAS2]

جربتة من 2009 للحين واستخدمتة باصعب الاماكن القاسية والبطانيج الموتر بطل ومتماسك جدا ولو بعتة ما راح

اشتري غير لاندكروزر الشكل الجديد ما عدا 2013 ال 8 سلندر صيانتة صعبة بسبب نظامين موجودة بالمكينة لمنع

التلوث ويبيلهن صيانة كل 70 الف ( مجرد تنظيف ) عموما يبقى ارتفاع السعر

النقطة السلبية بالموضوع وبالتوفيق

[همس الغدير]

السلام عليكم ....
والله اليوكن يكتسح السوق بقوه
وقوي..
ومرغوب بين الناس....

[مرسال1]

بسعره دور لكزس 2008 او 2009 نظيف
ياشيخ والله ان تكره الصوالين كلها
ماشاء الله عليه


وينه بهالقيمه ؟؟
عجزت احصل شي ، ان لقيته يصير به رش وسمكره ولا عذروب ؟!!!!

الحين 2008 مرشوش كامل جيب اكزس بـ180 الف ريال :(

ماستفدنا شي

واللي يقول الامريكي ( تاهو .. يوكن .. الخ )

اقول والله ماحط 150 الف بامريكي ، ولا يتحمل الكرف بالبر وسعره عند البيع يطيح واجد ،،

هو زين بس بالراحه والخطوط فقط !!

بس بالكرف والبران التويوتا لحاااله وزود على كذا شيك في المخباة متى مابغيت تبيعه تلقى زبونه على طوووول وبسعر ممتاز

[دايم كاشت]

البدائل الباترول الجديد حول سعره



وكذلك اليوكن والاكسبدشن والسكويا والتاهو وغيرها من هذي السيارات



الأفضل من ناحية الراحة والأمان وقلة السعر في الشراء

أنا أضم صوتي لأبو عبدالرحمن

[دايم كاشت]

ما زود أسعار التايوتا إلى حنا للأسف اقتناع وشعبيه على غير يمه

[دايم كاشت]

ومن اللي يبي يشري تايوتا مستعمل مكروف إلين قال بس إضافة إلى رداءة الصنع بالصناعات الأخيرة يعني تنك تسند على الرفرف ينعفط راح زمان الأول

[دايم كاشت]

شوفوا السيارات بعد الحوادث الله يكفينا وإياكم الشر تصبح عجين ما فيه حديد دور سلامك وراحك قبل كل شيء النفس ماتعوض

[دايم كاشت]

تسان عندك دراهم عز نفسك وخذ جيب لكزس وبس

[سدير سديرك]

السلام عليكم

كيف الحال

عندي لك شور اشوف انا انه ممتاز والناس اذواق


اذا سعره 215 حرام انك تكسره بالبر القيمه هاذي تجيبلك موترين

الموتر الاول خذ تاهو ولا يوكن راحه بالخط وووووو الخ

الموتر الثاني شاص من 2002 اللين 2006 والشاص شيك بمخباتك ويتحمل كل شي وحوض ووووووالخ

واذا تقول الشاص مايصلح خذ لك جيب نيسان 2008 او 2007 او 6 او 5 الخ

البر يكسر السياره والله لونها من فولاذ والاندكروزر الجديد ماينفع بالبر وكرف

ولك الاختبار والله يوفقك مقدما ويعطيك خيره ويكفيك شره