استفسار عن أفضل مكان للتشييك الكامل على بطن الموتر

[ZCC]

السلام عليكم

يالربع انا معي باثفايندر 2005
ويجي فيه اصوات طقطقه في البطن قالوا الركبه وغيرتها
خفت الاصوات لكن لازالت موجوده مثلا لاصرت لاف بقوه وكاسر الطاره يطلع صوت
طقطقه او في النفود يطلع خصوصا قدام صوت طقطه
ماحس الموتر متماسك

ابي ورشه خبره ابي اشيك على بطنه كامل ابي موتر متماسك وبدون أصوات
وش تنصحوني به ؟ العضيب بس احس ماثق فيهم بشكل كامل

شكراَ للجميع

[nice path]

شيك على العكوس

[nono77]

شوف ابو ابراهيم رشيد يعقوب تخصص باث تريبيط اي ميزان بس ليكون الرمان

[الصحافة 15]

بالنسبة للعضيب كان الفحص مجاناً والآن بـ 50 ريال

[علومك غانمه]

اخوي يمكن من القزوز الي تحت السواق ترا كان معي كذا ورفعته وضبطت

[ZCC]

يعطيكم العافيه ياشباب
الصدق ودي باحد بالشمال وقريب

[عبدالرحمن السالم]

لابد انك تشيك عليه ، اول شى شيك على العكوس
وسهل شيك عليها بنفسك ، انزل تحت السيارة وشف العكس على يمينك ويسارك ، اذا شفت ان الجلبه متقطعه وطالع منها الشحم اعرف ان يبي لك تغيير جلب العكس ، هذا شكل العكس اذا ماتعرفه
http://www.mstaml.com/imagesData/i132972652030250076.jpg

عندك جلب عمود التوازن الامامي ، عندك جلب المقصات ، عندك الاذرعه ، عندك المساعدات ، كل هذي تجيب الطقطقة
اذا تبي بالشمال شف صناعية ام الحمام ، اذا الصناعية القديمة شف محل القحطاني للعكوس يشيك لك على العكوس والجلب كاملة

موفق خير

[ZCC]

اخوي عبدالرحمن السالم الله لايهيينك ويعافيك ويوفقك والحميع يارب

بالفعل حصلت جلبة العكس يمين تهرب ولقيت جلب عمود التوازن الامامي كلهم منتهيات

بارك الله فيكم

[عبدالرحمن السالم]

اخوي عبدالرحمن السالم الله لايهيينك ويعافيك ويوفقك والحميع يارب

بالفعل حصلت جلبة العكس يمين تهرب ولقيت جلب عمود التوازن الامامي كلهم منتهيات

بارك الله فيكم


اللهم آمين ومن قال ، والله يسهل آمرك
والحمد الله انحلت المشكلة ، بس وين غيرتها
لا يفوتك القحطاني للعكوس ترا شغلهم نظيف بالحيل

[ZCC]

والله ياغالي غيرته اليوم عند العضي الحقيقه الصوت لازال موجود ع اليمين احسه كأنه شي يبغى له تشحيم انا غيرته مستعجل لان وراي طلعة بر الفجر باذن الله اذا رجعت تفرغت له ان شاء الله ..

شكرا لك ومانخلى من نصايحك