قدر الله علي و إنفقعت المساعدات

[مجلعد]

السلام عليكم ورحمة الله وبركاته

كيف حالكم ،،، إن شاء الله إنكم بخير ونعمه

الله يديم علينا وعليكم نعمة الأمن و الأمان وراحة البال والإطمئنان


شباب الله يوفقكم

أنا معي جيب فورتشينر 2011 توماتيك

ومركب عليه سلمكم الله يايات إستراليه خلفي ( مقاس 4 مدري رقم 4 المهم إنه يرفع الموتر عن شد بلد 4 سم )

ومركب قدام كعكات مقاس 2 سم

الموضوع ياحبي لكم إن المساعدات الخلفية إنفقعت لأن المساعدات مشدوده بعد تركيب الياي ، و نويت إني أغير المساعدات لكن أبي الله يوفقكم الأنواع الزينه والسعر المعقول

أنا سألت وقالو لي بعض الشباب مساعدات أولدمن الأستراليه لقيت الطقم أمامي وخلفي أكثر من 3000 ريال مع التركيب :f

لو معي 3000 ريال كان فتحت منتدى :D

أبي مساعدات ترفع الموتر شوي من ورى وتثبته عشان التحميل + تثبّت وجهيت الموتر ( بدون تدبيل مساعدات ):good:

أهم شي ياشباب لحد يقول لي ترى موترك بيصير قاسي

لو أبي الموتر يصير لين كان بعت الجيب و شريت فكتوريا وإنتهى الموضوع :D

فــ الله يوفقكم ويوسع برزقكم اللي عنده خبره ياليت يعلمنا ونستفيد منه وماله مني إلا صالح الدعاء


ودمتم في حفظ الله ورعايته

[العقارب]

السلام عليكم
بالنسبه للخلفي ركب حقت في اكس ار 97 وبيكون شاد معك والامامي قت مرسدس ..

[جديعان]

شوف يالغالي انا مركب مساعدات فكسار 89 لونها ازرق غازيه الطقم 400 ريال
مدري هي تركب عندك ولا لا

انا شاري اربعه كلها خلفيه ومركبهن على جيب شراع 84 ورافعه صرااااحه فووق الممتازه رساوه وقويه
انصحك تركبها وبتدعيلي

[S3llo]

عليكم السلام
اخوي مجلعد انا رافع الموتر 4سم ومركب مساعدات لاند وما عندك بازين من مطبهن
ركبهن وراح تدعي لي وقدام ان كانك تقدر على الاولدمان لا تعداهن

[S3llo]

عليكم السلام
اخوي مجلعد انا رافع الموتر 4سم ومركب مساعدات لاند وما عندك بازين من مطبهن
ركبهن وراح تدعي لي وقدام ان كانك تقدر على الاولدمان لا تعداهن

[مجلعد]

الله يجزاكم خير

وعسى ربي يوفقكم ويكفيكم بحلاله عن حرامه ويرزقكم من فضله عمن سواه

أخوي الفاضل S3llo ولا عليك أمر

مساعدات اللاند اللي ركبتهن لأي موديل ؟؟

وكم أسعارهن ؟؟

وهل يركبن دايركت وإلا ترهيم ؟

ودمتم في حفظ الله ورعايته

[x.ls1.x]

اخوي مساعدات الجبريال لاتعداهن ابد ,, قويه وتحمل التحميل والمطامر .. انا مركبهن ارتفع الموتر شوي عن اول وصار ازين بالخط لا هويات ومطبه زين

[ابو فهد...]

انا مركب على باترول مساعدات شاص زي الفل

[مجلعد]

جزاكم الله خير وعسى ربي يكتب أجركم ويوفقكم بالدنيا والآخرة


اخوي مساعدات الجبريال لاتعداهن ابد ,, قويه وتحمل التحميل والمطامر .. انا مركبهن ارتفع الموتر شوي عن اول وصار ازين بالخط لا هويات ومطبه زين

إن بغيت الحق

والله إني أفكر بهن أحس إنهن أفضل الموجود

جزاك الله خير وعسى ربي يوسع برزقك

[سيف وقلم]

جبريال المساعد الواحد ب90 ريال وزين ويصبر

[sgl2002]

الجبريال ما يمدحونها بسبب قوتها اللي تكسر قاعدة المساعد

[مجلعد]

جزاكم الله خير وعسى ربي يكتب لكم أجركم

طيب ياجماعه وش رايكم بمساعدات المونرو ؟

[PATHFINDER 4]

انا مركب يايات استرالية و جبريال 2 خلفيات 90
الله يديم الرخص ناس يقولون انها قاسية وانا الصدق مادقق ابي موتري شاد

لكن لاتركب جبريال طوله اقصر من مساعد الوكالة ب5 سم تقريبا واذا انت رافع الموتر بتسمع طقة كل مارقيت وكل مانزلت من طعس ولا مطب ولا حصى الخ

هذا عيبه لكن اذا حملت بتستااانس

[فتك ب ص ع]

الاسترالي وانا اخوك وقيمته غاليه بس يستاهلها علي اكثر من سياره جربتهم يتحملون ويكدون

[مجلعد]

انا مركب يايات استرالية و جبريال 2 خلفيات 90
الله يديم الرخص ناس يقولون انها قاسية وانا الصدق مادقق ابي موتري شاد

لكن لاتركب جبريال طوله اقصر من مساعد الوكالة ب5 سم تقريبا واذا انت رافع الموتر بتسمع طقة كل مارقيت وكل مانزلت من طعس ولا مطب ولا حصى الخ

هذا عيبه لكن اذا حملت بتستااانس


هذا بلا أبوك ياعقاب

هذا اللي فقع مساعد البلد

لأني رافع الموتر من ورى ( بيايات ) لأن مساعد البلد شاد لآخر شي وماياخذ راحته

شلون أركب أقصر من مساعد البلد بـ 5 سم ....؟؟

مع إنه المفروض تركب مساعد أطول من مساعد البلد .

[You Like Me]

ركب مونرو امريكية

[فارس المصارير]

عليك بالجبريل ولاعليك من اللي يعذربونه
وانتبه من المورنو بعضه يجي لين ماينفع بريال