هام"""""وصول شعوان """"" بعد غياب شهور في الغربة

[شعوان السعدي]

السلام عليكمورحمة الله وبركاته ....
مساكم الله بالخير جميعا
واعذروني على الغيبة لظروف قاهرة (جعلها ما تجيكم )
والله اني مشتاق للمنتدى واعظاء الادارة والمشرفين والاعضاء والاخوة كلهم
واتمنى انكم بخير كلكم
واعذروني ثاني مرة على الغيبة والغيبة هذي كانت سفرة علاج لواحد من الشباب وكنت احد المرافقين ودامت شهرين الا اسبوع والحمد لله على كل حال والرجال ابشركم تحسن ووجهتنا كانت بانكوك (...جعل الرفيق ما يجيها ....دعوة الشيبان..)
وانشاالله نعوظ هاذي الغيبة
اخوكم شعوان ال سعد القحطاني

[مدالنظر]

ياهلاااااااااااااااااااااااااااااااااااا ومرحبااااااااااااااااااااااااااااااا اخوي شعوان والحمد لله على السلامه

أثرك فقيده يالغالي

الحمد لله على سلامة اللي معك ومايرى باس انشألله

حياك الله من جديد و هات اللي عندك جديد

وبأنتظااااااااااااااااااااااااااااااااار ماتبقى من الأخوااااااااااااان

اللي ماندري عنهم وعن ظروفهم الله يرجعهم بالسلامه

اهلييييييييييييييييييييييييييين وسهليييييييييييييييييييييييييين بالسعدي

[شعوان السعدي]

وبك البقا يابومرحبا والله يحيك
والشر ما يجيك وجعلك سالم والله لا يهينك
وانشاالله نجيب الي يبيض والوجه

[مسافر1]

حمداً لله على سلامتك ..
حقيقة لك وحشة ..
نتمنى لك كل توفيق ..

[شعوان السعدي]

الله يسلمك من الشر واشكرك وهذا من طيبك

[قنــــاص الحجــــاز]

عليكم السلام ورحمة الله وبركاته :

يا مرحبا ترحيبتن كلها لك تكسيك من راسك لا حد ماطاك
من قلب بهيومي بحبه صفالك يلعبه الغربي لا سمع طرياك
يفرح ليا من قالك كيف حالك ولولا غلاك وحشمتك كان ماجاك

هلا والله حياك الله يا شعوان ... والحمد لله على سلامتك وسلامت خويك .. الله يشفيه ويشفي مرضى المسلمين
وما يرى باس .. وظاهر من الشر ان شاء الله .. وكيف الحال .. وشلونكم .. عساكم مرتاحين ..

حياك الله مره ثانيه بين اخوانك ..

وتقبل تحيات اخوك ... قنـــــاااص الحجـــــاااز

[الرهدن]

السلام عليكم / أخي شعوان 00
الحمد لله على السلامة00
أسأل الله لمريضكم بالشفاء العاجل وأن يجمع الله له بين الأجر والعافية00
وغفر الله لك أخوي شعوان على مرافقتك أخ لنا في الله00

***

على طاري بانكوك00
ياترى وش أخبار أخواننا اللي في الجنوب التايلندي 00 حيث سمعنا بأن هناك مضايقات لهم00
نسأل الله أن يفرج لهم ولجميع أخواننا في أقطار المعمورة00آمين00





.

[((( الحر)))]

الحمد لله على السلامه اخوي شعوان

نورة المنتدى يالغالي

وافر واغلا تحيه

[خشم الحصان]

الاخ الغالي

شعوان
السلام عليكم
الحمد لله علي رجوعكم الي المنتدي سالمآ من كل مكروه والحمدلله علي سلامت من رافقته
اخوك
خشم الحصان

[مخاوي ذيب]

الحمد لله على السلامه اخوي شعوان ونورت المنتدى برجوعك له والحمدلله على سلامتك وسلامت خويك وانا اقول وين شعوان ماله شوفه بالمنتدى اثاريك مسافر تايلند هههههههههه بتايا

[أبـ [مطلق] ـو]

هـــــــلااا والله ومسهــــلااا

حي الله شعوان

من طول الغيبات جاب الغنايم


والحمد لله على سلامة خويك .. ووان شاء الله انه بأفضل حال هالحين ؟؟


اشوف اختفيت فجأه واقول وين الرجال ..

لكن الحمد لله على السلامه




تحيااتي يالذيب



.

[شعوان السعدي]

الله يسلمكم جميعا وجعلكم ما تشوفون مكروه في غالي وعزيز والله لايهينكم ولا يصغركم ووافين كلكم وعزاالله انكم غاليين
اخوي قناص الحجاز ا:
لله يبقيك ويغنيك ولا يهينك وجعلك سالم والشر ما يجيك وصح لسانك ولسان الشاعر وابشرك طيبين والحمدلله وخوينا انشاالله في تحسن والله يشفيه والله يكتب له الاجر له وللجميع ويحسن الخاتمة متى ما جات

اخوي الرهدن :
الله يجزاك خير ويتقبل دعوتك ولا يهينك وابشرك كل شي طيب والحمدلله
اما اخوانا المسلمين في جنوب تايلند فمايسرك حالهم ضعفة وبين كلاب بشرية يكرهونهم والحكومة تكرههم وتحاربهم والمضايقات كثيرة والله ينصرهم ولكن ياخوك (ماشاالله عليهم) فيهم ايمان قوي وتمسك بالدين اكثر حتى من غيرهم (ولكن العقيدة مدري عنها)

الحر:
حياالله مشرفنا والله يسلمك وشكرا لك

خشم الحصان :
الله يسلمك ولاهنت وجزاك الله الف خير

مخاوي الذيب:
الله يبقيك يا مخاوي ويسلمك ولايهينك والله اشتقنالك اما بتايا فابشرك ما جيتها ولاهوب انشااللله (امحق ديرة ) جعلها فدا لفيافي نجد

ابومطلق:
الله يبقيك ولاهنت يابن العم وابشر بالغنايم مع ان تايلاند ماهيب وجه غنايم هههه وابشرك كلنا طيبين والله يعافيك وجعلك ما تشوف مكروه

اخيرا اشكر اخواني كلهم والله لايهينهم ولقد ذكرت بيت للشاعر عيد بن خلف العاصمي القحطاني وانا في تايلند ويقول
من دون ربعي ديرتن مجرهزة @@@ ابغى العزا منهم ولاني بعازي
هذا وسلامتكم اخوكم شعوان