امكان التنزه للعوايل بالرياض (بر) ... نبي مشاركتكم .... تم اضافة صورة

[ابوعقيل81]

السلام عليكم

كيفكم شباب ,,,

لو يحب الواحد يغير جو مع عائلته في وقت قصير مثلاً من الظهر للمغرب . في البر ,, خصوصا ان الجو هاليومين بدى يزين :D

جلسه عادية , ممكن يكون فيها شوي :f .

وين يروح بالرياض.:eek:

نبي مكان الوصول له سهل (عندنا جيوب مو مشكلة التضاريس بس ماتكون صعبة :good2:).

ومايكون بعيد يضيع وقتك رايح جاي , يعني بالكثير مسافة 45 ساعة بدون زحمة و ساعه بالزحمة .

عندي شيبان يستبعدون الاماكن وودي اوديهم يوسعون صدورهم شوي .

كل مرة نروح مخططات ووادي حنيفه الي جنوب الرياض عند الشفا ووادي نمار وحاب نغير .

نبي افكاركم ,,, لاتتردد يمكن في بالك فكرة تكون مناسبه وماتدري عنها .

الله الله بالمشاركات والاراء الطيبه ;)

للتشجيع تم اضافة صورة للسماء اليوم

http://www.mekshat.com/pix/upload06/images/2012/11/mk262205_img-20121125-00137.jpg

[زيــآدِ]

بالرياض مافيه شيء قريب ابد

[مالقيت اسم ا]

عندك جلسات ودكات ببنبان
ممتازه جدا للعوائل

[ابوعقيل81]

بالرياض مافيه شيء قريب ابد

يالطيب

انا ما اطلب مكان اروح اخيم فيه

ابي بس نقعد ونسولف ونزين لنا شاي وقهوة . :D




عندك جلسات ودكات ببنبان
ممتازه جدا للعوائل

وين مكانها الله يعطيك العافية , لو توصف لي . او تكتب الاحداثيات .

[عاشق هوا نجد]

الزوليات طريق الخرج بعد التفتيش افرق يمين هناك طعيسات يوسعن الصدر او قدام شوي خذ مخرج هيت واتجه شرق يم الجبل خابر وخبري قديم فيه اطلاح يفتحن النفس. وبالتوفيق

[ابوعقيل81]

الزوليات طريق الخرج بعد التفتيش افرق يمين هناك طعيسات يوسعن الصدر او قدام شوي خذ مخرج هيت واتجه شرق يم الجبل خابر وخبري قديم فيه اطلاح يفتحن النفس. وبالتوفيق

شكرا .............................


الله يعطيك العافية

شاركونا شباب

ماشاء الله المشاهدات صارت بالعشرات في اول خمس دقائق :D ياليت كل واحد يكتب مكان ;)

[ابو نايف التميمي]

يابن الحلال الشبوك في كل مكان وين تروح


مالك الا مخطط تقهو فيه وخل البزران يدورون بسياكلهم كم لفه لين يدوخون وارجعو نومو او عند مجاري حنيفة ونمار اكرمك الله

[عيد ثاني]

ابوعقيل ...

بما إن المسافه ٤٥ ساعه ...

فبإمكانك أن تدور المملكه بإكملها

[ابوعقيل81]

ابوعقيل ...

بما إن المسافه 45 ساعه ...

فبإمكانك أن تدور المملكه بإكملها

ههههههههههههههههههههههههههه

لاتدقق

اقصد 45 دقيقه

وبعدين وين تدور المملكة اذا كل مكان بتحصل حفريات وزحمة يبي لك 45 سنة :D

[الفوازي الحربي]

ههههههههههههههههههههههههههه

لاتدقق

اقصد 45 دقيقه

وبعدين وين تدور المملكة اذا كل مكان بتحصل حفريات وزحمة يبي لك 45 سنة :D
هههههههههههههههههههههههههههه اضحك الله سنك :D

[ابوجويعي]

عندك الثمامه وكل ماتبعد من بعد التفتيش تزين المحلات لين توصل لروضه الخفس 40 كيلو بعد التفتيش

[Mohammed5d]

الزوليات طريق الخرج بعد التفتيش يجيك سور مزرعه دواجن
ادخل معه اذا سيارتك صغيره امش لين يجيك لوحه مكتوب بالاحمر تحميل الرمل الاحمر ادخل معها يمين وامش وبتلقى قلابيات واقفه تعدهم وبتلقى يمينك ويسارك اماكن زينه
واذا معك جيب لاتروح مع اللوحه رح سيده لين يجيك علي يمناك ردميه عندها اعمده كهرب وفيها طعوس زينه طبعا هالمكان احسن من ذاك لان الاول الشركه حملت اكثر الرمل اللي فيه

[ابوعقيل81]

هههههههههههههههههههههههههههه اضحك الله سنك :D

الله يعطيك العافية



عندك الثمامه وكل ماتبعد من بعد التفتيش تزين المحلات لين توصل لروضه الخفس 40 كيلو بعد التفتيش

شكرا



الزوليات طريق الخرج بعد التفتيش يجيك سور مزرعه دواجن
ادخل معه اذا سيارتك صغيره امش لين يجيك لوحه مكتوب بالاحمر تحميل الرمل الاحمر ادخل معها يمين وامش وبتلقى قلابيات واقفه تعدهم وبتلقى يمينك ويسارك اماكن زينه
واذا معك جيب لاتروح مع اللوحه رح سيده لين يجيك علي يمناك ردميه عندها اعمده كهرب وفيها طعوس زينه طبعا هالمكان احسن من ذاك لان الاول الشركه حملت اكثر الرمل اللي فيه

مشكوووووووووووور على المكان والوصف الواضح

[بن بشر]

بطريق المطار بعد التفتيش يجيك كبري جامعة الاميره نوره ناظر يمينك تحصل سيارات داخله قبل الكبري فيه دخله مكان ممتاز وهادي

[GMCsieera2011]

فيه طال عمرك نساح على طريق ديراب وفيه الخراره المزاحميه وفيه اقرب لك ومكان شجر وجبال الحاير تحت شعيب الدهو مكان طيب يفتح النفس شجر وارض طيبه وجبال ترد الروح

[ناصر2222]

قد يفيدك هذا الموضوع وصف دقيق لجميع الشعاب واماكن التنزه حول الرياض


http://mekshat.com/vb/showthread.php?t=501532

[الرثيع آل روق]

هلا بك أخوي
أبوعقيل
في الحقيقة في الرياض مافيه مكان قريب يفتح النفس
صكة علينا ذالشبوك من كل مكان
المكان القريب صجة ولجة وغبرة دبابات
ولا ترتاح نفسياً إذا معك بزران والله العظيم إن الدبابات تشطفك مسرعة من عند جلستك وتكثح عليك من التراب في وجه العدو وصارلي موقف لحد إبنياتي الصغار عمرها 5 سنين والله إن الدباب شالها متر فوق لين سبحت على وجها وثلاث غرز فوق حجاجها فك الله العينها والي على الدباب بزارين وش تقول لين حرمت أروح للأماكن هذي
وزيدك من الشعر بيت المخيمات حقة التأجير ماخذة الأماكن كلها وخيام السودانيين الي يجرون الدبابات مضيقة علينا وين نروح
( فيه برحة قدام بيتنا بينا وبين المسجد الظاهر بنكشت فيها ههههههههههههه)
على كل ياابوعقيل
الظاهر إنك من سكان جنوب الرياض والي فهمته إن معك شيبان الله يطول في عمارهم ويعطيهم الصحة والعافية ويجزاك خير على توسيع أصدورهم المخططات والاماكن القريبة ماتصلح لهم إن كانك كل يوم بالطلعهم مالك الا قريب والله يعينكم على الغثاء
ونكانكم على مقالو في السنة حسنة بماأني من شرق الرياض أفضل الخفس إن كانك بتجيها من عند الثمامة لا منك تعديت مفرق الطوقي والصمان بتجيك الروضة الجنوبية على يمينك والخط بيلفبك إيمين بالتجاه الغرب أمش على طول لين تجيك صنيدقة بقالة على اليمين لف مع خطيط صحراوي من جنبها وخلها على يمينك بتل طوالي من كيلو ونص الى كيلوين وتشوفلك المكان الزين بيجيك شعيب انبغيت تعداه ولا دونه الخد زين وبيعجب شيبانك وعيالك المسافة من النسيم تقريباً 80 كيلو ولا عزمتو خلو روحتكم بدري مغباش
أسف على الإطالة أخوي وأي إستفسار أرسلي على الخاص وأنا في خدمتك

[اشجارالغضاء]

شعيب صلبوخ فيه اطلاح كبيرة وخضراء تفتح النفس
وعندك يطويل العمر نفود الدهناء مقابل منتزه سعد طريق الدمام يمدحونه للعوايل 100كيلو فقط
وسلامك....

[ابوعقيل81]

بطريق المطار بعد التفتيش يجيك كبري جامعة الاميره نوره ناظر يمينك تحصل سيارات داخله قبل الكبري فيه دخله مكان ممتاز وهادي

اقرب مكان وشكل البداية بتكون فيه . او في الزوليات الي قالها الاخ محمد



فيه طال عمرك نساح على طريق ديراب وفيه الخراره المزاحميه وفيه اقرب لك ومكان شجر وجبال الحاير تحت شعيب الدهو مكان طيب يفتح النفس شجر وارض طيبه وجبال ترد الروح

الله يعطيك العافية خزنتها عندي وان شاء الله ازور اما نساح او الحاير في الفترات الجاية . اما الخرارة مدري حسيت انها بعيدة يوم شفت الخريطة :)

[ابوعقيل81]

قد يفيدك هذا الموضوع وصف دقيق لجميع الشعاب واماكن التنزه حول الرياض


http://mekshat.com/vb/showthread.php?t=501532

مشكور اخوي ما كت اعرف الرابط




هلا بك أخوي
أبوعقيل
في الحقيقة في الرياض مافيه مكان قريب يفتح النفس
صكة علينا ذالشبوك من كل مكان
المكان القريب صجة ولجة وغبرة دبابات
ولا ترتاح نفسياً إذا معك بزران والله العظيم إن الدبابات تشطفك مسرعة من عند جلستك وتكثح عليك من التراب في وجه العدو وصارلي موقف لحد إبنياتي الصغار عمرها 5 سنين والله إن الدباب شالها متر فوق لين سبحت على وجها وثلاث غرز فوق حجاجها فك الله العينها والي على الدباب بزارين وش تقول لين حرمت أروح للأماكن هذي
وزيدك من الشعر بيت المخيمات حقة التأجير ماخذة الأماكن كلها وخيام السودانيين الي يجرون الدبابات مضيقة علينا وين نروح
( فيه برحة قدام بيتنا بينا وبين المسجد الظاهر بنكشت فيها ههههههههههههه)
على كل ياابوعقيل
الظاهر إنك من سكان جنوب الرياض والي فهمته إن معك شيبان الله يطول في عمارهم ويعطيهم الصحة والعافية ويجزاك خير على توسيع أصدورهم المخططات والاماكن القريبة ماتصلح لهم إن كانك كل يوم بالطلعهم مالك الا قريب والله يعينكم على الغثاء
ونكانكم على مقالو في السنة حسنة بماأني من شرق الرياض أفضل الخفس إن كانك بتجيها من عند الثمامة لا منك تعديت مفرق الطوقي والصمان بتجيك الروضة الجنوبية على يمينك والخط بيلفبك إيمين بالتجاه الغرب أمش على طول لين تجيك صنيدقة بقالة على اليمين لف مع خطيط صحراوي من جنبها وخلها على يمينك بتل طوالي من كيلو ونص الى كيلوين وتشوفلك المكان الزين بيجيك شعيب انبغيت تعداه ولا دونه الخد زين وبيعجب شيبانك وعيالك المسافة من النسيم تقريباً 80 كيلو ولا عزمتو خلو روحتكم بدري مغباش
أسف على الإطالة أخوي وأي إستفسار أرسلي على الخاص وأنا في خدمتك

شكرا اخوي على الرد والتفاصيل

انا من سكان وسط الرياض لكني ما اعرف اماكن كثيرة شرق الرياض خصوصا ان اغلبها شباب عشان كذا اروح لجنوب الرياض, ومرة رحت لحنيفه الي بالشمال لكن ما اعجبني .

اخذت الوصف وان شاء الله اروحه يوم :) كلامك يحمس .


شعيب صلبوخ فيه اطلاح كبيرة وخضراء تفتح النفس
وعندك يطويل العمر نفود الدهناء مقابل منتزه سعد طريق الدمام يمدحونه للعوايل 100كيلو فقط
وسلامك....

مشكور اخوي الله يعطيك العافية .

[واي فاي]

انا ارشح لك شعيب الحيسية في العيينة قريب وشرح

شعيب الحيسية

وصف الشعيب
هذا الشعيب كبير ولكن فيه بعض الوعورة وهو قريب من الخط العام وفيه أشجار طلح كثيرة والمكان قريب من الرياض وجميل وقت الأمطار ولا توجد فيه أخطار تذكر سوى الحذر من بطن الوادي لأنه حصباء يسهل الغراز فيه

وصف الطريق
خذ طريق صلـبوخ شمالا عند تقاطعه مع الدائري الشمالي صفر العداد ثم استمر على طريق صلـبوخ شمال عندما يصبح العداد 24 و2 يأتيك مخرج ( الجبيلة ) اتجه معه استمر على هذا الخط حتى يصبح العداد 29 تأتيك قرية الجبيل استمر على نفس الطريق فإذا أصبح العداد 35 ستأتيك بلدة العييينة استمر أيضا على نفس الطريق حتى يصبح العداد 50 تقريب سترى شعيب الحيسية على يسارك وسيكون طريق بوضة على اليسار اتركه واستمر على نفس الطريق سترى الشعيب الأساسي على يسارك أدخل إليه من المدخل المناسب

[ابن العودة]

الله يجزاك خير اخوي ابوعقيل81
( خيركم خيركم لأهله )

انا اضم صوتي لصوت اخوي واي فاي
شعيب الحيسيه

[ابوعقيل81]

انا ارشح لك شعيب الحيسية في العيينة قريب وشرح

شعيب الحيسية

وصف الشعيب
هذا الشعيب كبير ولكن فيه بعض الوعورة وهو قريب من الخط العام وفيه أشجار طلح كثيرة والمكان قريب من الرياض وجميل وقت الأمطار ولا توجد فيه أخطار تذكر سوى الحذر من بطن الوادي لأنه حصباء يسهل الغراز فيه

وصف الطريق
خذ طريق صلـبوخ شمالا عند تقاطعه مع الدائري الشمالي صفر العداد ثم استمر على طريق صلـبوخ شمال عندما يصبح العداد 24 و2 يأتيك مخرج ( الجبيلة ) اتجه معه استمر على هذا الخط حتى يصبح العداد 29 تأتيك قرية الجبيل استمر على نفس الطريق فإذا أصبح العداد 35 ستأتيك بلدة العييينة استمر أيضا على نفس الطريق حتى يصبح العداد 50 تقريب سترى شعيب الحيسية على يسارك وسيكون طريق بوضة على اليسار اتركه واستمر على نفس الطريق سترى الشعيب الأساسي على يسارك أدخل إليه من المدخل المناسب

مشكور على المكان والوصف الواضح

الله يعطيك العافية



الله يجزاك خير اخوي ابوعقيل81
( خيركم خيركم لأهله )

انا اضم صوتي لصوت اخوي واي فاي
شعيب الحيسيه

مشكور اخوي :)

[ابوعقيل81]

بطريق المطار بعد التفتيش يجيك كبري جامعة الاميره نوره ناظر يمينك تحصل سيارات داخله قبل الكبري فيه دخله مكان ممتاز وهادي

اخوي رحت اليوم ادور المكان , تعديت التفتيش وماحصلت اي دخله قبل الكبري!!

في شارع مقفل بردمية كبيرة , والباقي مقفل بالرصيف.

شكل المنطقة تابعة للمطار وممنوع الدخول فيها :(