ما هو افضل مولد كهرباء كاتم صوت

[عاشق_البرية]

السلام عليكم اخواني اعضاء منتدى مكشات
سؤالي هو ما افضل نوع مولد كهرباء
وافضل ماركة
والبلد المصنعة
والقيمة
و وين القاه
وماهو الدارج بين الناس
وبصراحة انا ودي بمولد كهرباء كاتم صوت 20 او 25 كيلو

شاكر لكم تعاونكم

[اصيل نجد]

مساك الله بالخير افضل ماطور كاتم صوت الهوندا روووووووعه بس يكون ياباني/ياباني كد ومد عبي بانزين وشغل ولك وللزمن واسئل مجرب

[khalaa2u]

السلام عليكم
افضل مولدات للحجم اللي تسأل عنه
بيركنز الانقليزي و الاصلي احرص على الانقليزي

[LIBYAN NAVARA]

HONDA يالحبيب لا تحاكي هوندا وراس مرفوع ولا يدلك ابد

[الطعس333]

نعم الهوندا

عندي ماطور هوندا 650 شمعة له اكثر من 14 سنة باالطلعات والمخيم الخاص بي مايطفى ماغير غير زيت

وزود البنزين وشغل

واللمعلومية هوندا صناعة هندية

كيف بعد لو تحصل يا باني اصلي

وكيله عبدالله هاشم

اهم شئ لاتعطيه او تعيره اي واحد فما راح يعمر معك

وشكرا للجميع

[عاشق_البرية]

مشكورين وماقصرتوا ويعطيكم الف عافية
بس وين القاها ومن افضل من يبيعها
بحكم ان موقعي في الرياض
وكم تقريبا تتراوح اسعارها
والله يجزاكم الف خير

[Magellan]

هوندا ماعنده 20 او 25 كيلو وتساوي :20000 واط الى 25000 واط
هذي المكاين الكبار تقتصر الصناعات فيها الجيدة كالتالي:
1- كاتربلر الامريكي
2-بيركنز امريكي
3-دويتس الالماني
4- ليستر الانجليزي
وهذي الشركات التوب في المكاين الكبار