وش حل الرجه في الباترول

[معطاب 1]

السلام عليكم ورحمة الله وبركاته
مساكم الله بالخير يالربع
عندي جيب باترول 97 والمشكله الرجه ازعجتني ازعاج ماخليت شي ماغيرته جلد مقصات جلد عمود توازن ذراع جديد ومساعد درقسون ووزنت الرمان ورصصت الكفر وعكست الكفرات ونزلت عمود الدبل ونفس المشكله الرجه موجوده
والله يعطيكم العافيه اللي مجرب وضبط معه يعلمني بالورشه اللي صلح عندها او تدلوني علي مهندس فنان فيهن
وشكرا لكم والله لايهينكم

[حطاب الشمال]

اذا كان كل هذا غيرته اكيد الجنوط اللي مركبها صيني

[hamido]

وش نوع الرجه ومتى تجي

[x.ls1.x]

احتمال كبير من مساعد الدركسون .. ركب مساعد جبريال او دبل 2 بلد

[وجعين]

دور لك احد معه باترول وفك الكفارت الي قدام وركبهن عندك جرب يمكن جنوطك فبهن ضربات وهن سبب الرجه

[SGL]

هل كفراتك بالون اذا نعم فكها واذا لا شيك على كل الجلد اللي عند الدفرنس الامامي وبذات اللي تحت الدوده والاكواع شحمها وذا فيها فضاوه غيرها وذا كان كله مظبوط مالك الا تفك الكفر وطالع بركب تلقى فيها من فوق وتحت قطعه مربعة الشكل لها اربع مسامير فك اللي فوق وتلقى بعده وجه من حديد او اللمنيوم المهم شيله وروح للكفر الثاني وسوي نفس الطريقة وجرب

[Gamdi]

الرجة لها اسباب .. شيك عليهم واحد واحد
الكفر = تحبيل
الجنط = مطعوج او ترصيص
الكردان = ترصيص

[معطاب 1]

بيض الله وجيهكم وماقصرتوو
المشكله طلعت عمود الذراع غيرته مرتين ورحت عند واحد اعرفه وقطعت سبته حقت المكاين الزراعيه لونها برتقالي البعض يعرفها
علي شكل دائري وخرمنها في الوسط للمجرا حق المسمار وسقطناه في مكانه وشدينها وبفض من الله ان حلن المشكله ولا رجه ولا ونه ولا غير
المشكله قبل امشي 100 واضرب مطب يرج والحين الحمد لله والشكر
انصحكم ابها وحده بوحده
وشكرا للجميع

[تساهيل1]

اخوي معطاب

لاهنت صور مكان الجلده بوضوح

ولك كل الشكر

[معطاب 1]

والله يخوك صور مافيه ونا مشغول بلحيل والعذر والسموحه
بس مايحتاج صور هي واضحه الجلد اللي اخر العمود من يمين ويسار في جلد تعبا شحم حطينا القطعه حقت السير فوقه بشكل دائري ومخروم في الوسط لمجرا المسمار وركبنا مكانه وشدينا عليه
والحمد لله والشكر وحده بوحده
عقب البهذله كل يوم ترصيت وفحص عمود دبل وعمود دوران وفحص رمان وماخليت شي الا وفحصته
والحمد لله اخر حل الكوي علي قولتهم وكويته
وعذر والسموحه
وفي امان الله

[ابوحفصه]

نفس المشكلة لاوصل 100 قام يرج منين اجيب الربلة الاتقول ويليت

تصورها كرهت الموتر بسبب الرجة

[3zyiz]

طيب كان ركبت تبع وين جمس اذا تركب !!