استفسار لأهل الكيف ، أرجو الإفادة

[صاع ضروس]

السلام عليكم ورحمة الله
حيا الله ربع المنتدى كلهم
عندي استفسار بسيط وهو عن الشاهي التركي ، لأنه وبصراحة أعجبني كثير وفي أكثر من مكان
مرة في المعرض الزراعي بالرياض قبل سنتين تقريباً عند قسم المنتجات التركية قهوونا شاهي طعمه في راسي الى الحين :good2::good2:
ومرة ثانية جربته في بيت الشواية اللي في حي المروج وبرضه كان ممتاز جداً بالحيل:p:p
http://www.mekshat.com/pix/upload06/images/2012/11/mk72899_teapot.jpg
السؤال من منكم ياهل الكيف جرب الشاهي التركي واعجب به ؟
وايضاً هل تنصحون بابريقه الخاص يكون بالعزبة اللي فكرته مثل هاللي في الصورة

وأخيرا وش أفضل طريقة لعمل الشاهي التركي ؟
وآسف على الإطالة
ولكم جميعاً كل الود

[عبدالرحمن305]

ياهلا وغلا بالعزيز الابراهيم

الشاي التركي معروف على البخار
وحتى الايرانيين يحبون شاي البخار
وطريقتهم مميزه في عمل الشاي
على السماور او السمور قديما
تانكي الماء المغلي وفوقه الابريق
وغالبا مايكون التانكي نحاس احمر
غالي الثمن
اما الان مع انتهاء السماور
حل مكانه ابريق وفوقه ابريق
نفس الصوره المعروضه
اما عن شاي التركي
لم اجربه حتى الان

موفق خير يالغالي

[عاشق البسيتين]

لازم نذوقه يالنشاما

[فلسفة]

انشهد انك راعي كيف

شف يا الغالي الشاي التركي سهل وما يحتاج براد خاص او شغلات خاصه جب برادين واحد ماي والثاني شاي لكن ثقل الشاي وحط براد الماي على النار والبراد الثاني فوقه وخله الشاي يطبخ على البخار وكل ما ثقل كل ما كان فتاك على المخيخ ولا جيت تشربه حط قليل من الشاي والباقي ماي حار واوزن السكر على مزاجك

تصدق عاد اتوقع الكيف ببيالاتهم لان الشفطه تجي مركزه ههههههههه

[فلسفة]

وللمعلوميه انا اشوف الاتراك يستخدمون شاي ربيع او ابو جبل يعني السالفه مو شاي خاص السر في طريقة التحضير وثقل الشاي لان طريقتهم تخلي نكهة الشاي تلزق بالحلق وتستقر بالراس اعتقد عدة تجارب كفيله للوصول للنكهه والطريقة المطلوبه للتحضير

[طير بر20]

هلا وغلا اخوي
فيه براد نفس الفكرة يكون مقسوم من الداخل وله ثعبتين قسم تحط فيه الشاهي والقسم الثاني
تحط في الماء ويكون على طول على الجمر
نفس الابريق اللي في الصورة
http://www.mekshat.com/pix/upload05/images250/mk45882_ibreq.jpg

[صاع ضروس]

ياهلا وغلا بالعزيز الابراهيم

الشاي التركي معروف على البخار
وحتى الايرانيين يحبون شاي البخار
وطريقتهم مميزه في عمل الشاي
على السماور او السمور قديما
تانكي الماء المغلي وفوقه الابريق
وغالبا مايكون التانكي نحاس احمر
غالي الثمن
اما الان مع انتهاء السماور
حل مكانه ابريق وفوقه ابريق
نفس الصوره المعروضه
اما عن شاي التركي
لم اجربه حتى الان

موفق خير يالغالي


يا هلا أخوي عبد الرحمن 305 ذكرتني بـ ( السمور ) فقد كان له شأنه عند الوالد ( رحمه الله وجميع أموات المسلمين )
ولابد لك أن تجرب الشاهي التركي فبالتأكيد ستجد مذاق يضرب في المخ
شرفني مرورك لموضوعي
تحياتي لك

[صاع ضروس]

لازم نذوقه يالنشاما


هلا والله وغلا بأخوي عاشق البسيتين
شرفني مرورك وفعلاً لابد تجرب هالشاهي وأنا متأكد انه بيعجبك
دمت بود

[صاع ضروس]

انشهد انك راعي كيف

شف يا الغالي الشاي التركي سهل وما يحتاج براد خاص او شغلات خاصه جب برادين واحد ماي والثاني شاي لكن ثقل الشاي وحط براد الماي على النار والبراد الثاني فوقه وخله الشاي يطبخ على البخار وكل ما ثقل كل ما كان فتاك على المخيخ ولا جيت تشربه حط قليل من الشاي والباقي ماي حار واوزن السكر على مزاجك

تصدق عاد اتوقع الكيف ببيالاتهم لان الشفطه تجي مركزه ههههههههه


مرحباً بك اخوي فلسفة وجعلك في الجنه ووالديك ووالدينا وجميع المسلمين
فعلاً أنا كنت بحاجه لمعرفة طريقة عمل الشاهي التركي
وبالنسبة لنوع الشاهي انا اعرف ان نوعيته غير ضرورية ( إلى حد ما ) ولكن اعتقد أن فكرة طبخه بالبخار هي مكمن السر في تميزه
أسعدتني مرورك ومشاركتك
دمت بخير

[صاع ضروس]

هلا وغلا اخوي
فيه براد نفس الفكرة يكون مقسوم من الداخل وله ثعبتين قسم تحط فيه الشاهي والقسم الثاني
تحط في الماء ويكون على طول على الجمر
نفس الابريق اللي في الصورة
http://www.mekshat.com/pix/upload05/images250/mk45882_ibreq.jpg


هلا بك أخوي طير بر 20 ومشكور يا بعدي على مرورك ومشاركتك
وعلى ما اعتقد ان البريق اللي تذكره لا تتحقق فيه فكرة طبخ الشاهي بالبخار لأنه على النار مباشرة
وأذكر ( إن لم تخني الذاكرة ) إن فيه موضوع كامل ( قديم شوي ) عن هالبريق وكان هناك مؤيد ومعارض له وأذكر بأن الغالبية لهم اعتراض عليه
شرفني مرورك
ودمت بود