لغزٍ يابو فايز يبي فكر حلال ...................... حله ( المايسترو ) .. الحل ( غبيط )

[ابو ماجد 2]

سم الله الرحمن الرحيم

السلام عليكم ورحمة الله وبركاته


لغزٍ يابو فايز يبي فكر حلال=ومثلك عسير اللغز هو يِنِحِر به
اسمٍ حروفه اربعه مابهن آل=واربع نقط ياصاحبي يشتهر به
بسمه ورد يوم به السيف شغّال=واسمه مع البل نوب هو ينذكر به
بسمه ترى للحمل ياناس شيال=لادلو لاغربٍ ولا تقول قربه
أول ثلاثه وصف للرجل بطّال=واتلى ثلاثه عكسهن يفتخر به



تحيتي وتقديري لجميع الزملاء

ابو ماجد - منتديات مكشات

[ذيب الفقارة]

صح لسانك

يمكن :

مشعل

[ذيب الفقارة]

توضيح :

أول ثلاث حروف : مشع

واتلى ثلاث حروف : شعل

[ابو ماجد 2]

صح لسانك

يمكن :

مشعل
توضيح :

أول ثلاث حروف : مشع

واتلى ثلاث حروف : شعل



صح بدنك
وصبحك الله بالخير
مالك لوى يالغالي
اول ثلاث حروف وصف للرجال بطال ماهو زين يعني يتضايق منه لو قلته
واتلى ثلاث حروف الياعكستهن اي حسب مرماعك تصير لعش
ويكون الناتج وصف بالعكس يفخر فيه

[الماايسترو]

صح لسانك يابو ماجد

رمعه / غبيط

اول ثلاث حروف غبي

اتلا ثلاثه عكسهن طيب

الغبيط هو الهودج

http://www.imgur.com/o2zwz.jpeg

ههههههههه تحليل عاد مدري تصيب ولا تخيب

[عطري]

صح لسانك يابو ماجد

رمعه / غبيط

اول ثلاث حروف غبي

اتلا ثلاثه عكسهن طيب

الغبيط هو الهودج

http://www.imgur.com/o2zwz.jpeg

ههههههههه تحليل عاد مدري تصيب ولا تخيب


و عليكم السلام و رحمة الله و بركاته
صح لسانك أبا ماجد ، غالي و مسند على غالي.
ما أحبيت أدخل إلا برمعة لكن للأسف ما طلع معي شيء؛ فتأخرت في السلام و تسجيل الحضور.
رمعة و لا أحلى أظنها في مقتل.

[ناصر العلي]

صح لسانك يابو ماجد

رمعه / غبيط

اول ثلاث حروف غبي

اتلا ثلاثه عكسهن طيب

الغبيط هو الهودج

http://www.imgur.com/o2zwz.jpeg

ههههههههه تحليل عاد مدري تصيب ولا تخيب

سلمت يالغالي
وصح لسانك
وأبوفايز كفو ويستاهل
ولله درك ياأبوعوض
الغبيط
أول مرة أسمع به
مؤيد وأنا مغمض;)
تحياتي

[ابوماريا]

صح السانك يابو ماجد
وبيض الله وجهك
يعجز الساني عن شكرك وايفائك حقك
الله يرفع قدرك ويعلي شانك بالدارين

رمعة قبيط للمايسترو المبدع مستوفية كل الشروط
رغم أني اول مرة اسمع به مثل الدكتور
اعتبرني من المؤيدين

دمت بخير

[ابو ماجد 2]

صح لسانك يابو ماجد

رمعه / غبيط

اول ثلاث حروف غبي

اتلا ثلاثه عكسهن طيب

الغبيط هو الهودج

http://www.imgur.com/o2zwz.jpeg

ههههههههه تحليل عاد مدري تصيب ولا تخيب

وعاد ابو عوض بواردي كما عهدناه
لله درك لله درك لله درك
كفووووووووو كفووووووووو كفوووووووو
صح لسانك ملايييين
نعم
غبيط
والغبيط هو الهودج
ويوم الغبيط
يوم الغبيط وهو يوم كانت الحرب فيه بين بني شيبان وتميم
والغبيط من معانيه حسب المعجم الوسيط
وعاء ذو عِدْلين كالخرج يوضع فيه التُّراب أو السَّماد، تحمله الدابَّة إلى الحقل أو منه.
وماقصرت بشرح . غبي . طيب .
بيض الله وجهك
واللياقة ان شاء الله عادت اليك

[ابو ماجد 2]

[CENTER]و عليكم السلام و رحمة الله و بركاته
صح لسانك أبا ماجد ، غالي و مسند على غالي.
ما أحبيت أدخل إلا برمعة لكن للأسف ما طلع معي شيء؛ فتأخرت في السلام و تسجيل الحضور.
رمعة و لا أحلى أظنها في مقتل.



هلا بالعطر الفواح
تاييد بمحله صح لسانك انت وابو عوض

[ابو ماجد 2]

سلمت يالغالي
وصح لسانك
وأبوفايز كفو ويستاهل
ولله درك ياأبوعوض
الغبيط
أول مرة أسمع به
مؤيد وأنا مغمض;)
تحياتي


سلمت وصح بدنك يالغالي
تاييد موفق بوركتم جميعا
واليوم ابعرض الغاز فرصة تلقى مابك حيل للترميع فالختيار فاغى راسك بالقرق
وليته على سنع ثلاثة ارباعه هذراة والصامل مكرر الف مره
هههههههههههههه
ماقول الا ياحظكم

[ابو ماجد 2]

صح السانك يابو ماجد
وبيض الله وجهك
يعجز الساني عن شكرك وايفائك حقك
الله يرفع قدرك ويعلي شانك بالدارين

رمعة قبيط للمايسترو المبدع مستوفية كل الشروط
رغم أني اول مرة اسمع به مثل الدكتور
اعتبرني من المؤيدين

دمت بخير


يسعد صباحك يابو فايز
وانت اللي نعجز عن ايفائه حقه
فمثاليتك تجعلنا عاجزين عن ان نعطيك ولو بعض حقك
تاييدك لابو عوض صحيح بيض الله وجيهكم جميعا

[الماايسترو]

وعاد ابو عوض بواردي كما عهدناه
لله درك لله درك لله درك
كفووووووووو كفووووووووو كفوووووووو
صح لسانك ملايييين
نعم
غبيط
والغبيط هو الهودج
ويوم الغبيط
يوم الغبيط وهو يوم كانت الحرب فيه بين بني شيبان وتميم
والغبيط من معانيه حسب المعجم الوسيط
وعاء ذو عِدْلين كالخرج يوضع فيه التُّراب أو السَّماد، تحمله الدابَّة إلى الحقل أو منه.
وماقصرت بشرح . غبي . طيب .
بيض الله وجهك
واللياقة ان شاء الله عادت اليك





صح كلك يابو ماجد
لكن اللياقه ترووح وتجي عاد باقيلي اختبار بكره مدري يزيد اللياقه ولا ينقصها ههههه

بعدين فترة نقاهه طويله شوي و بحضر لغز انشاء الله ينال اعجابكم

وبيض الله وجهك ووجيه الشباب المؤيدين

[ناصر العلي]

سلمت وصح بدنك يالغالي

تاييد موفق بوركتم جميعا
واليوم ابعرض الغاز فرصة تلقى مابك حيل للترميع فالختيار فاغى راسك بالقرق
وليته على سنع ثلاثة ارباعه هذراة والصامل مكرر الف مره
هههههههههههههه
ماقول الا ياحظكم


سلط الله على بليسك ياأبوماجد
كانت البارحة ليلة ولا أروع ماكان ينقصه إلا شرواك يالغالي
بغت تعجعج ولكن ربك لطف
الأرض رويانة وحنا متذرين وإلا كان علوم
والختيار يازينه ويازين سواليفه
تكرم و عطنا كم شيلة ماأدري غدفة:Dبعد إلحاح
تحياتي يالغالي

[ابو ماجد 2]

صح كلك يابو ماجد
لكن اللياقه ترووح وتجي عاد باقيلي اختبار بكره مدري يزيد اللياقه ولا ينقصها ههههه

بعدين فترة نقاهه طويله شوي و بحضر لغز انشاء الله ينال اعجابكم

وبيض الله وجهك ووجيه الشباب المؤيدين



هلا بك يابو عوض
ومدام تبي تجيب اللغز اجل اللياقة مكتمله
ننتظرك بشغف لاتعوّق يالغالي

[ابوماريا]

سلمت يابو ماجد
وصح السانك مليون

وكفوووو يابو عوض

[ابو ماجد 2]

سلط الله على بليسك ياأبوماجد
كانت البارحة ليلة ولا أروع ماكان ينقصه إلا شرواك يالغالي
بغت تعجعج ولكن ربك لطف
الأرض رويانة وحنا متذرين وإلا كان علوم
والختيار يازينه ويازين سواليفه
تكرم و عطنا كم شيلة ماأدري غدفة:Dبعد إلحاح
تحياتي يالغالي


وانا والله مشتاق للجمعاء ولكن عن قريب
اجل البارح على موجة الشيلات
يقول ابو عبدالرحمن تاركين الختيار شغال سواليف وناخذ نومه وكل ماتنبهنا يقول عرفت كيف وعلى هالمنوال .
بس يقول نبي نواجه مشكله اخاف تجزي عيوننا الليالي القادمه تعودنا ننام على سواليفه

[ابو ماجد 2]

سلمت يابو ماجد
وصح السانك مليون

وكفوووو يابو عوض


هلا بالمثالي سلمت من الشر
وصح بدنك يالغالي

[ناصر العلي]

وانا والله مشتاق للجمعاء ولكن عن قريب

اجل البارح على موجة الشيلات
يقول ابو عبدالرحمن تاركين الختيار شغال سواليف وناخذ نومه وكل ماتنبهنا يقول عرفت كيف وعلى هالمنوال .
بس يقول نبي نواجه مشكله اخاف تجزي عيوننا الليالي القادمه تعودنا ننام على سواليفه


سلط الله على بليسك ياأبوماجد
أجل عرفت كيف:good2: