صافى السريره
26/11/2012, 10:49 AM
بسم الله الرحمن الرحيم
بالله نستعين وعليه نتوكل
فتحت الجهاز بعد صلاة الفجرهذا اليوم الموافق 12/1/1434هـ ودخلت على الموقع وقرأت العصماء الرائعة من الشاعر الكبير /بندر ابن عويّف ،وهي فيما يرى متابعه ورد على قصايدنا المتبادله.
ولم يكن لدي نيه للمتابعة وقد ودعّت في القصيده الماضيه ماهو من عجز لكن ها الموضوع خذ حقه ،لكني اضطريت للرد للاسباب الآتيه:1-الشاعر بندر حملني اكثرمن حقي (في مجال الشعر) وهذا من حسن ذاته وطيبه ،الله يعز مقامه ويرفعه.2-الرد المفروض انه يجي في حينه والمثل يقول الى غبت انكبت .3- زميلنا الشاعر/لافي الغضوري واجب علينا عزاه وان كان يستحق التعزية المباشره لكن العين بصيره واليد قصيره(الله يرحم والدته ويسكنها جنات النعيم ويجبر عزاه وكل من له العزا فيها).
اما بالنسبه للعصماء اللي اهداها لنا الشاعر بندر فهي وان كانت افضل من القصايد الماضيه كلها بما فيها ذا البويتات ادناه ،الا اني ارى انها ما تعد منهن لاختلاف الشيله وان اتفقت القافيه،ولا يتشره علي اخوي بندر ،مع يقيني انه ما هو عجز منه بل ربما كان من زود شاعريته الملهمه
وهذا ردي مستعيناً بالله وهو الاخير في مجالنا هذا
يا مرحبا والفين بازكي تحية
..........للي على القيفان شرهن عليه
ياللي لمست زناد عصمن بليّه
........تاتي على المطلوب ماهي على الحدس
شعرك يشوق النفس فكه بفكه
...........ونظمك على المطلوب يا صعب فكه
وانت المحيط بصدق من دون شكه
...........يوم البحر قد صار لمحمد الخس
اللعب توه زان يا مسندي زان
.........نلعب على المعنى وترتيب الاوزان
ثم (ن) نخليها على الكيف قيفان
............واحلى ترى القيفان ما جا على الاس
ختّمت بس الختم ماهو نهاية
..........الختم لتلميذ يعني البداية
لا صار خصم الرجل ما به عبايه
..........لا بد له يصبر ولو بالتعب حس
قبست بالمقباس واشعلت لك ضو
.......... ما تنطفي ضوّك ولا خلّفت سو
توي بديت القول يا صاحبي تو
......... والله لا امس القاف دامه معك مس
سرّيت نفسي منك والخاطر استر
..........يوم ان بعيد الذكر ما عاد يفتر
الله يجيب الخير ويبعّد الشر
.........والماقف المحسوب ما داخله هلس
حيّاك يومك جيت من عقب ما ابطيت
......... ونثرت من درك بيوت (ن) لها صيت
وابدعت في القيفان يومك تعنيت
.......... ولا باس كان الغرس قد بدّل بغرس
صنّفت كل الناس وابدعت بالوصف
............ولا جرت في قولك ولا الوصف به عنف
يومك نظمت القاف حرف(ن) ورا حرف
............ وصفك على المقواس ما جا على عكس
ودي نعدل القاف للناعم الترف
...........بس الحما مشبوك والعلم قد عرف
والله لاغرف البير لو جيت له غرف
..............واعب من جمه ولو كان هو رٍس
يازين ذاك الجو يا فيه راحه
..........ندّي به المطلوب فا رحب مساحه
والمنطق المحشوم لو به صراحه
........... ما عاب من غنّاه لو كان من عبس
يا ذيب يا ضرغام يا ملمسن حرش
.........بنّيت لك بالشعر عرش(ن) على عرش
تمشي على المطلوب ماهو على الهمش
.............والى نظمت القاف ما جا معك شرس
لافي شكا لك يوم في قلبه آهات
...........عنّز عليك اليوم يآبا المروات
غديك تفزع له وتشفي له الذات
.......... وتشيل عنه الهم ثم تكنسه كنس
مثله نخيتك جبت قاف(ن) على السين
..........وجّمعت لك بالعد فوق الثلاثين
ماني ترى مجبور بس الغلب شين
...........واكتب لك المطلوب من خاطر(ن) عمس
ابدعت في شعرك بوصف البعارين
..........لك شف يا بندر بقني المزايين
ما ني ترى لوّام والشوف بالعين
............ما يسقي العطشان لو ما رده غمس
يالله يالمطلوب ياخير كافي
.......... تجبر عزا المكلوم بالفقد لافي
وتعظّم اجر الكل بيّن وخافي
.........والأم بالميزان ما عادله نفس
يالله عسى الفردوس لك يام لافي
......... والقبر ينور لك ويا سعك وافي
ويا جرك رب العرش والقيس ضافي
....... ردو معي بآمين من خاطر(ن) حس
آل- بوهلال التميمي (احمد، ابو راكان)
بالله نستعين وعليه نتوكل
فتحت الجهاز بعد صلاة الفجرهذا اليوم الموافق 12/1/1434هـ ودخلت على الموقع وقرأت العصماء الرائعة من الشاعر الكبير /بندر ابن عويّف ،وهي فيما يرى متابعه ورد على قصايدنا المتبادله.
ولم يكن لدي نيه للمتابعة وقد ودعّت في القصيده الماضيه ماهو من عجز لكن ها الموضوع خذ حقه ،لكني اضطريت للرد للاسباب الآتيه:1-الشاعر بندر حملني اكثرمن حقي (في مجال الشعر) وهذا من حسن ذاته وطيبه ،الله يعز مقامه ويرفعه.2-الرد المفروض انه يجي في حينه والمثل يقول الى غبت انكبت .3- زميلنا الشاعر/لافي الغضوري واجب علينا عزاه وان كان يستحق التعزية المباشره لكن العين بصيره واليد قصيره(الله يرحم والدته ويسكنها جنات النعيم ويجبر عزاه وكل من له العزا فيها).
اما بالنسبه للعصماء اللي اهداها لنا الشاعر بندر فهي وان كانت افضل من القصايد الماضيه كلها بما فيها ذا البويتات ادناه ،الا اني ارى انها ما تعد منهن لاختلاف الشيله وان اتفقت القافيه،ولا يتشره علي اخوي بندر ،مع يقيني انه ما هو عجز منه بل ربما كان من زود شاعريته الملهمه
وهذا ردي مستعيناً بالله وهو الاخير في مجالنا هذا
يا مرحبا والفين بازكي تحية
..........للي على القيفان شرهن عليه
ياللي لمست زناد عصمن بليّه
........تاتي على المطلوب ماهي على الحدس
شعرك يشوق النفس فكه بفكه
...........ونظمك على المطلوب يا صعب فكه
وانت المحيط بصدق من دون شكه
...........يوم البحر قد صار لمحمد الخس
اللعب توه زان يا مسندي زان
.........نلعب على المعنى وترتيب الاوزان
ثم (ن) نخليها على الكيف قيفان
............واحلى ترى القيفان ما جا على الاس
ختّمت بس الختم ماهو نهاية
..........الختم لتلميذ يعني البداية
لا صار خصم الرجل ما به عبايه
..........لا بد له يصبر ولو بالتعب حس
قبست بالمقباس واشعلت لك ضو
.......... ما تنطفي ضوّك ولا خلّفت سو
توي بديت القول يا صاحبي تو
......... والله لا امس القاف دامه معك مس
سرّيت نفسي منك والخاطر استر
..........يوم ان بعيد الذكر ما عاد يفتر
الله يجيب الخير ويبعّد الشر
.........والماقف المحسوب ما داخله هلس
حيّاك يومك جيت من عقب ما ابطيت
......... ونثرت من درك بيوت (ن) لها صيت
وابدعت في القيفان يومك تعنيت
.......... ولا باس كان الغرس قد بدّل بغرس
صنّفت كل الناس وابدعت بالوصف
............ولا جرت في قولك ولا الوصف به عنف
يومك نظمت القاف حرف(ن) ورا حرف
............ وصفك على المقواس ما جا على عكس
ودي نعدل القاف للناعم الترف
...........بس الحما مشبوك والعلم قد عرف
والله لاغرف البير لو جيت له غرف
..............واعب من جمه ولو كان هو رٍس
يازين ذاك الجو يا فيه راحه
..........ندّي به المطلوب فا رحب مساحه
والمنطق المحشوم لو به صراحه
........... ما عاب من غنّاه لو كان من عبس
يا ذيب يا ضرغام يا ملمسن حرش
.........بنّيت لك بالشعر عرش(ن) على عرش
تمشي على المطلوب ماهو على الهمش
.............والى نظمت القاف ما جا معك شرس
لافي شكا لك يوم في قلبه آهات
...........عنّز عليك اليوم يآبا المروات
غديك تفزع له وتشفي له الذات
.......... وتشيل عنه الهم ثم تكنسه كنس
مثله نخيتك جبت قاف(ن) على السين
..........وجّمعت لك بالعد فوق الثلاثين
ماني ترى مجبور بس الغلب شين
...........واكتب لك المطلوب من خاطر(ن) عمس
ابدعت في شعرك بوصف البعارين
..........لك شف يا بندر بقني المزايين
ما ني ترى لوّام والشوف بالعين
............ما يسقي العطشان لو ما رده غمس
يالله يالمطلوب ياخير كافي
.......... تجبر عزا المكلوم بالفقد لافي
وتعظّم اجر الكل بيّن وخافي
.........والأم بالميزان ما عادله نفس
يالله عسى الفردوس لك يام لافي
......... والقبر ينور لك ويا سعك وافي
ويا جرك رب العرش والقيس ضافي
....... ردو معي بآمين من خاطر(ن) حس
آل- بوهلال التميمي (احمد، ابو راكان)