اريد حلا لمشكلة الهيل بالعزبة لاهنتوا ..

[hamad3983]

السلام عليكم ورحمة الله وبركاته .. اسعد الله اوقاتكم بالخير والمسرات ..


انا يا اخوان مشكلتي مشكلة مع الهيل ..
الهيل عندي بالبيت طيب جدا .. ولكن تظهر عندما اخذ هيل معي للبر

الا وهي ان الطعم جدا خفيف .. مهما تحط من هيل بدلتك يبقى الطعم جدا خفيف

طبعا علبة البلاستك ماتنفع .. استخدم علبة استيل للهيل .. بس برضو نفس المشكله الطعم خفيف
اذا احد من الاخوان يعرف الحل او صارت له هالمشكلة يتكرم بطرح الحل ..

شكرا لكم جميعا ..

[علومك غانمه]

اخوي اذا انت تبي طعم الهيل لاتطحنه الا وقت تجهيز القهوه يعني كل ماجيت تصلح لك زل قهوه اطحن الهيل اثناء التجهيز وشف الطعم

[hamad3983]

اشهد ان علمك غانم .. بيض الله وجهك ورفع قدرك


لكن بعض الطلعات الخفيفة تستثقل معك تجيب نجر .. من وجهة نظرك فيه طريقة للطحن ؟

[__abo saleh__]

مازود على كلام اخوي علومك غانمة
لا تطحن الهيل الى عن الاستخدام بامكانك استخدام نجر صغير او تكسر الهيل داخل الدلة عن تجربة شخصية الطعم يبقى كما هو ان شاء الله

[عاشق الاتحاد]

اخوي
صدقو الاخوان في وصفة الهيل
في موق مكشاتي لادوات الرحلات في طحانة على ولاعة السيارة
خذ واحده وعند عمل القهوة اطحن الي تباة وشوف الطعم
وفقك الله

بس لاتنسانا من فنجان القهوة

[العفّار]

حط الهيل بكيس ( باغة لحم صغيره ) واربطه داخل علبة الستيل المخصصه للهيل وراح يبقى فتره !

طبعا يجب اختيار الهيل الطيب لان هناك انواع من الهيل لو تطحنها وتخليها ساعه فقط مكشوفه تغير طعمها ...

كل هالكلام اذا ماودك تطبق كلام وتعليق اخواننا بالاعلى

[hamad3983]

ابو صالح - عاشق الاتحاد - العمار

بيض الله وجيهكم وماقصرتوا والتجربه في المره القادمة والله يجزاكم خير

عاشق الاتحاد .. حياك عين فراش وعين غطا والشرف لي .. نكسب شوفتك ونحاول نغير ميولك الرياضية ههههههه

[رفيع المقام]

مثل كلام الاخوان خذلك طاحونه او نجر ولا تطحن الا وقت الاستخدام.
او استخدم علبة زجاج لحفظ الهيل افضل من البلاستك بكثير .

[maftoon]

الهيل قوي اذا حطيته في برطمان بلاستك او اكياس نايلون يحرقها عليك بالبرطمان القزاز الي يحط فيه العسل ممتاز وتسكيرته قويه ويحافظ على النكهه


اتحدث من واقع تجربه. والإخوان ما يقصرون

[علي العوني]

بارك الله فيك مثل ماقالو الإخوان خل معك نجر وجرب الفجال اللي والله ماتنساه .

وعلى فكرة فيه نوعين الأول النحاس العادي ومعي واحد صغير عذروبه مايدقق الطحن بسرعه يبي له وقت وهو يطربك بالصوت .
وفيه المعدن وهو ممتاز من ناحية سرعة الطحن وتدقيق الهيل لكن ماجربته يمكن مع كثر الطحن يسود "يصنق :D ".

تقبل مروري............

[hamad3983]

رفيع المقام - مفتون - علي العوني .. بيض الله وجيهكم

[x.ls1.x]

يا اخوي لي 3 سنين وانا استخدم علبة صلصة العلالي الزجاج ,, احيانا ياخذ له شهر وماشالله الطعم مايتغير

[على باب الله]

أولا لا تستعمل إلا هيل (( ريحانه )) وليس ربحانه وفرحانه
ثانيا ، شف رح لمحلات الأواني وتحصل عندهم كاس الشاهي اللي يحفظ وبه نوعيه تكون داخليها قزاز ومحميه من الخارج بستيل أو بلاستيك أو خزف وخذ اللي يجوز لك .. من حجم وخف

[علي العساف]

http://www.alrassxp.com/uploaded11/19736/81297263187.jpg




الطحن اول بأول

[أبوعبدالرحمن الأسعدي]

الهيل اولا لابد ان يكون في علبه زجاجيه مكتومه والافضل هو البرطمان الي يوضع فيه العسل..

ثانيا مثل ماقالوا الاخوان لاتطحن الهيل نهائيا

والاهم انه مايتعرض لحرارة الصيف بالسياره...

[hamad3983]

LS1 ، علي ، ابو عبد الرحمن ، على باب الله

بيض الله وجيهكم :thumbup:

[المغرم]

أخي الغالي أنا استخدم من فتره طويله
علبة عسل الشفاء القزاز
جربها ومنت خسران أن شاء الله
وراح تدعيلي يالغالي

[ابورشيد]

اخوي جرب الدله بالديره
يمكن الدله هاجره او تبي لها رب
ومثل ما قالو الاخوان جرب علب القزاز اللي ماتنسم الهواء
تري الطعم بالهيل من الزيوت الطياره مثل الحبة السوداء

[hamad3983]

المغرم - ابو رشيد ، بيض الله وجيهكم .. جاري التجربه

[سيف الظفير]

ولله الحمد والمنة والكرم من ربي

انا املك هالمزيونة في العزبة الكبيرة للشاهي والقهوة

http://www.moulinex-me.com/Products/coffee-makers-gallery/Products%20Picture/AR10N00589G_big.jpg

وعندي الهيل هرري درجة اولى محموس وسط غير محطون


وهيل امريكي رقم 1 غير مطحون



واذا فاحت ملقمة القهوة وصارت تقلب من ضو السمر او الارطى


قمت طحنت القهوة واذا زانت وجهزت قمت ثانية وطحنت الهيل

ووالله بدون مبالغه ان ريحة القهوة تشمها بكل قوتها في المكان وهي توها مطحونة كيف عاد يا الذيب لو صارت تطبخ المكاشيت اللي حولك شوي ويشمون المهيلة ههههههههه

بدون اي مبالغه ظعم القهوة كلام ثاني اذا طحنتها في مكانك وبوقتها

[ريف النشاما]

أنا أقول خلك زيي

مافيه هيل نهائي بالعزبة

عويدي وزعفران وحركات تصلح القهوة وطعم إنما إيه

وفيه ناس ما تدري هو فيه هيل ولا جزر:D


وإن كانك مصمل :D يعني أنت مصمل هاه :D كل شي بوقته حلو ياحلو:D

الطعم والنكهة تكون بالجدة من التجديد يعني الجديد :D

يعني لا الهيل ولا القهوة عندما تكون جديدة وفي وقتها تظهر النكهة

في حال الطحن والحفظ تذهب النكهة تدريجيا


والهيل بالذات لا تطحنه إلا إذا فارت قهوتك :D صار تعبير:p

[snack1028]

السلام عليكم ورحمة الله وبركاته .. اسعد الله اوقاتكم بالخير والمسرات ..


انا يا اخوان مشكلتي مشكلة مع الهيل ..
الهيل عندي بالبيت طيب جدا .. ولكن تظهر عندما اخذ هيل معي للبر

الا وهي ان الطعم جدا خفيف .. مهما تحط من هيل بدلتك يبقى الطعم جدا خفيف

طبعا علبة البلاستك ماتنفع .. استخدم علبة استيل للهيل .. بس برضو نفس المشكله الطعم خفيف
اذا احد من الاخوان يعرف الحل او صارت له هالمشكلة يتكرم بطرح الحل ..

شكرا لكم جميعا ..

والله اني لك من الناصحين ابتعد عن الهيل نظراً لكثرة مشاكلة الصحيه(الهيل يذوب البلاستيك وشلون نحطه في بطونا!! ) ياخي انا راجعت العديد من الاستشاريين في الباطنيه وكلهم يقولون ان الهيل مضر جداً بالباطنيه وهذي نصحيه تمثل وجهة نظري وأسأل الله السلامه لي ولكم من كل شر

[hamad3983]

طريقتك وانا اخوك ماعليها غبار .. ك طعم وكيف هي الافضل .. لكن البلا من وين الكهرب .. لازم يصير عندي مصدر كهرب بالاول .. تحياتي لك

[hamad3983]

هههههههههههههههههههههه

كلامك يبقى راي وذوق .. والبعض مايطفي راسه الا الهيل .. تبقى مسأله ذوق .. واخر جزئية يبدو ان الاغلب مجمعين عليها

[hamad3983]

كلامك ع العين والراس يابعدي .. وجزاك الله خير

لكن العمر مره وانا اخوك ..

[الجحفة]

الله يعطيك العافية

[عاشق مطر 2]

خذ الهيل بدون طحن واطحنه بايدك

[طيار الشمال]

أستخدم هيل ريحانه


ووضعه في


علبة زجاج يكون غطاها حديد فيه ربله. مثل علبة المربى أو الجبن

[راعي البرهـ]

مافيه افضل من الطااحونه اللي على الولاعه
وخل هيلك دائما في علب زجاجيه الهيل والقهوه

[hamad3983]

الله يعطيكم العافيه جميع .. اقتراحاتكم افادتني

[عز نفسك]

افادوك الأخوان ماينطحة الى وقت تصليح القهوة

[albraki]

عن تجربه

علب المربى الزجاج
اعتقد حقت العلالي

[حب لاينتهي]

يمكن الهيل من زمان وهو بالعزبه

وفي السياره ويتعرض للحراره وغيرها

يمكن

[س.س.التميمي]

الله يعطيك العافيه علي فتحك لهذا الموضوع ونقتبس بعض اراء الاعضاء تقبل مروري

[رح هس]

اذا كان الهيل درجة اولى واحتفظت به مطحون في علب استيل فترة شهر او تزيد لايظره او يغير طعمه..وهذا من واقع تجربة ...اما اذا كان الهيل من درجات ادنى فتقبل اي شي يصير

[احمدA]

مساكم الله بالخير
بالنسبه للهيل يكون في علبة زجاج مغلقه ولا يكون مطحون تطحنه عند تجهيز القهوه تحياتي لكم:f