اسفسار لكل مربي للأبل .

[فتى مديني]

انا شاب

وأحس فيه شي يشدني نحو الأبل

يعني نفسي اربي لي كم ناقة

تقريباً 2

بس خايف من مصاريفها

بس انا قلت لواحد هذا الشي

قلي عادي وكلها من المرزعة

عاد عندنا مزرعة ولله الحمد

قالي وكلها من النجم وسعف النخل

ومن الخضرة

اي شي زرع في المرزعة اعطيها وهي تاكله عادي

مايحتاج تشتري لها برسيم

ايش رايكم انتم؟

[emm]

ياخوي اهم شي مكان تحطها فيه اذا عندك مكان توكل على الله .
وبالنسبة للاكل عادي تاكل اي شي
(خبز ناشف ,شعير ,خضار ,فواكهه).
باختصار الابل ما توفر شي ههه والله يكتبلك الى فيه الخير .

[السبيعي 503]

والله وانا اخوك البل عطايا الرحمن تستاهل الي تاكلة

اذا انت الله منعم عليك وامورك زينة حطها في المزرعة وثنتين وثلاث ماتاكل شي

وصدقني اذا انت تحب البل بتوسع صدرك وبتزودهاا والله لو تتسلف علشانها

[فتى مديني]

شكراً لكم على الأفادة

المزرعة عندنا فيها ارض بيضاء واسعة

يعني غير مزروعة

تتعب وانت تمشي فيها

يعني المكان موجود

انا كنت شايل هم مصروف الأكل حقها

كويس اجل

ان شاء الله يشبعها أكل المزرعة

[علومك غانمه]

لابد انك تعطيها برسيم لو تعطيهن لبنه وحده في اليوم والباقي تعطيهم من المزرعة نجم والا ثيل والا سعف النخل والله ييسر امرك وتلقا مطلوبك وتوسع صدرك عليهن بالعافية وانتبه وانا اخوك من الخبز

[ابو محمد 888]

والله ونا اخوك مالك حاجه في البل لاتنظر للأكل فقط انظر في إضرابها وولادها والبل تأكل
أنا راعي ابل بكل أمانه الابل مأمنها فايده ابد وتبي معرفه وتبي دبره للتفكر ترميها وتمشي
وذا انت متفرغ وتبي فايده وعندك معرفه انصح تشتري لك غنم او معزا

وجهه نظر

[عواد الشمري2]

عليك السلام ورحمه
الي قالك البل تكل عسف نخل ومدري وش وفواكه وخضره ليش معز هن وورق بعد مايضر هي تاكل بس مهو علف كل يوم يعطا لها ..حلوه فواكه قرود هن
هذولن ابعارن مهن معزا يكلن اي شي
هن ناقتين كل يوم يكلن ربطت برسيم بــ15 او قل 20 ريال ونص كيس شعير مهي ذيك التكلفه الكيس بـ40 وهي تاكل نص كس يومي وربطه برسيم وانت كذا مكرمهن بعد وهذي هي التكلفه لا تخوف من شي ولا تضر اباعرك
وندعي لك بتوفيق .

[الرويضة اون لاين]

ياخوي اذا كان عندك ارض واسعه حط لك شبك عشان تعشيهن فية ويمرحن فية والصباح فكهن , اما من ناحية الطعام فتراها ماتصرف ابد اذا بتحط ثنتين ولا ثلاث , لأن 10 من الابل طعامهن في اليوم كيس شعير واحد وبلكتين برسيم , اما اذ كانت ابلك ثلاث فكيس الشعير بيكفيهن يومين الى ثلاثة ايام مع نص بلكة برسيم , يعني مصروفهن في الشهر مايتجاوز 1000 ريال , توكل على الله واشترها والله يبارك لك..

[فتى مديني]

شكراً على مشاركتكم

وافادتكم .

انا توني شاب

ولس أعزب

وما ابغى أصرف فلوسي واستنزفها في النياق

يعني انا مجرد هاوي

واحس اني احب الأبل

وشي يشدني لها .

واللي يقول ربي غنم

النفس تبي ابل

ماتبي غنم .

[راعي الذيبة]

توكل على الله واشتر ونوخها ووبجيب لك عيا والله يوفقك ويرزقك كل خير

[emm]

اخوي عوااد الشمري كاتب بنفس الخط و اللون الي انا كاتب فيه و معلق على كلامي بالتحديد بس بقى تقول ي فلان كلامك غلط!!!
بس حاب اخبرك عندي ناقه و اعطيها خضار و فواكه عادي و الرجال يبي يستفسر اذا كلامي ما جاز له يسمع من اذن و يقط من الاذن الثانية..

[عواد الشمري2]

اخوي عوااد الشمري كاتب بنفس الخط و اللون الي انا كاتب فيه و معلق على كلامي بالتحديد بس بقى تقول ي فلان كلامك غلط!!!


بس حاب اخبرك عندي ناقه و اعطيها خضار و فواكه عادي و الرجال يبي يستفسر اذا كلامي ما جاز له يسمع من اذن و يقط من الاذن الثانية..


اخوي انقليزي لازم اقول ماعرف انقليزي الحين غيرت الاون كذا كويس
فواكه وخضره وبواقي اكل مهي علف للبل تقعد عليه انا معك تكبه لهن بطوايل ويكلنه بس مهو علف تصبر عليه البل وبعدين محد قالانك منت راعي بعارين
وختلاف الراي لا يفسد للود قضيه
وتقبل تحياتي

[emm]

اخوي عوااد باشا حصل خير ولا تحط في بالك
تعال عازمك على طاسة لبن ..

[عواد الشمري2]

الله يسعدك ويعز مقدارك وبارك الله بهن

[أبو جراح11]

سبحان الله يارجال البل تاكل كل شي
والله لو تقدر تاكل غترتك ماتوفرها


أما سالفة أنها ماتاكل خضار وفواكة
فرجعو الذاكرة شوي لما انقطع الشعير
صارو أهل الابل يعلفونها جزر وباذنجان وبطاطس
ويشترون التريلات من العزيزية في الرياض ويودونها لحلالهم
واما قولت أنها عطايا الله مدري باقي الحيوانات عطايا مين ؟؟؟؟؟؟؟
كل الخير من الله00

[المستحيل277]

بسكوت وخبزماعليك انت اصمل وحطها بس

[رجل المرور]

دامك ماتقوى تكرم البل ليه تتعب روحك

[صلفان.نجد]

ياخوي اللي يبي الدّح لايقول احّ !!!!واللي يبي سمحات الوجوه لايبخل عليها ,, والمصروف على حسب عددها , وان كانك تبي تنّومس عندها ؟ لاتكثّر خذ لك على قد امكانياتك.
اما عيشتها لابد لها من البرسيم والرودس والذره والشعير.وعليك بالصفر تراها اقل مصروف.

[صريح المقال]

السلام عليكم ورحمة الله وبركاته :)

ما أزيد على كلام الأخوان وان كان هناك إختلاف بالرأي أتمنى انه ما يفسد ( للود) قضية، وهي بالنهاية أمانة في رقبتك أنت لحالك ومحد هنا ينصحك فيها أو ينهاك عنها بيحاسب إلا على كلامه والي كتبه
ان أنت قصرت عليها بتحاسب وان أكرمتها بتحاسب وان زودت بذخ وفسقه أيضاً بتحاسب ..

والبل عندنا من سنين ومن حياة جدي وهذي هي ما زالت والي بيكرمها من دون إسراف بتكلف عليه ولا كلن يقدر على إكرامها وهي تاكل ولا تقارن ببقية المواشي الصغيرة بالحجم .

وعشان أختصر عليك عندنا إبل وعندنا غنم ... والناقة الوحدة تاكل عن عشر من الغنم الحريات أو المعزى .
وعشان تحسبها صح الناقة تجلس سنة عشان تجيب ولد واحد يجلس ست شهور إلى ثمانية عشان تبيعة قصب بـ4000
والحرية كل خمس شهور ولده (إذا أكرمتهن) .. يعني بسنة العشر يصيرون بإذن الله 30 :)
والمعزى كل ست إلى سبع شهور(إذا أكرمتهن) .. وبالغالب تجيب توم (اثنين) يعني بالسنة العشر يصيرن من 40 إلى الـ50 بإذن الله :)
.
.
ومع احترامي للأخوان بس الي يحتج بغلاء الشعير وإنقطاعة .. أكيد وقت الأزمه بتمشي حالك بالي تقدر عليه وحتى الإنسان بياكل أشياء لو حصل له غيرها ما فكر فيها ولا أكلها .. والحمد لله على كل حال .


وإذا أنت ما تبي تضيع فلوسك عشان يقولون فلان راعي ابل ولا عشان وجاهة وأمور دنيوية ما تنفعك في آخرتك ولو تنكسر وتخسر مالقيت أحدن يوقف معك من الي كانوا مسنترين عندك يومك في رخاء وسعة فنصيحتي لك كالتالي:
عض على ثوبك وانحش عن البل كنك شايفن جني !!
لا تقرب لهن ولا تنشد عنهن ولا تحب إلا شوفتهن من بعيد زي القمر لو يقولون لك بنجيبه من السما قلت ليش !
هو ما خلاه غالي إلا بعده وإرتفاعه .

والله ما شفنا من وراهن إلا الحسد من القريب والبعيد والعين والللمز وكن محد يقدر يجيبهن من السوق لكنهم يدرون مهيب سهله انك تملكهن وتكد عليهن .
وآخرتها ينتج فحلك ويجيب لك بكره ما ودك إلا تآكلها من زينها ويجي وآحد خسيس مدسوس من وآحدن أخس منه يشوفها ويشهق تقول شايفن جني حسبي الله ونعم الوكيل والله ما تكمل ليلتها انها منتفخه من بكره ورجليها بالسما .. وش العلم ما تدري وتربطها بسيم وتسحبها ومعها شقى سنين وحرص ومراعاة وإكرام وتعب وكد ونكد .
وأشين منها لو لهبوك في صحتك وفي نفسك .. وعساها في المال عن الحال .


وأنت بالبداية بتقول لا أنا أبيها طرب أنا مانيب جالسن أطامر وراهن لكنها تجي شوي شوي .

بتقول ورا ما تبيعون بأقول لك مدري لكن بعنا وشرينا وبعنا وشرينا والفحل ما يباع .
والله ان الرزق والخير بالغنم ولا تهون البل بس كليفة هالوقت ودخل مجالها ناسن مهوب من أهلها وخربوها وحاسوا شغلها والله يستر من الجاي .

وخبرتنا في هالمجال طويله وشفنا ناس كثير دخلت البل وخسرت ودخلت الغنم وتجرت وزانت امورها والي ربحوا من البل يعدون بالأصابع من قلهم والي خسروا أضعاف .

وأنت يمكن تبيها بس وحده ثنتين
بس صدقني الوحده تجر اختها
والثنتين يبيلهم ثالثة
والثلاث شوي!
بنخليهن ذود .. وهكذا تبدأ المأساة ههههههههه .

خلهن عنك والله لو تشتري لك فقاسة بيض وتشري بيض بلدي بالسطل وتفرخ في هالمزرعة وتبيع طلعت ذهب بدون ما يكلفك قيمة ناقة فاطر تضلع !
وأحسن من البلدي بيض أنواع مطلوبة الحين لو تبحث وتهتم لقيتهن ويباع الحبة منهن بـ150 وفوق .

أقولك هالكلام عشان عندكم مزرعة ما شاء الله تبارك الرحمن ونصيحة لا يمر عليك شبابك ونشاطك وأنت عزوبي من دون ما تستفيد منها :)

وإذا الله أغناك وصرت مليان دراهم وتزوجت وبنيت بيتك وبقي زود ولا تدري وش تسوي بهن ذيك الساعة كيفك :)

والله الله بالصدقة من كل كسب يجيك وتشوف البركة بالباقي .

هذا الي عندي فإن أصبت فمن الله وحده، وإن أخطأت فمن نفسي والشيطان .

والسلام عليكم ورحمة الله وبركاته

[أبوفيصل 2007]

:good2:
السلام عليكم ورحمة الله وبركاته :)

ما أزيد على كلام الأخوان وان كان هناك إختلاف بالرأي أتمنى انه ما يفسد ( للود) قضية، وهي بالنهاية أمانة في رقبتك أنت لحالك ومحد هنا ينصحك فيها أو ينهاك عنها بيحاسب إلا على كلامه والي كتبه
ان أنت قصرت عليها بتحاسب وان أكرمتها بتحاسب وان زودت بذخ وفسقه أيضاً بتحاسب ..

والبل عندنا من سنين ومن حياة جدي وهذي هي ما زالت والي بيكرمها من دون إسراف بتكلف عليه ولا كلن يقدر على إكرامها وهي تاكل ولا تقارن ببقية المواشي الصغيرة بالحجم .

وعشان أختصر عليك عندنا إبل وعندنا غنم ... والناقة الوحدة تاكل عن عشر من الغنم الحريات أو المعزى .
وعشان تحسبها صح الناقة تجلس سنة عشان تجيب ولد واحد يجلس ست شهور إلى ثمانية عشان تبيعة قصب بـ4000
والحرية كل خمس شهور ولده (إذا أكرمتهن) .. يعني بسنة العشر يصيرون بإذن الله 30 :)
والمعزى كل ست إلى سبع شهور(إذا أكرمتهن) .. وبالغالب تجيب توم (اثنين) يعني بالسنة العشر يصيرن من 40 إلى الـ50 بإذن الله :)
.
.
ومع احترامي للأخوان بس الي يحتج بغلاء الشعير وإنقطاعة .. أكيد وقت الأزمه بتمشي حالك بالي تقدر عليه وحتى الإنسان بياكل أشياء لو حصل له غيرها ما فكر فيها ولا أكلها .. والحمد لله على كل حال .


وإذا أنت ما تبي تضيع فلوسك عشان يقولون فلان راعي ابل ولا عشان وجاهة وأمور دنيوية ما تنفعك في آخرتك ولو تنكسر وتخسر مالقيت أحدن يوقف معك من الي كانوا مسنترين عندك يومك في رخاء وسعة فنصيحتي لك كالتالي:
عض على ثوبك وانحش عن البل كنك شايفن جني !!
لا تقرب لهن ولا تنشد عنهن ولا تحب إلا شوفتهن من بعيد زي القمر لو يقولون لك بنجيبه من السما قلت ليش !
هو ما خلاه غالي إلا بعده وإرتفاعه .

والله ما شفنا من وراهن إلا الحسد من القريب والبعيد والعين والللمز وكن محد يقدر يجيبهن من السوق لكنهم يدرون مهيب سهله انك تملكهن وتكد عليهن .
وآخرتها ينتج فحلك ويجيب لك بكره ما ودك إلا تآكلها من زينها ويجي وآحد خسيس مدسوس من وآحدن أخس منه يشوفها ويشهق تقول شايفن جني حسبي الله ونعم الوكيل والله ما تكمل ليلتها انها منتفخه من بكره ورجليها بالسما .. وش العلم ما تدري وتربطها بسيم وتسحبها ومعها شقى سنين وحرص ومراعاة وإكرام وتعب وكد ونكد .
وأشين منها لو لهبوك في صحتك وفي نفسك .. وعساها في المال عن الحال .


وأنت بالبداية بتقول لا أنا أبيها طرب أنا مانيب جالسن أطامر وراهن لكنها تجي شوي شوي .

بتقول ورا ما تبيعون بأقول لك مدري لكن بعنا وشرينا وبعنا وشرينا والفحل ما يباع .
والله ان الرزق والخير بالغنم ولا تهون البل بس كليفة هالوقت ودخل مجالها ناسن مهوب من أهلها وخربوها وحاسوا شغلها والله يستر من الجاي .

وخبرتنا في هالمجال طويله وشفنا ناس كثير دخلت البل وخسرت ودخلت الغنم وتجرت وزانت امورها والي ربحوا من البل يعدون بالأصابع من قلهم والي خسروا أضعاف .

وأنت يمكن تبيها بس وحده ثنتين
بس صدقني الوحده تجر اختها
والثنتين يبيلهم ثالثة
والثلاث شوي!
بنخليهن ذود .. وهكذا تبدأ المأساة ههههههههه .

خلهن عنك والله لو تشتري لك فقاسة بيض وتشري بيض بلدي بالسطل وتفرخ في هالمزرعة وتبيع طلعت ذهب بدون ما يكلفك قيمة ناقة فاطر تضلع !
وأحسن من البلدي بيض أنواع مطلوبة الحين لو تبحث وتهتم لقيتهن ويباع الحبة منهن بـ150 وفوق .

أقولك هالكلام عشان عندكم مزرعة ما شاء الله تبارك الرحمن ونصيحة لا يمر عليك شبابك ونشاطك وأنت عزوبي من دون ما تستفيد منها :)

وإذا الله أغناك وصرت مليان دراهم وتزوجت وبنيت بيتك وبقي زود ولا تدري وش تسوي بهن ذيك الساعة كيفك :)

والله الله بالصدقة من كل كسب يجيك وتشوف البركة بالباقي .

هذا الي عندي فإن أصبت فمن الله وحده، وإن أخطأت فمن نفسي والشيطان .

والسلام عليكم ورحمة الله وبركاته
:good2::good2::good2::good2::good2: