ابي طلعة في هالويك اند

[Mr.Snorkel]

السلام عليكم ورحمة الله وبركاته ,,

يعطيكم العافية شباب , الويك اند الجاي ودي اطلع حداق

لاصحاب الخبره شنو افضل اماكن الصيد (المسموحه) لان اغلب الاماكن محضوره ولا ميناء عسكري والكل عارف شيء ممل صار الواحد عشان يطلع كشته ويصيد يحتار من القله

طبعا انا اتكلم على المنطقة الشرقية اذا ممكن تفيدوني بمكان تخييم وكشته وصيد حلو غير راس بو قميص لا تبخلون علي الله لا يهينكم

أنتظر ردودكم .. :D

[دابوي]

وعليكم السلام ورحمة الله وبركاته
الله العالم الويكند هاذا الجو متقلب ما انصحك تطلع بالقارب الاوقات هاذي وقت السبيطي والشعم روح ساحل تناجيب او منيفة بس لازم تروح مع احد رايح من قبل المكان لكثرة المشاريع والشركات هناك وبالتوفيق اخوي

[Mr.Snorkel]

بو عبدالله يعطيك العافية اخوي على المعلومه

طيب لو حبيت اطلع حداق من السيف وين تنصحني والصراحة أنا واللي معي ماقد رحنا تناجيب ودي بمكان نقدر نكشت فيه ونطق خيمتنا ونحدق منه

يعطيك العافيه وما تقصر

[عاشق حداق]

ان شاء الله يفيدونك اهل الخبرة

[ابو حسان اسحق]

مستر سنوركل السلام عليكم والله يا صاحبي نحن في جدة عايشين نفس مشكلتكم نحن نروح البحر يبغى لنا ساعات علشان نلقى مكان مش بطال علشان تعمل سنوركل الله يعيننا ويعينكم تقبل مروري

[سعود بن احمد]

طلعة تخييم + حداق ... أكيد المرتبه الاولى "منيفه "
وبالمرتبه الثانيه " الزبنه "
موفق باذن الله ,,

[نواف911]

مافيه زي روضة خريم