استفسار ياأخوان فديتكم ؟

[حداق الشرقيه]

السلام عليكم اخواني

بما أني على مايقولون عليمي في الصيد عندي سؤالين وهو :

1/ مع الاجواء البارده في المنطقهرالشرقيه هذه الايام هل من السهل الصيد ام ان البروده تبعد السمك عن السيف ؟

2/ الواجهه البحريه في الخبر احد جرب الصيد فيها وتنصحوني اصيد هناك والا لا ؟


والله يرزق الجميع

[emm]

وعليكم السلام ورحمة الله وبركاته
يفيدوك الاخون واهل العلم.

[White_Shark]

وعليكم السلام ورحمة الله وبركاته

بالنسبة للشتاء وبحسب تجاربي الصيد يكون في النهار افضل وبعض الاحيان يكون الصيد وفير ولكن هذا لايعني عدم وجود صيد في الليل ولكن اقل من النهار .. بالنسبة لمنطقة الجبيل الصيد يكون في الاسياف والكورنيشات العميقة مثل كورنيش الفناتير وكورنيش جعيمه برأس تنورة .. وطيبة وجلمودة .. وبالقرب من مخيمات سابك .

وإذا بغيت تصيد في النهار شوف لك كورنيش او بحر عميق وقط خيوطك واطلب من الله الرزق .

[بووحيد]

الصيد في الشتا أحلى في أي وقت في النهار

السمك الكبير تلاقيه طافح قرب الصخر اول الصباح طالما الحرارة أقل من 25 درجة والموج هادئ.

نصيحة : استعمل بلد (ثقل) رقم 1 إلى رقم 2 ولا ترمي ابعد من 20 متر للشعم والقرقفان والهوامير

ونوع بالطعم (اليمة) ، ابدأ بالروبيان والمنشوس الحي او الطازج ، او اللي تشوف الضرب عليه ممتاز

وخلك بعيد عن الازعاج .

والرزق على الله :)

[حداق الشرقيه]

الله يعطيكم العافيه على هالمعلومات

بس ماحد جاوبني عن واجهة الخبر البحريه اذا احد جرب الصيد فيها ؟

[منصور888]

والله يابعدي انا امس اخوي فيها يعلمني يقول والله فية هنود شغالين عليها حداق بطعم دجاج بس وين بالضبط والله مادري لاني سنين ماجيت كورنيش الخبر

[حداق الشرقيه]

تسلم يالغالي لكن طعم الدجاج من وين يجيبونه والا انت تقصد مصران دجاج ؟
ادري زهقتكم بالأسئله لكن تحملوني شوي :D

[accentkool]

فية سمك شتوية وتتتحمل البرودة
زي السبيطيات والشعوم والقرقفان والفسكر
والكنعد والبركودا وغيرهم كثير

[المطيري33]

وعليكم السلام
بالنسبه لشواطي الخبر من الكورنيش لين آخر العزيزيه العشره ايام اللي
فاتت على كثر طلعاتي الصيد ضعيف جدا ولا تقدر تقول الصيد في المكان
هذه افضل من المكان الثاني ودايم وابدا الرزق من عند الله

[goldenrife]

تعال الجبيل ومالك الا العقمان و الهوامير

باذن الله

و الشباب كفوا و وفوا

يعطيهم العافية

[سعود بن احمد]

السلام عليكم ،،

اخوي بالنسبه لي .. ومن وجهة نظري وتجربتي المتواضعه اقول لك الصيد بالليل أكثر ( هذا من واقع تجربتي ) ويمكن اكون غلطان و الله اعلم ..
اما بالنسبه للواجهه البحريه انا مرتين جربت المكان واكبر سمكه صدتها ما تعدت كف اليد ,, في البداية تحمست انواع النقد بس اتضح لي انه سمك صغير يآكل ويمشي ..

عندي مكان كل يومين تقريباً اروح له صار لي مده والله ثم والله ثم والله فيه شي غير طبيعي انواع السمك صدت فيه من شعم وشعري وفسكر وحمام قرقفان و و ولاغرب نادر احصل ناس تصيد بهالمكان ..

اخيراً .. ترقبوا موضوعي بالصور عن هذا المكان العجيب

[baracuda]

ما عندي خبرة كافيه بصراحة اني اقدر احكم
لكن الموضوع اولا واخير رزق من الله سبحانه وتعالى