البليزر طفى فجأة. فزعتكم يالربغ

[خنشلية]

اسعد الله اوقاتكم بكل خير. معي بليزر2005 فجأة طفى وبدون مقدمات. قلت يمكن بنزين جبت وعبيت برضه يدق مافيه فايده. المهم جيت من بكره باشغل ومادق السلف نهائيا ولالمبات ولابوري ولا اي شي حتى المفتاح ورطت ماعرفت اسحبه. ظنكم طرمبة بنزين؟ ولا دينمو
؟ ولابطارية؟ ولاولا ... الخ ويعطيكم الف عافية

[يكفيني نظرة]

الغالب البطاريه هي اللي تطفي الموتر بدون مقدمات حتى لوكانت شبه جديده يكون من مدة الصلاحيه لها منتهيه.

[escape_man]

سو له اشتراك اذا اشتغل فمشكلتك بالبطارية

اذا استمر يدق ولا يشتغل فالبنزين مايوصل وغالبا تكون الطرمبة خربانه

[خنشلية]

يعطيكم الف عافية

[خنشلية]

الغالب البطاريه هي اللي تطفي الموتر بدون مقدمات حتى لوكانت شبه جديده يكون من مدة الصلاحيه لها منتهيه.

طيب يطفى وانت تمشي؟ معقول؟

[sgl2002]

مشكلتك كهرب

[يكفيني نظرة]

طيب يطفى وانت تمشي؟ معقول؟
اذا يطفي وانت تمشي شيك على حساس الهواء هو اللي يطفي وانت تمشي .

[ابوالفهد]

طرمبة بنزين والله العالم

[ls1.5700]

اسعد الله اوقاتكم بكل خير. معي بليزر2005 فجأة طفى وبدون مقدمات. قلت يمكن بنزين جبت وعبيت برضه يدق مافيه فايده. المهم جيت من بكره باشغل ومادق السلف نهائيا ولالمبات ولابوري ولا اي شي حتى المفتاح ورطت ماعرفت اسحبه. ظنكم طرمبة بنزين؟ ولا دينمو
؟ ولابطارية؟ ولاولا ... الخ ويعطيكم الف عافية

هلا بخونا خنشلية

يبدو من كلامك واللي فهمته
انه يوم طفي دقيت سوتش مايدق نهائي يعني كانه مافيه بطاريه
قد تكون المشكله من اصابع البطاريه راخيه او عليها كربون ماتوصل
او البطاريه خربانه او الدينمو مايشحن قد يحتاج تغيير فحمات او ماشابه
سوي لها اشترك وشغل الموتر
اذا اشتغل الموتر فك احد الاصابع والموتر شغال اذا طفى معناته الدنمو خربان
مايشحن واذا ماطفى غير البطاريه
هذي الحركه انا اسويها اختبار مبدئي قبل القياس بالجهاز
هذى بالنسبه لفهمي لمشكلتك على ان الموتر مايدق سلف ولا انوار ولا بوري
اما كانه طفى الموتر وانت ماشي ودقيت سلف لين فضيت البطاريه ولا اشتغل
قد تكون المشكله لها احتمالات كثيره
رد علينا ونفيدك خطوه خطوه
والله الموفق

[خنشلية]

يعطيكم مليون عافية. المشكلة طلعت بنزين مخلص ومع كثر الدقدقه والفليشر ابطى يشتغل فضت البطارية :(