مغزى وكلٍ فككه.............................الحل عين فراش وعين الحاف .......حله الرايق

[ابو ماجد 2]

بسم الله الرحمن الرحيم

السلام عليكم ورحمة الله وبركاته


ياهل المعاني اقلطوا=لغزٍ وميسور الغطو
من راسي ماجبته سطو =والحل منّك يافليح
اللغز عن قولٍ ثبات=اثنين ولاهم بالنبات
في دورهم قامن خوات=لو كان ماهو بالصحيح
قولٍ ولا فيه الككه=مالِحق سامِعه اشككه
مغزى وكلٍ فككه=معناه للسامع يشيح
قولٍ ولا هو بالخفا= فيه الموده والوفا
ان كان سمعك مرهفا=في مسمعه همّك يطيح



تحيتي وتقديري لجميع الزملاء

ابو ماجد - منتديات مكشات

[أبو ذيب 77]

صح لسانك يالزعيم على هالبدع الزين...

وش تقول في مكرفونين الامام والبنات السماعات الدخلية والخارجية في المسجد

دمت سالماً نشيطاً

[ابو ماجد 2]

صح لسانك يالزعيم على هالبدع الزين...

وش تقول في مكرفونين الامام والبنات السماعات الدخلية والخارجية في المسجد

دمت سالماً نشيطاً


صح بدنك يابو ذيب
وصبحك الله بالخير
والبدع والزين في تواصلكم لاعدمناكم
الرمعه مالك لوى يالغالي
تحيتي لك وتقديري

[عطري]

و عليكم السلام و رحمة الله و بركاته
صح لسانك يا الشاعر المخضرم ، و زادك الله من فضله.
يعجبني هذا الطرق من النظم، و لا أعرف اسمه ؟؟؟؟؟
تسجيل حضور، و جاري التفكير ،،،،

[صقر السديرات]

صح لسانك ابو ماجد
نقول الما والسماد اعزك الله
والبنات النبات اذا فز
دمت نجما لامعا

[ذيب الفقارة]

صح لسانك

يمكن :

الأذنين وسماعتي الأذن

[ابوماريا]

صح السانك يابو ماجد وسلم بنانك
وبيض الله وجهك يالغالي

وش قولك
بصح السانك للشاعر

[عطري]

مالك لووووووووى
كل الووووووووووود

[ابو ماجد 2]

و عليكم السلام و رحمة الله و بركاته
صح لسانك يا الشاعر المخضرم ، و زادك الله من فضله.
يعجبني هذا الطرق من النظم، و لا أعرف اسمه ؟؟؟؟؟
تسجيل حضور، و جاري التفكير ،،،،


هلا بالعطر الفواح
صح بدنك يالغالي
وانا والله ماعرف اسمه بس احس انه خفيف وايقاعه سهل
حياك يالغالي وشرفنا تواجدك

[عطري]

كأني بك وصلت ، حمداً لله على السلامة
نلتقي يوم السبت بإذن الله.

[ابو ماجد 2]

صح لسانك

يمكن :

الأذنين وسماعتي الأذن


صح بدنك يالذيب
مالك لوى
ولا تنس كلام ماهو صحيح ولكن مغزاه واضح
كقولهم الجدران لها أذان
كلام غير صحيح ولكن مغزاه يريدك ان تكون حذر ويقض لمن حولك

[ابو ماجد 2]

صح السانك يابو ماجد وسلم بنانك
وبيض الله وجهك يالغالي

وش قولك
بصح السانك للشاعر


هلا بالمثالي
صح بدنك يالغالي
سلمت من الشر
مالك لوى
وشف ردي على ذيب الفقاره

[ابو ماجد 2]

مالك لووووووووى
كل الووووووووووود


هلا بالعطر الفواح
ماااالك لوووووووى
كل الووووووووود
ان كنت تقصد فيها رمعه مالك لوى واوضحت المطلوب بردي على ذيب الفقاره

[ابو ماجد 2]

كأني بك وصلت ، حمداً لله على السلامة
نلتقي يوم السبت بإذن الله.


الله يسلمك من الشر
نراك ان شاء الله السبت الى حينه نستودعك الله

[ابو ماجد 2]

صح لسانك ابو ماجد
نقول الما والسماد اعزك الله
والبنات النبات اذا فز
دمت نجما لامعا

صح بدنك يابو فيصل
شرفنا تواجدك يالغالي
مالك لوى وشف ردي على ذيب الفقاره

[ذيب الفقارة]

يمكن :

العيون شواهد

[ابو ماجد 2]

يمكن :

العيون شواهد

[FONT="Franklin Gothic Medium"][LIST]
[CENTER]مالك لوى يالغالي
في انتظار مرماعك القادم

[ابوماريا]

من اجل عين تكرم مدينة

[ابو ماجد 2]

من اجل عين تكرم مدينة


هلا بك يابو فايز
لايزال طليق يالغالي
ولا تنس اختين يقمن بدور اثنين من باب اظهار الود والوفاء
انتظر مرماعك القادم

[الزعول]

صخ السانك
ابعد عن الداب واشجرته
ابعد عن السر وغني له
من قصرته الداب خاف من الحبل

[ابو ماجد 2]

صخ السانك
ابعد عن الداب واشجرته
ابعد عن السر وغني له
من قصرته الداب خاف من الحبل

صخخخخخخخخخخخخ بدنك يابو زعل
سرقنا تواحدك
الرمغات مالك لوى
اتنطر مرماعك الفادم

[النبهاني]

وعليكم السلام ورحمة الله وبركاته
صح لسانك يازعيم
والله يسعد مساك بالخيرات
رد علي والا
أخلي اذاني واذانك أربع

[ابوماريا]

ان ماشالتك الارض تشيلك عيوني

[ابو ماجد 2]

وعليكم السلام ورحمة الله وبركاته
صح لسانك يازعيم
والله يسعد مساك بالخيرات
رد علي والا
أخلي اذاني واذانك أربع


هلا بك يابو سالم
صح بدنك
ومساك الله بالخير
ههههههه
حلوه ومالك لوى
تصدق ايام ماكنا صغار لاقيلت هالكلمه ترعبنا
ياعنك اننا دمار بالحساب

[ابو ماجد 2]

ان ماشالتك الارض تشيلك عيوني


اتيت بالمعنى ولكن لم تاتي بالمطلوب بالضبط
انتظر القاضيه
لاتنس الثنتين يقمن بدور اثنين

[ال-رايق]

يامرحبا بالزعيم
والله قوّه
-----
وصح لسانك وسلم بنانك
=
عين فراش /مؤنث والدور مذكّر
وعين لحاف/=======
ولك تحياتي

[ابوماريا]

يامرحبا بالزعيم
والله قوّه
-----
وصح لسانك وسلم بنانك
=
عين فراش /مؤنث والدور مذكّر
وعين لحاف/=======
ولك تحياتي

ياسلام عليك يابو مهند
هذي اللي أدور عليها من المغرب

اعتقد انك أصبت الهدف يالغالي

[الخامسي1]

السلام عليكم ورحمة الله وبركاته صباح الأمطار والخيرات
فتحت الجهاز ومريت مكشات اتشوف اخبار الأمطار ولن امر
هذا الصرح دون ان اسلم عليكم واتمنى ان يكون الجميع بخير
تقبلوا تحياتي وان شاء الله قريباً نجد فرصه ونعود لمن نحب
دمتم بخير

[ابو اسامه 2]

وعليكم السلام ورحمة الله وبركاته

صح لسانك زعيمنا الغالي ملايين


وبيض الله وجهك

رمعه

العين ما تعلى على الحاجب


تحياتي لك

[ابو اسامه 2]

السلام عليكم ورحمة الله وبركاته صباح الأمطار والخيرات
فتحت الجهاز ومريت مكشات اتشوف اخبار الأمطار ولن امر
هذا الصرح دون ان اسلم عليكم واتمنى ان يكون الجميع بخير
تقبلوا تحياتي وان شاء الله قريباً نجد فرصه ونعود لمن نحب
دمتم بخير



يا هلا بالغالي

يا هلا بهالطله الرائعه

لك وحشه وان شاء الله نراك في اقرب فرصه

نورت الخيمه يا الغالي

تحياتي وتقديري لك

[ابو ماجد 2]

يامرحبا بالزعيم
والله قوّه
-----
وصح لسانك وسلم بنانك
=
عين فراش /مؤنث والدور مذكّر
وعين لحاف/=======
ولك تحياتي



http://www.hellasmultimedia.com/webimages/anim-htm/images/applause.gif
لله درك يابو مهند
كفووووووو كفووووووووووو كفووووووووو
نعم
عين فراش وعين غطا
صح لسانك ملايين
الاثنين الفراش والغطا والاختين العينين
وهي كناية بالترحيب
بيض الله وجهك يالغالي
وابو فايز قرب ولكن انت اجهزت عليه
لله دركم جميعا

[ابو ماجد 2]

ياسلام عليك يابو مهند
هذي اللي أدور عليها من المغرب

اعتقد انك أصبت الهدف يالغالي

هلا بكم جميعا
والله اني قلت ذبحته بعد مرماعك السابق لكن المرماع احيانا يضيع عن البال
تأييد موفق بوركتما جميعا

[ابو ماجد 2]

السلام عليكم ورحمة الله وبركاته صباح الأمطار والخيرات
فتحت الجهاز ومريت مكشات اتشوف اخبار الأمطار ولن امر
هذا الصرح دون ان اسلم عليكم واتمنى ان يكون الجميع بخير
تقبلوا تحياتي وان شاء الله قريباً نجد فرصه ونعود لمن نحب
دمتم بخير


وعليكم السلام ورحمة الله وبركاته
هلا ومليون هلا
هلا بك يابو نايف
بشر عنك وعن الاولاد وعن العمار اعانك الله عليه
عمارك ياخوي حنا شلنا همه متى يقضي من شان نسعد برؤيتك الله يتمم لك على خير
وافي يابو نايف وعاداتك الوفاء

[ابو ماجد 2]

وعليكم السلام ورحمة الله وبركاته

صح لسانك زعيمنا الغالي ملايين


وبيض الله وجهك

رمعه

العين ما تعلى على الحاجب


تحياتي لك



هلا ومليون هلا
صح بدنك يالغالي
وصاير قطوع
كنا اول نقول الامتحانات لكن هالحين ؟؟؟
لعل المانع خير
والله من حرصنا يالغالي وحبنا لك ومشاركاتك
الحل عند ابو مهند