اعمدة خيمة البيرق

[بن بشر]

السلام عليكم ورحمة الله وبركاته

يا اخوان انا عندي خيمة البيرق 4 * 4 وقدر الله اني فقدت الاعمده بالبر بكامل كيسها ذهبت الى القاضي بالرياض لفرعين الغرابي واللي بطريق الميه قالوا مانبيع الاعمده بحالها لازم خيمه كامله وسألت عند السنيدي قالي مابيع اعمده وشفت واحد عند السنيدي حلف لي انه شاري منهم الاعمده ب 200 ريال وكلمت مدير المعرض قال ابد ولا عندنا اعمده للخيمه هذي شف القاضي وكلمت فرعهم الرئيسي بالدمام قالوا ماعندنا اعمده لانها تجي من برا كذا بكيسها بدون قطع لها احتياطيه تباع لحالها.
في احد يخبرلي اعمده او احد يعرف حداد فاهم وعنده مقاسات الاعمده واكون لكم شاكر وممنون .

[دبسان]

لو تعرف احد عندك عنده خيمه البيرق او من شباب المنتدى يعطيك الاعمده وتفصل مثلها عند اي حداد

ان شاء الله تلاقي حل

[لاتكب البيالة]

هذي مشكلة بالوكيل يعني جايب خيمة ولا تجيب له قطع غيار
لكن مثل ما قال الاخ دبسان فصل تفصيل

[بن بشر]

اخوي دبسان واخوي لا تكب البياله مشكورين وماقصرتوا

[طاوي فراشي]

سجلني معك فقدت اعمدة خيمة البيرق ومحتار وين احصلها..

[web]

اتوقع سهله تفصيلها بس لازم معك اختها عشان تفصل عليها

انا الي عندي 5*5 اذا تنفع خذها وفصل عليها بس اتوقع المقاس يختلف
واذا مالقيت احد روح لنفس المحل وخذ المقاسات مضبوط وخذ الي عندي قل للحداد ابي مثل هذي بس بالمقاسات هاذي والشباب الي هنا فيهم الخير والبركه ان شاء الله تلقى احد هنا عنده 4*4

[طاوي فراشي]

سبحان الله

[slooom755]

موقعك أخوي !؟

[طاوي فراشي]

الرياض--يمكن عندك حل لي ولراعي الموضوع

[سيف الظفير]

الله لا يبارك في بعض الوكلاء اللي على هالشاكلة القذرة من التجارة


اعانك الله ووفقك الرحمن في الحل ,, وتابع معهم يالغالي ولو تراسل الادارة العليا في القاضي

والله ناوي هالاسبوع اشتري البيرق ولكن بعد هالمهزلة منهم الفكرة تغيرت كثير

[بن بشر]

سجلني معك فقدت اعمدة خيمة البيرق ومحتار وين احصلها..


والله مشكله هذي ماخليت مكان مارحت له

[بن بشر]

اتوقع سهله تفصيلها بس لازم معك اختها عشان تفصل عليها

انا الي عندي 5*5 اذا تنفع خذها وفصل عليها بس اتوقع المقاس يختلف
واذا مالقيت احد روح لنفس المحل وخذ المقاسات مضبوط وخذ الي عندي قل للحداد ابي مثل هذي بس بالمقاسات هاذي والشباب الي هنا فيهم الخير والبركه ان شاء الله تلقى احد هنا عنده 4*4

والله ماقصرت كأنك عطتيني اياها بكلمتك هذي بس ماتنفعني افصل عليها المقاس يختلف
وجزاك الله خير يالغالي

[بن بشر]

موقعك أخوي !؟


الرياض يالغالي

[الداهي]

يالغالي انا عندي البيرق ٣ في ٣
أذا تبي تاخذ العمدان تفصل عليها
خذها

[بن بشر]

الله لا يبارك في بعض الوكلاء اللي على هالشاكلة القذرة من التجارة


اعانك الله ووفقك الرحمن في الحل ,, وتابع معهم يالغالي ولو تراسل الادارة العليا في القاضي

والله ناوي هالاسبوع اشتري البيرق ولكن بعد هالمهزلة منهم الفكرة تغيرت كثير



الخيمه وانا اخوك ماعليها كلام ممتازه جدا بس لو قدر الله انها مع المطبات طاحت من السياره او نسيتها تحت شجره والله تبي تتبهذل لان ماخليت مكان مادورتها فيه القاضي نفسه رفض يوفرها لي تم الاتصال بجميع فروعهم بالمملكه ماخليت فرع ماكلمته واخر شي كلمة المدير العام حق الشركه بالدمام قلتله حتى لو طلبيه ومستعد انتظر بس رفض يقولي مانبيع الاعمده لحالها والمشكله انها مستورده رفضوا يعطوني حتى اسم الوكيل بالصين عشان اراسلهم

[بن بشر]

يالغالي انا عندي البيرق ٣ في ٣
أذا تبي تاخذ العمدان تفصل عليها
خذها

ماقصرت يالغالي المقاس يختلف اللي عندي 4 * 4

[اصيل نجد]

خلاص فكني الله صرفت نظر ناوي هاليومين اروح للقاضي والان بعد مشكلتك ياخوي بطلت ماعاد اتعامل معهم لانهم يلون الذراع بالطريقه هاذي لكن علاجهم وامثالهم تركهم واشوف احد يامن قطع غيار وانت الله يخلف عليك

[شاهين2]

كنت افكر اخذ البيرق بس هالشغله مصيبه من استغلال الوكيل وعدم توفير قطع الغيار
الله المستعان

[rfhhmad0029]

اخوي الامر بسيط لتوليف البديل رح محلات السباكه وخذ مواصير ماء بنفس اطوال مواصير الخيمه ورح عند حقين مكابس ليات الهيدروليك وإكبس اطراف المواصير لكي تدخل ببعضها والمجموعه الي يجتمع فيها مواصير الزوايا ممكن تلحيمها امر بسيط ولا تحتار وإذا تقول مواصير السباكه ثقيله خذ مواصير المنيوم ةالسلا عليكم

[ابوجود3553]

السلام عليكم
الأمر سهل وسهل جداً
ويمكن خيرة لك
لأن واحد من الشباب فصل مواصير آلمنيوم عشان تكون خفيفة
واستعملها
عليك ان تبحث عن مواصير 4*4 عشان تفصل عليها
اي استفسار راسلني ع الخاص

[طاوي فراشي]

أبشركم حصلت اعمدة خيمة البيرق ولله الحمد..

اتصلت على كل فروع القاضي وعلى المصنع وتواصلت مع نائب المدير العام...لكن الذي أفادني وساعدني مسؤول فرع تبوك الله يعطيه العافيه ونعم الرجل اتصلت عليه وقلت أبغى اعمدة قال موجودة قلت انا بالرياض قال ولا يهمك أدبرك بالرياض واتصل هو بنفسه على المستودع اللي بالرياض وقالو موجودة وأعطاني رقم العامل اللي بالمستودعات ورحت اليوم وأخذتها منه..
كل الفروع قالو اصلا مايجي اعمدة الا مع الخيمة فقط!!!!!
فرع مخرج 15 كلمته عدة مرات يقول ما فيه والمستودع جنبه!!!!!!


للفائدة
ليس كل موظف لديه ولاء للمنظومة التي يعمل فيها...


رقم مسؤول فرع تبوك الاخ خالد بارك الله فيه0556450026




هذا للفائدة وخدمة إخواني في مكشات ..

[بريق الحسام]

لا ياخوي ماهو عدم ولاء العمال!!! لكن الفديحة على النتوتي والسمعة غالية والمكشاتيين مايرحمون واعفاكم

[خاطف الأعضاء]

انا عندي ورشة حداده وكنت ناوي افزعلك بس دامك حصلت اعمده الحمدلله