ماهي سبب الفضخه

[majd]

يا اخوان ما سبب الفضخه(عطسه) في الشاص عندما تمشي بسرعه وتبدل الغيارمن الثاني الى الثالث وتدعس على البنزين ثم يحدث صوت مع قطعه خفيفه واذا كان ممشاي عادي
كأنه لايوجدمشكله -الموديل 2011
غيرت البواجي والصفايه وفلترالهواء وحولته على التانكي الاحتياط وصبيت بالتانكي منظف البخاخ ولا فيه فايده- وجزاكم الله خير

[يكفيني نظرة]

نظف اللهاث البوابه ويضبط بإذن الله.

[majd]

نظف اللهاث البوابه ويضبط بإذن الله.
مشكور اخي على مرورك
اخي تم تنظيف الثروتل ومازالت المشكله
ارجومن الي حدث معه مثل المشكله يخبرني هل وجد حل لها؟

[sgl2002]

والله ياخوك كم واحد سأل عن هذي المشكلة بالمنتدى في الشاصات من ٢٠١٠ وفوق ومع ذلك ما احد جاب لنا الخبر حتى الان

[majd]

والله ياخوك كم واحد سأل عن هذي المشكلة بالمنتدى في الشاصات من ٢٠١٠ وفوق ومع ذلك ما احد جاب لنا الخبر حتى الان
شكرا اخي على مرورك
والله ياخي ضيقت صدري بعض المرات والله اني اتفشل في الشارع احس ان كل الي بالشارع يحسبني اني مسويهاحركه

[الا سير]

تعرف ان المشكلة هذي جنتني
غيرت الصفايه نظفت حساس الهواء
غيرت الفلتر نظفت الثروتل
مانفع فيه اي شيئ
فيه كهربائي يقول لازم تفك البخاخات
وتنظفها بالجهاز الطريقه هذي لسا ماجربتها
الموتر شاص 2010

[majd]

والا الان وانااعاني من المشكله والان زاده عندما ارفع رجلي عن الكلتش واظغط البنزين يرمي رميتين متتاليات مع تنتيع
انتظرمن اعضاء مكشات المحترمين الحل

[majd]

مازالت المشكله لم نجدلهاحل
ارجومن الي مرت عليه وجدلها حل يذكرها لي الله يجزاه خير

[المسافر 44]

اذا كان الكلام عن الفرقعه والصوت القوي الي يجي احيانا بين التبديلات اذا زريت على المكينه فالمشكله كهرباء وهذا اكيد ومن علبة الديلكو بالذات

قديما يوم كانت السيارات فيها بلاتين تذكرونه اذا صارت هذي المشكله اما ننضفه او نغيره وتروح المشكله

عاد الحين مدري ايش الي يتغير في الديلكو الالكتروني

[بن الزايد]

1-قزوز او مشعب مثل
http://images.wrenchead.com/smartpages/partinfo_resize/DRE/674-225-007.jpg
في هذي صوره توضح شرخ في مشعب قزوز

2-يوجد بلف او حساس مركب عليه اسلاك وليات تشوفه في نهايه طرفيه للبخاخ يقوم بعمل سحب البنزين زايد ويرده لغرفة الاحتراق في غير توقيت سليم مما ينتج فيضان غرفة الحتراق
غيره بيكون امرك انحل

[majd]

الله يجزاك خير على تفاعلك الطيب
ابي اشوفه هل هوموجود زي هذا

انا عندما امشي بسرعه واعشق القيرمن اثنين الى ثالث وادعس على البنزين يفقع مع نتعه
وبعدين عادي مافيه مشكله ولا تجي الايهديت ثم اعت التعشيق من جديد ولاتحدث الا بين النمرتين
الاول والثاني والثالث

(المكينه زيي مكينه الجي اكس v6 )

[بن الزايد]

الله يجزاك خير على تفاعلك الطيب
ابي اشوفه هل هوموجود زي هذا

انا عندما امشي بسرعه واعشق القيرمن اثنين الى ثالث وادعس على البنزين يفقع مع نتعه
وبعدين عادي مافيه مشكله ولا تجي الايهديت ثم اعت التعشيق من جديد ولاتحدث الا بين النمرتين
الاول والثاني والثالث

(المكينه زيي مكينه الجي اكس v6 )

تاكد من
2-يوجد بلف او حساس مركب عليه اسلاك وليات تشوفه في نهايه طرفيه للبخاخ يقوم بعمل سحب البنزين زايد ويرده لغرفة الاحتراق في غير توقيت سليم مما ينتج فيضان غرفة الحتراق
غيره او نظفه اذا انه شغال عطني خبر بيكون امرك انحل

[مركز حراره]

هذي الدعسه الالكترونيه كلهن كذى جرب واحد مثله

[أب رحي]

السلام عليكم ورحمة الله وبركاته


أخي العزيز تأكد من الشخال
لنك اذا فكيت الشخال وركبت بداله ماصوره او فكيت الشخال وفرغته
يحدث لك اللذي ذكرته...
او تأكد من الشكمان كامل من البداية من المكينة للكنداسة الاخيره...
هذا والله أعلم...

تقبل مروري.