فطور ورحلة مع الشيف الصغير الابن عبدالله

[أبو فراس]

http://www.mekshat.com/pix/upload02/images73/mk17809_salamalikoom.jpg


رحلة صباحية وفطور مع الشيف عبدالله

بعد صلاة فجر يوم الاثنين ثاني ايام سهيل كان الجو باردا نسبياً فطلب منى الابن عبدالله الذهاب الى البر لعلمه بحبي للرحلات البرية السريعة فوافقته على شرط ان يكون فطورنا من يده الصغيرة (13سنة) فوافق فاخذنا لحما من المنزل وبصل وطماط اما باقي الاغراض فهي في العزبة التي لا تغادر الجيب الا للتنظيف فقط :p

فكان متحمسا جدا وذهبا الى احد المسطحات الخضراء وفلينا حجاجنا :p


وكان فطورنا حميس او مقلقل سموه انتم اللي تبون والطبخ في القدر الكاتم


وإليكم إخوتي الصور :


(1)
http://www.mekshat.com/pix/upload02/images80/mk17809_jenersheef (1).jpg


(2)
http://www.mekshat.com/pix/upload02/images80/mk17809_jenersheef (2).jpg


(3)
http://www.mekshat.com/pix/upload02/images80/mk17809_jenersheef (3).jpg


(4)
http://www.mekshat.com/pix/upload02/images80/mk17809_jenersheef (4).jpg
والشاهي ضروري للفطور


(5)
http://www.mekshat.com/pix/upload02/images80/mk17809_jenersheef (5).jpg
والتقديم وبالهنا والشفا



والسلام عليكم ورحمة الله وبركاته .


أخوكم (( أبو فراس ))

[دواس ظلمه]

هنيئا" مريئا" أخي أبو فراس ولكن أين هذا الربيع ما شاء الله؟؟؟

[كبريت]

مشالله تبارك الله

طلعة موفقه

والله يحفظه لك من عين الحسود ويخليه ذخر لك

آميييييييييييييين

---------
الا على الطاري وين من زمان عن مشاركاتك اشتقنالك يابوفراس

[مسافر1]

خوش فطور .. والله ياأبو فراس ..
ليتك عزمتنا ..
لكن تقول للبر شكل المحل ثيل ... ماهو ربيع ..

[الهلالي]

بسم الله الرحمن الرحيم

ما شاء الله تبارك الله هذا الشبل ( عبودي ) من ذاك الأسد و من شابه أباه فما ظلم وباين عليه طير بر.
الله لايضره وتقر به عينا والديه.

[أبو فراس]

السلام عليكم ورحمة الله وبركاته

فكان متحمسا جدا وذهبا الى احد المسطحات الخضراء وفلينا حجاجنا

المهم عنده اننا نطلع من البيت علشان وحنا جايين يسوق الجيب كالعادة

[منتعش]

الله يوفقكم
ويحفظ ولدك
ويقر عينيك بصلاحة
وآكله هنية ميه ... ميه

[الشاقي]

علة بالعافية

[من نجد]

مشالله تبارك الله

والله يحفظه لك من عين الحسود ويخليه ذخر لك فطور العافية

[أبو فراس]

السلام عليكم ورحمة الله وبركاته

اخواني الشاق ومن نجد

حياكم الله وجزاكم الله خير على دعواتكم

اخوي خيال الغلبا

هالحين جا وقت شرهتي عليك

ما دام عندك رقم جوالي ورا ما اتصلت علي وخليتنا نقوم بالواجب ونفرح بك

عطنا سبب مقنع وبسرعة قبل الموسم

سلامي للجميع

[أبوأحمد98]

مشاء الله
هذا الشبل من هذا الاسد
الله يصلحه
وعليكم بالعافيه هالحميسه

[قناص بغداد1]

مشكور على المشاركه
واللهم احفظ الابن عبدالله لابيه
والله الموفق

[الضاري]

ياولد كثروا شيبان المنتدى

مادام الولد هالكبر ( الله يستر عليه ويحفظه )

أجل كم عمر الابو

لاتزعل يابوفراس ودنا نمزح شوي

الله يستر عليكم جميعا ويحفظكم من كل شر

[وجهة نظر]

اولاً/ ماشاء الله لاقوة الابالله .
ثانياً / يالضاري سجل عندك واحد من الشيبان بالمنتدي.

[أبو فراس]

السلام عليكم ورحمة الله وبركاته

يالضاري لا ما زعلت ولعلمك تراي بعد صرت جد من السنة الماضية

[خيال الغلبا]

عميدنا ابو فراس
السبب عندي موجود ومقنع ايضا
ولكن مااستطيع ذكره الآن .. حتى تروح آثار الخوف والروعه
ويرجع الي توازني ثم ابين لك السبب ان شاء الله

[الفياض***]

الله يخليه لك ويصلحه
ومشاركة رائعه

[الرماي]

ماشاء الله
الله يباركلك فيه ويفرحك بصلاحه


وبالعافيه

[أبو فراس]

السلام عليكم ورحمة الله وبركات

اخوي خيال الغلبا

متى ما هديت ان شاء الله ترا انتظر منك مكالمة

لازم لازم لازم


اخوي الفياض

امين وجزاك الله خير ولك بمثل


اخوي الرماي

امين وجزاك الله خير ولك بمثل


.

[kaaaatm]

علمنا عن المكان وانا اقول شله ثيييييييييييييييييييييييييييييييييييييييل

[ابو درع]

مشاء الله

اقول كان عبدالله صغير اجل انا وش اصير

مافيه فرق بيني وبين عبدالله لا كم اشعره بيضا في الوجنتين واسفل الركبتين

والله يخليلك عبود

[صقر]

أكيد تنازلت عن الكاتم الكبير علشان يركب معك عبدالله .

خطوة جميلة أن تأخد معك أبناءك ، وهذا مهم لتعليمهم طرق التعامل مع الكشتات .

الله يخليه لك ويصلحه ويقر عين والديه فيه.

وبارك الله فيك.

[أبو فراس]

السلام عليكم ورحمة الله وبركاته

ااااااااااااااااااااااااااااهه يالكاتم

خلاص نتوب مانسوي مقلقل بالكاتم

ولكن تراي مافهمت وش المقصود



اخوي ابو درع

الله يخلي الصبغ والا كان تشوف ناس واجد ماينزلون صورهم

ما ادري يمكن انهم من انصار التعدد

ورا ماتصبغ هالشعرتين وتريح بالك


مشرفنا الغالي ابو احمد

الكاتم اذا بغيت القاله محل

ولكن وتد جحا وين اوديه ( هذي مهب لك خله لراعي الخيمة وماعون السلطة )

شكري للجميع واسف على تأخري بالردود

.

[شـهـاب]

ماشاء الله تبارك الله


الله يقر عينك بعبدالله وبقية الابناء

----

اخوي الضاري انا اقول لهي زوجوني ابي وليدي يطلع معي للبر
يقولون انت توك اصبر تخرج من الكليه

هههههههههههههههههههههههههههه

لكن اذا بغا يطلع ابوي للبر ابي امسكه واطلع معه واصوره هههه

[الكهف1]

احسنت ابو فراس
تعليم الاولاد شي كبير جدا جدا ينشي فيهم الثقة
وترى الابن اهم شي عندة اظهار الرجولة او القدرة امام الاب بشكل كبير
الله يحفضة لك ومن اولاد السؤ
شكلك في كرنيش الدمام او الخبر
ههههههههههههههههه

[أبو فراس]

السلام عليكم ورحمة الله وبركاته

اخوي شهاب

ان شاء الله يسمح لك ابوك تطلع معه علشان تسوق السيارة مثل ما سوا معي الشيف الصغير

اخوي الكهف1

فعلا بهذا السن يجب ان نكسب حماسهم ونعلمهم كيف التصرف

ولعلمك كان فطورنا على الثيل ( المسطحات الخضراء ) جنوب غرب عنيزة وهو مكان رائع خاصة في الصباح الباكر


.

[مهراس]

السلام عليكم ورحمة الله وبركاته

تعلم يابو فراس من الشيف عبدالله تقطع اللحم صغار عشان يسهلن للمضغ والهضم ماهو مثل يوم طلعة الخميس على جال الرمه قطعتوا اللحم هراديم كبار (خخخخخخ )، الله يحفظلك عبدالله ويوفقه، ويكفيه شر السيارات.

أبو فهد

[azozy]

مشالله تبارك الله

والله يحفظه لك من عين الحسود ويخليه ذخر لك

وبالهنا والشفا

[ولد المزاحمية]

ما شاء الله طلعة مباركة ان شاء الله

[البرويه]

مشالله تبارك الله

والله يحفظه لك من عين الحسود ويخليه ذخر لك

وبالهنا والشفا

[المكحل/ابو]

يابو فراس
الله يخليلك اولادك
والله يهنيك بالطبخة

صحيح من الضروري ان الواحد يخلي بعض الرحلات خاصة لااودة
منها منافع كثيرة .
معرفة الولد بامور الرجال
تغييير الروتين اليوفي من البيت
تخشين الاولاد عن النعومة الزائدة
اللهم ادم الشمل لعائلتك

[الشبكة 6]

ماشاء الله على هالحميس

بالهناء والعافية ... وياليت اني كنت معكم ياشباب


سلاااااااااام

[اول 111]

مشكوووووووووووووووووووووووووووووووووووووووووووور

[ابو صعب]

بيض الله وجهك ***

[مداوي جروحي]

بسم الله الرحمن الرحيم

ما شاء الله تبارك الله هذا الشبل ( عبودي ) من ذاك الأسد و من شابه أباه فما ظلم وباين عليه طير بر.
الله لايضره وتقر به عينا والديه.
المرة الجاية تعزمني ياعبودي

[النهاوي]

الله يهنيكم ويحفظ لك عبدالله يارب
ما شاء الله عيك سلم على التربية ولكن توه صغير على قيادة الجيب

[العبد الفقير]

ماشاء الله بارك الله فيه وحفظهواكثر من امثاله

[الخادم]

اخوي
الله يهديك انا نائم بالشجرة جنبكم و راك ماقومتني اكل معكم
عليكم بالعافية

[أبو نواف هاشم]

والله حظك ياليتنا معك

[ابو النادر]

مشالله تبارك الله

والله يحفظه لك

[ابو الشباب3]

بالـــــــــــــــــــــــــــــــــــــــــــــعـ ــــــــــــــــــــافــــــــــــــــــــــــــــ ــــــــــيـــــــــــــــــــــــــــــــــه

[القطاوي 2008]

الله يوفقكم
ويحفظ ولدك
ويقر عينيك بصلاحة

[يحيي بن حمد]

الله يصلح .............. ما شاء الله

[قشاع الرمث]

السلام عليكم ورحمة الله وبركاته

الله يصلحه .


ويازين الربيع .

[كن كن]

يعطيك العافية

[راعي الصطحه]

بالعافيه ونتظر القادم


وتقبلوا تحياتي

[الشمالي 2004]

انا مشكلتي ماادخل القسم هذا الا وانا جيعان هههههههههههههههههههه
الف الف عافيه ياابو فراس على الموضوع والله يحفظ ولدك ويوفقه .
تحياتي ..

[ابو صعب]

الله يوفقكم
ويحفظ ولدك

[الوافي4482]

الله يعطيك العافيه والله يخليه لك

[أبوالوليد2008]

ماشالله تبارك الله

طلعة موفقه

[طابوز]

يعطيك العافية يالغالي

[دهران]

الأخ الغالي / أبو فراس .


:good: :good: :good: :good: :good:


http://www.mekshat.com/pix/upload02/images79/mk17809_1000shoker.gif


الله يخليك لعبد الله وإخوانه ويخليهم لك إن شاء الله .


ننتظر المزيد من إبداعاتكم .


وتقبل أعذب وأرق تحية .

[الجندي2005]

ما شاءالله ،،،،،،،،،،،،،،،،،،،،،،،،،،،،،،

[هدير الموج]

تسلم يدك على الفطور والله يحفظك ويحفظ الشيف عبدالله

[no fear 78]

هذا شبل من ذاك الأسد

الله ايخيله لك و تسلم يده على هل الطبخه

مرسي شف

[سيف الظفير]

ابو فراس سلمني على هذا الذيب

عساك تشوف نفعه بإذن الله

ويسلم راسك يالذيب على هالطبع الزين


راعي عزوم


ما تعقد الامور مثل بعض الناس

[الوافي.]

الساعة تسعة صباحا وش تقول يالواحد وانت تشوف هالزين بالصحن قدامك ومزينه ولدك بعد

يا عله مدخوله العافية ويرزقك بر ولدك عبودي

[ابولو2]

الله يعطيك الف عافيه