أفيدوني بخصوص الشنبر ..

[ددسن مسدرك]

السلام عليكم ورحمة الله و بركاته

مساكم الله بالخير يا أعضاء مكشات المتألقين..

الحمد لله على الأمطار والسيول و أسأل الله أن يبارك فيها و يرزقنا من خيره جل و علا..

نبدأ في المشكلة ..
طبعاً أنا عندي مكينة سدرك راكبة على ددسن و كان يوجد بها حرارة عالية و تم التخلص بحمد الله من هالحراره بمسح الرؤوس و لكن ظهرت مشكلة الشنبر بعد مسح الرؤوس و هو تبخير الزيت بشكل كبير من الشكمان لدرجة أني كل يوم أو يومين أزيده من علبة إلى علبتين أو ثلاث بعض الأحيان ..

السؤال الأول/ هل يوجد حل لهذا التبخير الزائد دون تغيير الشنبر ؟؟
السؤال الثاني/ لماذا ظهر التبخير الزائد بعد مسح الرؤوس ؟؟

أتحفوني بخبراتكم و آرائكم ..
و جزاكم الله عني خيراً ..

[ls1.5700]

هلا بخونا المسدرك

السؤل الاول لايوجد حل غير التظيب والله يعينك
السؤل الثاني بسبة الحراره الزايده اثرت على الشنابر
الحراره هي عدو المحرك الادود

[دحيم الفزعة]

السلام عليكم ورحمة الله

ردي هذا مجرد تخمين وتحليل من راسي
انت مسحت الروس واحتمال انك زايد المسح ولا ادري انت مدبل وجه الراس أو لا
صارت غرفة الاحتراق صغيره والضغط عالي
والشنابر من الأساس ضعيفه فصار عندك نقص للزيت بسبب الضغط العالي بعد مسح الراس


الحل وهو تخمين
تتأكد أن وجه الراس مدبل وتغيير شنبر


ودمت بود ====

[ابوراكان تبوك]

عندك من الاساس ضعف شنبر وبين زياده بعد مسح الراس

[ددسن مسدرك]

هلا بخونا المسدرك

السؤل الاول لايوجد حل غير التظيب والله يعينك
السؤل الثاني بسبة الحراره الزايده اثرت على الشنابر
الحراره هي عدو المحرك الادود

الله يجزاك خير يا بعدي
أنا عارف أنه لازم توضيب و تغيير شنبر بس قلت يمكن فيه حل ثاني أو شي
أصلا أنا ما فيه أمل أوضب مكينة السدرك لأن قيمة توضيبها قيمة مكينة ثانية ..

[ددسن مسدرك]

السلام عليكم ورحمة الله

ردي هذا مجرد تخمين وتحليل من راسي
انت مسحت الروس واحتمال انك زايد المسح ولا ادري انت مدبل وجه الراس أو لا
صارت غرفة الاحتراق صغيره والضغط عالي
والشنابر من الأساس ضعيفه فصار عندك نقص للزيت بسبب الضغط العالي بعد مسح الراس


الحل وهو تخمين
تتأكد أن وجه الراس مدبل وتغيير شنبر


ودمت بود ====

هلا بالحبايب
تخمين اجل هههههه الله يسعدك
بالنسبة لوجه الراس ماهو مدبل

جزيت خيراً

[ددسن مسدرك]

عندك من الاساس ضعف شنبر وبين زياده بعد مسح الراس

نعم أحسنت فيه ضعف من أول و كان يبخر و لكن ما يبخر إلا في السرعات العالية من 180 و فوق و اللي يمشي وراي يشوف التبخير على سرعة 180 و فوق لكن مهب كثير و يعني مثلا كل 500 كيلو نص علبة زيت ..

بارك الله فيك

[وجعين]

والله ونا خوك مثل ما قالك ابوركان الحراره العاليه لعبت بشنبر ورتخى وصار الشنبر ما يسد فراغ السلندر وكذا يطلع الزيت عدال مع الشكمان حسب خبرتي المتواضعه لازم تشنبره تعميره على ما قالو اخونا المصريين .ددسن مسدرك تذكر مواسي الطعوس::D

[دحيم الفزعة]

هلا بالحبايب
تخمين اجل هههههه الله يسعدك
بالنسبة لوجه الراس ماهو مدبل

جزيت خيراً



بسم الله علي


مثل ما قلت لك بردي الأول
عندك ضعف بالشنبر من أول + ما دبلت وجه الراس+ بعد المسح يزيد الضغط وينقص زيت بزياده


مدري أحس عندك علم بس جاي تطقطق
هههههههههههه

[ددسن مسدرك]

والله ونا خوك مثل ما قالك ابوركان الحراره العاليه لعبت بشنبر ورتخى وصار الشنبر ما يسد فراغ السلندر وكذا يطلع الزيت عدال مع الشكمان حسب خبرتي المتواضعه لازم تشنبره تعميره على ما قالو اخونا المصريين .ددسن مسدرك تذكر مواسي الطعوس::D

لا والله ما أذكره .. منهو ذا ؟؟

[ددسن مسدرك]

بسم الله علي


مثل ما قلت لك بردي الأول
عندك ضعف بالشنبر من أول + ما دبلت وجه الراس+ بعد المسح يزيد الضغط وينقص زيت بزياده


مدري أحس عندك علم بس جاي تطقطق
هههههههههههه

ههههههههه ايه عندي علم و عارف كل اللي تقولونه من قبل لكن حبيت أشوف إذا كان فيه حل آخر والا لا و بس ..

[mekshaat]

شكلك ماتبي توضب ولاتغير المكينه
تخاف الوضع مايضبط وتبي حل ثاني
اذا أنت بالرياض برسل لك على الخاص
وصف محل عنده ماده مرممه للشنبر
والبساتم تسوي طبقه تعوض التآكل
مع ان مكينتك رايحه فيها لكن راح
تعطيك تحسن وفي نفس الوقت توقف
التدهور مايزيد وسبق اني جربتها .

[ددسن مسدرك]

شكلك ماتبي توضب ولاتغير المكينه
تخاف الوضع مايضبط وتبي حل ثاني
اذا أنت بالرياض برسل لك على الخاص
وصف محل عنده ماده مرممه للشنبر
والبساتم تسوي طبقه تعوض التآكل
مع ان مكينتك رايحه فيها لكن راح
تعطيك تحسن وفي نفس الوقت توقف
التدهور مايزيد وسبق اني جربتها .

أوكي ارسلي رقمه أو وصفه الله يعطيك العافية