مشكلة في الربع جميع الورش ماعرفوها

[ع ــقــاب]

السلام عليكم ورحمة الله وبركاتة .

انا عندي جيب ربع 2008 وفيه مشكلة ماتركت ورشة الا ورحت لها وكل واحد يرسلني لورشة ثانية حتى فحص الكمبيوتر قال مانقدر نفيدك بسبب عدم ظهور لمبة المكينة ,
المشكلة هي ضهور دخاان اسوود وكثييف الدخاان يطلع فقط اذا كانت السيارة في طريق انحدار يعني في " عقبة " , اما اذا كنت امشي في خط مستقيم فلا يظهر الدخان نهائيا حتى عند تشغيل السيارة ودعس البنزين بقوة لا يظهر الدخاان . المكينة صافية ولا فيها اي تكتيم او تقطيع .

اتمنى من اصحاب الخبرة افادتي ولكم جزيل الشكر .

[kshtat999]

جربت تغير البواجي وكم لك ماغيرتها وهل هي اصليه

[SGL]

على مااعتقد ان البنزين يجيه زياده يوم تدحدر ﻻكن تاكد من الطرنبة والصفاية والديلكو

[ع ــقــاب]

جربت تغير البواجي وكم لك ماغيرتها وهل هي اصليه


بيض الله وجهك على المرور , بالنسبة للبواجي البواجي لها يمكن سنة ماغيرتها لكن السيارة عزمها ممتاز ولايوجد اي تكتيم او تقطيع

[ع ــقــاب]

على مااعتقد ان البنزين يجيه زياده يوم تدحدر ﻻكن تاكد من الطرنبة والصفاية والديلكو

بيض الله وجهك , نبي نشوف لها وعسى الله ييسر ويعين

[وجعين]

البواجي دام الموتر مايقطع وصافي لازريته بنمره لاتغيره حتى لو له سنتين والله المشكله غريبه وهي على ماقال اخونا sgl انه يجيه بنزيم زياده مثل مشكله الباترولا الدخان الاسود زياده بنزيم طيب جربت تنضف الثريول بخاخ ابوجمل تفك القربه وتفضي كامل اللعبه جرب ان فاد ماضر

[ابوراكان تبوك]

بلف الحراره اتوقع هو السبب لأن في الانحدار تقل درجة الحراره

اذكر الجيوب الكربريتر تحدث نفس المشكلة اذا شلت بلف الحراره

والبواجي ايضاً تلعب دور

[ع ــقــاب]

البواجي دام الموتر مايقطع وصافي لازريته بنمره لاتغيره حتى لو له سنتين والله المشكله غريبه وهي على ماقال اخونا sgl انه يجيه بنزيم زياده مثل مشكله الباترولا الدخان الاسود زياده بنزيم طيب جربت تنضف الثريول بخاخ ابوجمل تفك القربه وتفضي كامل اللعبه جرب ان فاد ماضر


جزاك الله خير , وان شاء الله ناوي انظف الثروتل بدي يوم السبت وان شاء الله تتصلح الامور

[ع ــقــاب]

بلف الحراره اتوقع هو السبب لأن في الانحدار تقل درجة الحراره

اذكر الجيوب الكربريتر تحدث نفس المشكلة اذا شلت بلف الحراره

والبواجي ايضاً تلعب دور


الله يعطيك العافية على المرور والمشاركة

[ماء نوفا]

تاكد من تانكي البنزين من اﻷوساخ

[أبوعبدالله566]

السلام عليكم ورحمة الله وبركاته
هذا واحد من اخوياي صار معه نفس الشي معه باترول فتك 2010 طلع معبي بنزين مغشوش معه زيت أو ان طرمبة المحطة تهرب زيت
المهم تأكد من نظافة البنزين اللي توصل للمكينة
وتقبل مروري بصدر رحب
وشكرا

[مدهوش]

كان الله في عونك يا عقاب والله يسهل امرك وعموما لا تستغرب من بعض الردود لو تصبر شوي بيدخل الحين واحد ويقولك تأكد من مسامير الصدام الخلفي يمكن فيهن صداء .

يا اخوان انا استغرب من اللي يدخل الموضوع ويقراء وبكل بساطه يحط كلمتين ويفتي ويتوكل على الله ولا يعرف وش بيكون رد فعل صاحب الموضوع او شعوره !!!! طيب انا بسالكم شخص معه جيب (اخو الجديد) موديله 2008 وفيه المشكلة المذكورة هل تتوقعون انه ما غير بواجي ؟ هل تتوقعون انه ما فكر فيها اقل شي ؟ هل تتوقعون انه ما فكر بأن تانكي البانزين يحتاج تنظيف او الطرمبه تحتاج تغيير الخ الخ الخ الخ .......!

الرجال حط العنوان عنده مشكلة ويبي لها حل من شخص (محترف) او شخص سبق وان مرت عليه (نفس المشكلة بالضبظ) عشان يختصر وقته ويقلل خسايره اللي خسرها على التخبطات وعدم التشخيص الجيد كل واحد يقوله غير هذا وغير هذا يمكن من هذا ويمكن من ذاك ....
عموما انا من باب النصيحه اقول هالكلام وقبل ما احد يقول وش اللي محرق رزك ودي تحطون انفسكم مكان صاحب الموضوع فالله يرحم والدينا ووالديكم اللي ما عنده حل ويجزم انه صحيح لا يكتب شي ويكتفي بالدعاء له بتسهيل مشكلته.

بخصوص حذفتي من المنتدى مبطي وانا احتريها لكن متحملينني شوي الإدارة مدري ليش :D

[ls1.5700]

هلا بخونا عقاب
والله مشكلتك اشبه بالغز
واول مره تمر علينا المشكله هذي
لاكن من الواضح ان موترك يغرق يعني يجيه بانزين اكثر من المطلوب
واتوقع بنسبة 70 % بأن المشكله متعلقه بالبخاخات 00000
او انك مغير بكهرباء الموتر يعني مركب كمبيوتر رياضي او لاهاة انفنتي
او بخاخات تعديل 000 او مركب كامات
نرجو التوضيح اذا على الموتر تعديل

[المستحيل277]

بيعه ماعاد يصلح ههههههههه طبيعي استخدم بنزين 95

[SGL]

حنا ماقناله غير قناله شيك ولا الخراب مايطلعه افحلها واحد ثاني شي ليش انت ماقلتله غير الكفر ويعقاب دامنه ماتجيك الا اوقات طلوعك عقم ونازل من عقم وعلى خط مايحتاج طنش

[ابوسند9]

اخوي
شيك على اللهات

[باوزير]

على ارتفاع كم العقبة يمكن انه من ارتفاع العقبة يخف كثافة الهواء فما يحترق البترول مضبوط فيخرج الهواء من الشكمان اسود لعدم الاحتراق التام

[kshtat999]

كان الله في عونك يا عقاب والله يسهل امرك وعموما لا تستغرب من بعض الردود لو تصبر شوي بيدخل الحين واحد ويقولك تأكد من مسامير الصدام الخلفي يمكن فيهن صداء .

يا اخوان انا استغرب من اللي يدخل الموضوع ويقراء وبكل بساطه يحط كلمتين ويفتي ويتوكل على الله ولا يعرف وش بيكون رد فعل صاحب الموضوع او شعوره !!!! طيب انا بسالكم شخص معه جيب (اخو الجديد) موديله 2008 وفيه المشكلة المذكورة هل تتوقعون انه ما غير بواجي ؟ هل تتوقعون انه ما فكر فيها اقل شي ؟ هل تتوقعون انه ما فكر بأن تانكي البانزين يحتاج تنظيف او الطرمبه تحتاج تغيير الخ الخ الخ الخ .......!

الرجال حط العنوان عنده مشكلة ويبي لها حل من شخص (محترف) او شخص سبق وان مرت عليه (نفس المشكلة بالضبظ) عشان يختصر وقته ويقلل خسايره اللي خسرها على التخبطات وعدم التشخيص الجيد كل واحد يقوله غير هذا وغير هذا يمكن من هذا ويمكن من ذاك ....
عموما انا من باب النصيحه اقول هالكلام وقبل ما احد يقول وش اللي محرق رزك ودي تحطون انفسكم مكان صاحب الموضوع فالله يرحم والدينا ووالديكم اللي ما عنده حل ويجزم انه صحيح لا يكتب شي ويكتفي بالدعاء له بتسهيل مشكلته.

بخصوص حذفتي من المنتدى مبطي وانا احتريها لكن متحملينني شوي الإدارة مدري ليش :D
ياليتك جب الحل بدل ماتمنعنا من محاوله الافاده لاخونا وما اضن احد بيتكلم الا عن تجربه وانا صاحب ورشه السياره لازم نشيك عليها من الاسهل الا الاصعب وما اضن تغيير البواجي اللي لهن سنه بياثرن عليه اوماراح يستفيد منهن بالعكس هذي من القطع الاستهلاكيه والا باوزير ذكر كثافه الهواء في العقبات العاليه وماتقدر تخطيه وزد عليها ميلان السياره اكثر من المعقول يسبب الكربنه والجاذبيه لها دور لان الاحتراق بيتم على طرف البستم ويحصل تبليل للبواجي لحظه الانحدار العالي لمقدمه السياره

[س.س.التميمي]

الله يسهلك امرك وتنحل هالمشكله

[ع ــقــاب]

بيض الله وجه كل من رد على الموضوع وتفاعل معه واعتذر منكم للتأخر في الرد ولكن ظروف الدنيا تجبرنا على اللي مانبيه ,

وبالنسبة للدخان فأنا مريت على ميكانيكي خبرة قال طنش دام مايجي الا في النزووول عشان كذا قررت اطنشه ابخليه يدخن ويشيش لين يقول آمين :D

[hdm]

طيب جرب عب بنزين احمر وطع شوري

[ع ــقــاب]

طيب جرب عب بنزين احمر وطع شوري


على راسي ياالغالي , والجيب من يوم شريته ما أعبيه الا بنزين احمر :good2:

[ls1.5700]

شيك على الراجع حق البانزين يقولون له القليتر
او الرقليتر 00 المهم قد تكون المشكله منه
يمكن مع النزله او الانحدار بيكون ضعيف مايرجع البانزين
وينحشر على البخاخات ويسبب تغريق للبخاخات
والشراره ماتلحق تحرق البانزين
شيك عليه وعطنا خبر

[أبو الفهد]

السلام عليكم
الأخ عقاب
أنا أضم صوتي لصوت الأخ أبو راكان
كان معي جيب باترول 97 كربريتر طبعاً ، وفي البرد يشبك الشفاط تلقائياً لإحماء المكينة وأنا ماشي بسرعات مختلفة ، وبتوفيق من الله وجدت المشكلة وفصلت الشفاط ، وارتحت ولم أعاني من أي مشكلة بعد ذلك.
جرب لعل المشكلة تكون قريبة من ذلك ولا أنت خاسر إن شاء الله.
أنا ما عندي خبرة بالربع تويوتا لكن اجتهاد .