فزعتكم يارجال افيدوني

[ابو مزوون]

السلام عليكم ورحمة الله وبركاته
ابي اشتري جيب نيسان 2010 اللي يجي رفارف سود وش وقعه وش اعيوبه تنصوحوني اشتريه ووين احصله بالله ضروررري ابي خبرتكم وفزعتكم
وشكرا

[كلاسيكو]

وعليكم السلام ورحمة الله وبركاته

الباترول بشكل عام مكينة فتك كله زي بعضه وتفرق بينهم بس مواصفات اما سياحي مكيف امامي فقط ونص فل مركزي وثلاجه وداخل بيج وسوبر يكون فتحه وداخل بيج وهزاز
لكن موديل 2010 وطالع صار ينزل تقريبا فئه وحده رفرف اسود وداخل اسود رصاصي مكيف امامي يعني سياحي بدون مواصفات غير المكينه انه الفتك
وبعض منهم مكيفين بدون ثلاجه
حصلة موتر واحد كان عليه عرض 120 الف وقبل كان سعره 143 الف بالوكاله لكن محجوز
الله يرزق الي خذاه
اما موديل 2012 سعره اكثر من 145 الف
اما العيوب ان شاء الله مامنه مشاكل اذا الله وفق
اتكلم معك من تجربه معي فتك 2006 خط وديره وبر مناسب
دام انه جديد او موتر ماشي ونظيف

مع تمنياتي لك بالتوفيق

[ابو مزوون]

الله يعطيك العافيه ويجزاك خير ماقصرت وبيض الله وجهك
بس وش رايك اشتريه ولا اشتري يوكن للمعلوميه السيارة لوالدي رجال ماهو راعي بر
الله يرحم والدينا ووالديكم

[كلاسيكو]

الله يحفظ لك والديك ويستر عليكم وعلينا وعلى المسلمين
كل موتر احسن من الثاني
لكن ترجع لنوع الاستعمال والديره الي تستعمله فيها
اذا ديره فيها اجواء بر ومكاشيت اكثر فالباترول مناسب
اما اذا البر ماتشوفه الا ايام معدوده ومكان بالبر قريب
فااحسن لك اليوكن لان الوالد يحتاج سياره اريح ومناسبه لسفر
والامريكي معروف اريح من الياباني
مع مراعاة نوع الرغبه
فيه ناس لو كبير مايقبل ولا يرتاح لغير الياباني سياره
مع العلم ان اليوكن صار يمسك سعره مو زي اول تتخوف انه ينزل بسعره

موفقين