صوت غريب

[المبدع3]

السلام عليكم ورحمة الله وبركاته

الله يمسيكم بالخير يالربع

يالربع عندي أكسبلورر 2008 والموتر جيد ولله الحمد وماشي معي زين ولكن لي فتره وانا اسمع صوت زي الحنه الثقيله حينما تكون السرعة من 80 واقل وكذلك حينما ارفع رجلي عن الابنص زي صوت الهوبات ورحت به لأكثر من ورشه ولكن للأسف ما اعطوني علم واحد واكيد واغلب شي توصلوا له قالوا قد يكون الكفر وانا لم اقتنع من كلامهم وأخاف الموتر فيه علة قد تتفاقم آمل منكم يا هل الخبرة إفادتي حسب خبرتكم ومنتداكم الأكثر من رائع. والسلام عليكم
محبكم في الله ابو ماجد

[أصيل حجآ زي]

http://www.mekshat.com/pix/upload/images39/mk55341_zaz.gif



أخي / أبو مآجد



جــرّب وأنت على نفس
السُرعة اللي تجيك فيها الحآلة هذي


بأن تحُط القير في الفآضي N .
في خط خآلي من السيآرآت والمآرة قدر الأمكآن .
وشُف هل تجيك الحنة / الونة / الطنة / الزنة .
وألا لا ؟؟؟


طبعآ بعد ما تحُط القير
في الفآضي N لا ترُده بالتعشيق حتى
تقل السُرعة تحت 30 أو أقل من 20 كلم .
لأنك لو عشقت والسيآرة مُسرعة ذلك يؤثر
على القير خآصة أن كررّت ذلك كثير .


الشيء الأخر :
لو تجرب في عدة طُرق مزفتة /// يعني
بعض الطُرق منخبرة / محفرة / بطآنيج وغير ذلك .


ولو تجرّب تغير موآقع /// تخلف الكفرآت من جهة لجهة .


وأن أمكن .
تأخُذ كفرآت صآحب لك وتجربها على سيآرتك .


ممكن الكفرآت تسوي الحنة خآصة اللي يسموها البآلون .


حآول تحدّد موقع الحنة :
قُدآم أو ورى ؟؟؟
يسآر أو يمين ؟؟؟؟؟؟؟

وسط أو بالجآنب .
تحسس من أين يصدُر صوت الحنة .

قد يكون شيء نآشب بالهوبآت .
مثل الحديد الدرع اللي خلف الهوب .
هذا الحديد لين قليلآ مقآوم للحرآرة وأي طقة
أي ضربة به من حجر أو مدر تطعجهُ وتخليه يحُك بالهوب .

فتش أنت بنفسك بشحمك ولحمك { DIY } ولا تخليهُم يستغلوك .

خُذ لك كشآف قوي أو ضوء نورهُ قوي
وأنقعر تحت السيآرة من جميع الجهآت وفتش .

[المبدع3]

الله يبيض وجهك ويجمل حالك ولي عودة بإذن الله عقب التجربه

[المبدع3]

الله يحييك اخوي اصيل

عملت نفس الحركة الذي ذكرتها لي وهي وضع القير في N ونفس الطريقة الصوت لا يزال موجود ولا أدري ماهو السبب .اشكرك على اسلوبك الرائع