دلتي بالغطو فاحت من ورى بيز اقضبه .......... حله ( ناصر العلي ) .. الحل ( حرف الكاف )

[ابو ماجد 2]

بسم الله الرحمن الرحيم

السلام عليكم ورحمة الله وبركاته


ياخيالي لاتمادى اقضب الارض اقضبه=لاتمادى ياخيالي مانبي غير القريب
كني بين اهل الغطاوي فوق ارض معشبه=بيننا طيب الخواطر والسوالف به تطيب
دلتي بالغطو فاحت من ورى بيز اقضبه=ملهبة والغطو يحلى لاغدى المعنى لهيب
سقت انا فنجال غطوي منهو منهو يشربه=مايشفه كود فارس عادته دك الصعيب
منشدي ابو وورعه واضح فيهم شبه=الولد دايم صغير والابو ماهو يشيب
نوب يدني له وريعه نوب لا لايقربه=سلم ون اخلف سلومه كل ابونا له يعيب
ان غدى خلف الجماعه تلقى ورعه يصحبه=ون تقدم ياصحيبي ماله بالصحبه نصيب




تحيتي وتقديري لجميع الزملاء

ابو ماجد - منتديات مكشات

[ابوماريا]

الله الله يابو ماجد
أبيات يطربلها الخاطر
صح السانك مليوووووون

عقارب الساعة
الدقايق ،، والساعات

[ابو ماجد 2]

الله الله يابو ماجد
أبيات يطربلها الخاطر
صح السانك مليوووووون

عقارب الساعة
الدقايق ،، والساعات


شرفتنا يابو فايز
وصح بدنك
شهادة من هو بوزنك تاج على راسي لاعدمناك
الرمعه مالك لوى يالغالي

[samer21]

أحتاج إلى تشكيل القصيدة بالحركات لأعرف أقراها بالأول :(:(

[ابو ماجد 2]

أحتاج إلى تشكيل القصيدة بالحركات لأعرف أقراها بالأول :(:(



هلا بك اخوي سمير
صبحك الله بالخير
يالغالي لعلك تسمح لي عن التشكيل
انا شايب فرحت اني ماقمزت حروف من النص وانت تطلب التشكيل
تحيتي لك وتقديري

[هيل]

السلام عليكم ورحمة الله وبركاته
ماشاءالله يابوماجدالكبر لم يؤثر على بريق النجوميه
دائماً متألق قلت الكبر والثرمه يبدأ اطلع أمتخرمات
أستافي من اسنين مضت بس النجم نجم انت والهلالي
مشاءالله عليكم تحف كل ماقدمت ارتفع سعره
وهو انتم كل ماكبرتو زتو تاألق
:eek:تحياتي:eek:

[حمدان ابوخشيم]

الملقاط والمقضب حقه

[ابو ماجد 2]

السلام عليكم ورحمة الله وبركاته
ماشاءالله يابوماجدالكبر لم يؤثر على بريق النجوميه
دائماً متألق قلت الكبر والثرمه يبدأ اطلع أمتخرمات
أستافي من اسنين مضت بس النجم نجم انت والهلالي
مشاءالله عليكم تحف كل ماقدمت ارتفع سعره
وهو انتم كل ماكبرتو زتو تاألق
:eek:تحياتي:eek:



وعليكم السلام ورحمة الله وبركاته
هلا بك يابو عبدالله
احمد الله واشكره والحمدلله انا بين هالشباب احيانا انسى روحي واصبح مثلهم شاب
بس لاجيت انت خربت علي
وبعدين الحمدلله شف انا اكبر من بعض ناس ومع ذلك بين بهم الكبر رغم محاولاتهم
امتطاء كديش والتصوير معه
وبعدين يابو عبدالله انت طال عمرك ماتنلحق دايم سباق حتى الثرمه سابقني عليها
وابارك لك زواجك من منيفه
منك الخمال ومنها الهبال

http://sadaaboarish.com/images/article_images/frame-4267.jpg

[ابو ماجد 2]

الملقاط والمقضب حقه


هلا بك يالغالي
وصبحك الله بالخير
مالك لوى يالغالي

[ناصر العلي]

وعليكم السلام ورحمة الله وبركاته
سلمت يالغالي
وصح لسانك
والله لايضرك ياأبوماجد على هالنظم
لافض فوك
ويش قولك بـ
حرف الكاف
ك
إذا صار حرف الكاف آخر حرف بانت الهمزة اللي تشبه حرف الكاف...مثل...شريك
وإذا كان حرف الكاف بوسط الكلمة ماتشوف الهمزة..مثل....شركات

[ابو ماجد 2]

وعليكم السلام ورحمة الله وبركاته
سلمت يالغالي
وصح لسانك
والله لايضرك ياأبوماجد على هالنظم
لافض فوك
ويش قولك بـ
حرف الكاف
ك
إذا صار حرف الكاف آخر حرف بانت الهمزة اللي تشبه حرف الكاف...مثل...شريك
وإذا كان حرف الكاف بوسط الكلمة ماتشوف الهمزة..مثل....شركات


سلمت من الشر وصح بدنك
وصح لسانك ملايين
كفووووووو كفووووو كفووووو
نعم
حرف ك
والكاف المصغر الذي يأتي اذا اتى مفرد او حرف نهايه
لله درك دكتورنا
وما قصرت بالشرح

[ابوماريا]

ماشاء الله تبارك الله
لغز رائع من رائع
ورمعة بالصميم من مبدع

كفووووو جميع وبيض الله وجيهكم

[ابو ماجد 2]

ماشاء الله تبارك الله
لغز رائع من رائع
ورمعة بالصميم من مبدع

كفووووو جميع وبيض الله وجيهكم


وأنت الاروع بمثاليتك وتواصلك
شرفتنا يالغالي

[ناصر العلي]

سلمت من الشر وصح بدنك

وصح لسانك ملايين
كفووووووو كفووووو كفووووو
نعم
حرف ك
والكاف المصغر الذي يأتي اذا اتى مفرد او حرف نهايه
لله درك دكتورنا
وما قصرت بالشرح



صح كلك يالغالي
وسلمت وسلم غاليك يالغالي
وكفوك الطيب ياراع الطيب
تحياتي وتقديري

[ناصر العلي]

ماشاء الله تبارك الله


لغز رائع من رائع
ورمعة بالصميم من مبدع



كفووووو جميع وبيض الله وجيهكم


كفوك الطيب ياأبوفايز
والله يبيض وجهك بالدارين
تحياتي وتقديري