رجلٍ تدرج ياقصيمي نموّه ...... حله ( ناصر العلي والنبهاني ) .. الحل ( الحزام الناري )

[ابو ماجد 2]

بسم الله الرحمن الرحيم

السلام عليكم ورحمة الله وبركاته

لغزٍ يابو ماجد على النت سوّه=انحر به اللي مانشد عن صعيبه
انحر به اللي بالحجا طاب جوّه=قصيمي والهقوه يجيبه يجيبه
يكشف صعيب الغطو لو هو تموّه=له بندقٍ مهما تباعد تصيبه
لغزي عن اللي ينتسب يم عدوِّه=رجلٍ لفى هذا وهذي غصيبه
رجلٍ تدرج ياقصيمي نموّه=لكن من جاله مناته مشيبه
سميه اللي لانتسب ماتتوّه=سميه اللي ذي وهذا جليبه
سميه اللي فيه للبعض هقوه=كم واحدٍ من حر ماله حظي به

مع تحيات ابو ماجد

منتديات مكشات 0 خيمة الالغاز

[ناصر العلي]

وعليكم السلام ورحمة الله وبركاته
سلمت يالغالي
وصح لسانك
وأخونا قصيمي كفو ويستاهل
رمعة للتحريك
مرض أبوكعب..النكاف
والكعب ينسب للقدم
وبعض الأحذية أعزكم الله...نشتريه..له كعب

[هيل]

السلام عليكمورحمةالله وبركاته
مستعجل لصلاة يابو ماجد
وش رايك الربا المال
والرُبا جمع ربوه
تحياتي

[قصيمي 9311]

صح لسانك يابو ماجد
ومشكور على التوجية

لغز وافي من شاعر وافي

والعذر والسموحة على التأخير بالرد

لكن جاري التفكير بالرمعة

[ابو ماجد 2]

وعليكم السلام ورحمة الله وبركاته
سلمت يالغالي
وصح لسانك
وأخونا قصيمي كفو ويستاهل
رمعة للتحريك
مرض أبوكعب..النكاف
والكعب ينسب للقدم
وبعض الأحذية أعزكم الله...نشتريه..له كعب


سلمت وصح بدنك
خل ابتواسا
ماااالك لوىىىى
هههههههه
مازال طليق ولكن توجهك طيب

[ابو ماجد 2]

السلام عليكمورحمةالله وبركاته
مستعجل لصلاة يابو ماجد
وش رايك الربا المال
والرُبا جمع ربوه
تحياتي


وعليكم السلام ورحمة الله وبركاته
هلا بطريدي
تقبل الله منا ومنكم صالح الاعمال
الرمعه مالك لوى
والمسمى اللي وضعت عليه اللغز اخذته منك
ورجعت لقوقل وبالفعل وجدته
انتظر مرماعك القادم

[ابو ماجد 2]

صح لسانك يابو ماجد
ومشكور على التوجية

لغز وافي من شاعر وافي

والعذر والسموحة على التأخير بالرد

لكن جاري التفكير بالرمعة


صح بدنك اخوي قصيمي
وانت تستاهل الكثير
والوفاء انتم اهله
انتظك يالغالي

[ابوماريا]

صح السانك يابو ماجد وسلم بنانك

غالي ومسند على غالي

مرور تقدير وجاري التفكير

[ابو ماجد 2]

صح السانك يابو ماجد وسلم بنانك

غالي ومسند على غالي

مرور تقدير وجاري التفكير


صح بدنك يابو فايز وسلمت من الشر
وانت غالي الله لايحرمنا تواجدك
مرورك اسعدني وفي انتظار مرماعك

[ابوماريا]

عرق النساء

[ابو ماجد 2]

عرق النساء


صبحك الله بالخير يابو فايز
مالك لوى يالغالي
ولكن توجهك طيب
انتظر مرماعك القادم

[ناصر العلي]

طيب يالغالي
مايصير
الورم
ورم خبيث....ورم حميد

[عطري]

و عليكم السلام و رحمة الله و بركاته
صح لسانك أبا ماجد و صبحك الله بالخير و المسرات.
شجعني أبو علي سلمه الله في هذه الرمعة التي كنت متردد فيها:
سرطان الدم كفى الله المسلمين شره
و سرطان البحر.

[ابو ماجد 2]

طيب يالغالي
مايصير
الورم
ورم خبيث....ورم حميد



طاب فالك يالغالي
ماااالك لوى
من بعد مااتواسا طبعا
لاتنس
كم واحدٍ من حر ماله حظي به

[ابو ماجد 2]

و عليكم السلام و رحمة الله و بركاته
صح لسانك أبا ماجد و صبحك الله بالخير و المسرات.
شجعني أبو علي سلمه الله في هذه الرمعة التي كنت متردد فيها:
سرطان الدم كفى الله المسلمين شره
و سرطان البحر.


صباح الخير يالعطر الفواح
صح بدنك
رمعه حلوه
ولكن لاتنس الأول ينتسب يم بنت عدوه
انتظر القاتله
وترى الثاني يشمل اكثر من واحد ويختلف فيهم النسب
ولكني اتيت بوصف يعم الجميع تقريبا

[ناصر العلي]

طاب فالك يالغالي

ماااالك لوى
من بعد مااتواسا طبعا
لاتنس
كم واحدٍ من حر ماله حظي به



حياك ربي يالغالي
وانا كنت أقصد الورم اللي يجي من حر المال
التنفيخ والحقن بالبوتكس للوجه وبعض أجزاء الجسم

[ابوماريا]

سعفة الرأس

[ابو ماجد 2]

سعفة الرأس


هلا بك يابو فايز
مالك لوى يالغالي
انتظر مرماعك القادم

[قصيمي 9311]

قطفت من مشتل قصيدي علّوه


ما أقول شعري لين اختّم ضمانه
أترك طمان الشعر وآخذ سموّه
لو كان مافي قـاف شعري طمانه
ونصيت منهو شبّ بالعز ضوّه
بيديـة فعــل الطيب جـــوّد عنانه
اسمه صريحا" كل ماجيت انوّه
بأسمة لقيت الحرف يعرف مكانه
سوّ المدح ياهاجس الشعر سوّه
بأسم ابو ماجد وارسله مع ضمانه
من غير قاصر في جميع السموّه
كلا" بفعل الطيب يسرج حصانه


تنسيق الأبيات رايح فيها صار صدر البيت عجز


ياليت أحد من الأخوان يعدل التنسيق

[عطري]

السلام عليكم و رحمة الله و بركاته
صبحك الله بالخير أبا ماجد
أشغلتني رمعة و الخطأ فيها بيِّن ؛ بسبب النسبة إلى مذكر و ليس مؤنث كما فهمت من ردك .
و هي:
حب الشباب
و
حب الحنطة و الشعير و الدخن و .....

[هاوي عبث]

صبحك الله بالخير اخوي ابو ماجد وصح لسانك ملايين
لغز طيب وجزل من جزل .. تسجيل اعجاب وانتظر ذباحه
هقوتي عطري حوله وحوالية

[قصيمي 9311]

مساء الخير ابو ماجد والمعذرة على الانقطاع اليوم وبانتظار ردك على رمعة الاخوان

[ابو ماجد 2]

قطفت من مشتل قصيدي علّوه=ما أقول شعري لين اختّم ضمانه
أترك طمان الشعر وآخذ سموّه=لو كان مافي قاف شعري طمانه
ونصيت منهو شبّ بالعز ضوّه=بيدية فعل الطيب جوّد عنانه
اسمه صريحا" كل ماجيت انوّه=بأسمة لقيت الحرف يعرف مكانه
سوّ المدح ياهاجس الشعر سوّه=بأسم ابو ماجد وارسله مع ضمانه
من غير قاصر في جميع السموّه=كلا" بفعل الطيب يسرج حصانه



تنسيق الأبيات رايح فيها صار صدر البيت عجز


ياليت أحد من الأخوان يعدل التنسيق


اخوي قصيمي
انت شاعر شاعر شاعر
ابياتك تطرب
جزل جزل جزل
اعطيتني اكثر مما استحق
رفع الله قدرك دنيا وآخره
اخوي قصيمي تملك هالموهبه بالشعر اكيد ستكون الغازك لها رونقها
نبي يالغالي لغز تشنف اذاننا فيه
اخوي قصيمي
تراي من الصبح ادخل واحاول اسوي تنسيق لقصيدتك ولكن انشغل واخرج عنها
لذلك اتى الرد متأخر فالعذر منك

[ابو ماجد 2]

السلام عليكم و رحمة الله و بركاته
صبحك الله بالخير أبا ماجد
أشغلتني رمعة و الخطأ فيها بيِّن ؛ بسبب النسبة إلى مذكر و ليس مؤنث كما فهمت من ردك .
و هي:
حب الشباب
و
حب الحنطة و الشعير و الدخن و .....


وعليكم السلام ورحمة الله وبركاته
هلا بالعطر الفواح
مالك لوى يالغالي
وهو ينسب على هالنمط نادي رياضي
والنسب هنا للرياضة

[ابو ماجد 2]

صبحك الله بالخير اخوي ابو ماجد وصح لسانك ملايين
لغز طيب وجزل من جزل .. تسجيل اعجاب وانتظر ذباحه
هقوتي عطري حوله وحوالية


اسعد الله جميع اوقاتك
هلا بالغالي
شرفنا تواجدك
صح بدنك والجزل انتم اهله
رمعة اخوي عطري زينه ولكن لايزال طليق

[ابو ماجد 2]

مساء الخير ابو ماجد والمعذرة على الانقطاع اليوم وبانتظار ردك على رمعة الاخوان

مساء النور يالغالي
حتى انا اليوم مامن تواجد
حياك يالغالي
وقصيدتك فاقت اللغز ورمعته الله يزيدك من فضله

[النبهاني]

وعليكم السلام ورحمة الله وبركاته
صح يازعيم
ويستاهل قصيمي وكفو
وصح لسان قصيمي على هالمجاره وتستاهل يالزعيم وكفو
والرمعه يابو ماجد أزريت القا لغزك مدخل
مير خذ هالمضلعه
موية النار

[ابو ماجد 2]

وعليكم السلام ورحمة الله وبركاته
صح يازعيم
ويستاهل قصيمي وكفو
وصح لسان قصيمي على هالمجاره وتستاهل يالزعيم وكفو
والرمعه يابو ماجد أزريت القا لغزك مدخل
مير خذ هالمضلعه
موية النار


هلا ومليون هلا
صح بدنك يابو سالم
وقصيمي ماشاء الله طلع المستخبي ونبي ننشب بحلقه لغاية مانرى لغزه
رمعتك رمعه حلوه وانت توصلت للبنت العدوه وهي النار
والرسول صلى الله عليه وسلم قال:
إِنَّ هَذِهِ النَّارَ إِنَّمَا هِيَ عَدُوٌّ لَكُمْ ، فَإِذَا نِمْتُمْ فَأَطْفِئُوهَا عَنْكُمْ
ولكن لازلنا ننتظر القاضيه

[ناصر العلي]

نعاود المحاولة يالغالي
ويش قولك بـ
مرض الحزام الناري
والحزام للبنطلون وللسلاح وللإحرام
طفح جلدي: على هيئة حويصلات تظهر بعد حدوث احمرار شديد بالجلد، فتصبح الحويصلات محاطة بجلد شديد الاحمرار. بعد 1-2 أسبوع تجف هذه الحويصلات مكونة قشور، ثم تبدأ تلك القشور في التساقط تدريجيا حتى تختفي تماما بعد 2-3 أسابيع. http://www.sehha.com/diseases/derma/HZoster2.jpghttp://www.sehha.com/diseases/derma/HZoster3.jpg

[ال-رايق]

وعليكم السلام ورحمة الله وبركاته
ومسّاك الله بالخير يابوماجد
وان شاء الله بخير ومن يقرأأأأأ
---------
صح لسانك
---------------
واخونا قصيمي يستاهل كل خير /ومجاراته طيبة مثل طيبه الله لايهينه
------------------
الرمعه:
---السهم الناري=استنتاج لشراء الاسهم والتوضيح الباقي
---الدودة الشريطية=شرييطي وطاب السوق ههههههههه
وتقبل تحياتي

[ابو ماجد 2]

نعاود المحاولة يالغالي
ويش قولك بـ
مرض الحزام الناري
والحزام للبنطلون وللسلاح وللإحرام
طفح جلدي: على هيئة حويصلات تظهر بعد حدوث احمرار شديد بالجلد، فتصبح الحويصلات محاطة بجلد شديد الاحمرار. بعد 1-2 أسبوع تجف هذه الحويصلات مكونة قشور، ثم تبدأ تلك القشور في التساقط تدريجيا حتى تختفي تماما بعد 2-3 أسابيع. http://www.sehha.com/diseases/derma/HZoster2.jpghttp://www.sehha.com/diseases/derma/HZoster3.jpg




هذا هو
صح لسانك
كفووووووووو كفوووووووووووو كفوووو
وصح لسانك ملايين
أنت والنبهاني
النبهاني اتى بالنسب وانت اتيت بالقاضيه
لله دركم جميعا
نعم
الحزام الناري

http://promisr.net/images/bl3vuxwdy0pv25x8tkwr.jpg



http://z.about.com/d/p/440/e/f/1507.jpg


مرض مثل العنقز يكون على شكل حزام
تصحبه آلام شديه
يبدأخفيف ويتناما ثم ياصل مرحلة الجفاف والتقشر والتلاشي
بيض الله وجيهكم جميعا

[ابو ماجد 2]

وعليكم السلام ورحمة الله وبركاته
ومسّاك الله بالخير يابوماجد
وان شاء الله بخير ومن يقرأأأأأ
---------
صح لسانك
---------------
واخونا قصيمي يستاهل كل خير /ومجاراته طيبة مثل طيبه الله لايهينه
------------------
الرمعه:
---السهم الناري=استنتاج لشراء الاسهم والتوضيح الباقي
---الدودة الشريطية=شرييطي وطاب السوق ههههههههه
وتقبل تحياتي


هلا بك يابو مهند
الحمدلله على السلامه
افتقدناك يالغالي
شرفنا حضورك
والحل عند ابو علي والنبهاني

[ابوماريا]

سلمت يابو ماجد على اللغز الرائع

وكفووووووو يابو علي

[ابو ماجد 2]

سلمت يابو ماجد على اللغز الرائع

وكفووووووو يابو علي


سلمت يالغالي من الشر
وابو علي ماشاء الله عادته وابو سالم ماشاء الله فتح الباب بمعرفته بالعدو المقصوده باللغز

[ناصر العلي]

هذا هو

صح لسانك
كفووووووووو كفوووووووووووو كفوووو
وصح لسانك ملايين
أنت والنبهاني
النبهاني اتى بالنسب وانت اتيت بالقاضيه
لله دركم جميعا
نعم
الحزام الناري


http://promisr.net/images/bl3vuxwdy0pv25x8tkwr.jpg




http://z.about.com/d/p/440/e/f/1507.jpg



مرض مثل العنقز يكون على شكل حزام
تصحبه آلام شديه
يبدأخفيف ويتناما ثم ياصل مرحلة الجفاف والتقشر والتلاشي
بيض الله وجيهكم جميعا



صح بدنك ياأبوماجد
وكفوك الطيب يالغالي
وبيض الله وجهك على هالمعلومة
ولو الله ثم رمعة حبيبنا النبهاني وتعقيبك عليّه كان ماجت هالرمعة
وكفو والله ياابوسالم
دمتم بألف خير

[ناصر العلي]

سلمت يابو ماجد على اللغز الرائع




وكفووووووو يابو علي


لله درك ياأبوفايز
وكفوك الطيب يالغالي
لاخلا ولاعدم
تحياتي

[قصيمي 9311]

اخوي قصيمي
انت شاعر شاعر شاعر
ابياتك تطرب
جزل جزل جزل
اعطيتني اكثر مما استحق
رفع الله قدرك دنيا وآخره
اخوي قصيمي تملك هالموهبه بالشعر اكيد ستكون الغازك لها رونقها
نبي يالغالي لغز تشنف اذاننا فيه
اخوي قصيمي
تراي من الصبح ادخل واحاول اسوي تنسيق لقصيدتك ولكن انشغل واخرج عنها
لذلك اتى الرد متأخر فالعذر منك






انت تستحق اكثر يا ابو ماجد وحنا اللي نتعلم منك الجزاله والإبداع

[قصيمي 9311]

كفؤ بأبو علي بيض الله وجهك