خبراء الفتك ارجوكم

[سلمانـ]

السلام عليكم ورحمة الله وبركاته بأختصار معي فتك 2005 في مشكله وان شاء الله ماتكون مشكله السالفه ومافيها الموتر اذا وقفته بطلعه يعني اذا كان متصاغي ونازل وجهه يكون فيه صوت بالمكيه مادري صوت بلوف مادري جنزير مادري عامود المهم ان الموتر اذا كان واقف معتدل مايطلع اي صوت بس اذا كان بطلعه يطلع هالصوت وغير كذا الموتر باول الدعسه فيه كتمه قويه ارجوكم حلوها قبل اروح للمكنيكي يحوس موتري

[سلمانـ]

للرفــــــــــــع

[SGL]

ﻻتشيل هم هذا صوت الجنزير والكتمه غير بواجي ونظف الثروتل

[ابوالوليدخالد]

كل الفتكات كذا
لا تشيل هم ابدا

[أصيل حجآ زي]

أفحص المطآط اللي بكرآسي المُحرك والقير .
أذا المطآط خربآت / مهتري يتحرك المُحرك للأمآم / الخلف .
ويمكن يحُك أو تحُك المروحة بقربة التبريد { اللديتر }
أو بحوض المروحة أو بكلاهما أو أن عمود الدورآن الخلفي
يسير به فرآغ في ترس الدُقمة الأمآمي والخلفي فيطُق للأمآم
ولما تطلع طلعة يطُق للخلف .

أو زقزقة بالكندآسة / العآدم / الشكمآن .

الاحتمآلآت لا تُختصر على شيء وآحد .

[سلمانـ]

الله يعطيكم العافيه كلام جميل

[sgl2002]

الفتكات كلها كذا بسبب ان موقع طرمبة الزيت غير جيد وجاي بصدر المكينة

وانت اذا نزل وجهه يروح الزيت عنها وتقل كمية ضخ الزيت فتبدا بعض الاصوات