متى موسم الخثااااق

[mc.blood]

السلام عليككم
مساكم الله بالخير يالربعع
اخباركمم انا ابي اعرف متى موسم الخثااق
لاني لي كم يوم مجهز العده ابي موسمه يجي
والعده:خطاف شبة المنتب والكذابه ومعي ساليه ومشك وقرقور
اتمنى تفاعل:eek::eek::eek:

[القبقب]

الموسم بعد اسبوعين بس الحجم متوسط بعد شهر يبدا الحجم الكبير
بالظهور وأتمنى لك التوفيق يالطيب .

[mc.blood]

الله يسعدكك انا شفت قبل يومين احجام بحجم الاصبع واحجام تو فقست بس ماصدتهم وحبيت اخليهم يعيشون لحتى موسمهم

[mc.blood]

بس استفدت من الحجم اللي بنص الكف بصيد الهوامير اخذت 3 صغار طلع معي هامور نص كيلو تقريبا

[ابو جبر 9]

قريب ان شالله ,, في عز البرد

[Boury]

أفضل شهر هو يناير بحسب علمي

[عقام الرايس]

هذي ايام الخثاق ( الحبار ) شدو حيلكم بدأت الاحجام الكبيرة بالوصول

[accentkool]

هوووو قريب على موسمة الان

[baracuda]

الحمد لله العده جاهزة
بس لو احد يوضح اماكن تجمعها يكون ممتاز
تحياتي

[mc.blood]

اماكن تواجد الخثاق الحجم الطيب تلقاه على مناطق رمليه يدور السمك الصغااار والخثاق المتوسط والصغار رووح منطقه فيها احجار مع الليل ومعك مشك او السمك الكذابه ولازم يكون مع كشااف بس مو قووي عشان تدور له مع الليل
وموووفق حبيبي

[ناسي سنارتي]

راس الخثاق ممتاز جدا لدريات الكبيره

مشكور اخوي عموضوعك