جيت كلك في كلام (ن) ما يعاب (مجاراة رد على مجاراة الاخ يوسف الخليفه)

[صافى السريره]

بسم الله الرحمن الرحيم


(استأذنت من الاخ الفاضل / يوسف الخليفه البارحه في المواصل للمجاراة ومجاراتنا في القصايد قديمه بدت من قصيدتي {كيف ازهب يابو عبد الله زهاب} حيث انه جارى القصيدة الاخيره وتعذر على البطا بحسن العذر وعذره بلاشك مقبول ،وحيث انه لم يرد على استئذاني ، والسكوت علامة الايجاب، وانا على أي حال من قبيل الميانه،وواجب تلبية الدعوة اللي وجهها لي في القصيدة،لا خلا ولا عدم، الله يحفظه ،تجرأت بها البويتين:




(الزنقه 2 )



مرحبا باللي لفا عقب الغياب
................. ويا هلا باللي كلامه ما نمله


ما نمله لو يعرضنا الصعاب
...............قلتها شله وهي لي خوش شله


دعوتك لبيتها بأحسن جواب
..............والكرم ما ردّه الا منكر(ن) له


جيت كلك في كلام (ن) ما يعاب
............... وانت يالمحشوم ما جا منك زله


وزلة الاصحاب له طعم الرضاب
............... ما نبي العدوان تفرح لا ولله
تونا بادين في فتح الكتاب
............ما قرينا الحمد واغلقت السجلّه


من تعدى الحد يبلش بالنشاب
..............ومن تخطى الدرب حنْ والله ندله


ومن يعاني من صواديف الرّهاب
.............. له طبيب النفس يا صف له دواً له


والظليم اللي تدثر بالتراب
.............يحسب الصيّاد لو نيشن يزله


اوجعتني الكف من كش الذباب
............ ما عرفت ان العسل هو محبل(ن) له


ما يخونك في التعابير الخطاب
...........يوم درت الحول جبت العلم كله


وراعي الزنقه ولده اللي مصاب
...........ينتخي والرمي جاه من اسفل(ن) له


وراعي القات ان تنحى هو معاب
...............مزبل التاريخ حازه واستحله


وراعي البعث اللي اثخن في الخراب
............لازم(ن) تاليه يحضى بالمذله


ويوم (.... ) قال هل هو مع صواب
..............أسألو المقرود كيف العلم دله


وان بغيت العلم نرسل لك كتاب
............نختمه بالسر وانت اللي تحله


آل – بو هلال التميمي (احمد، ابو راكان)

[بن عويف]

ما فيك حيله شاعر ومتمكن اخوي صافي السريره
ولك معاني في الثمنيات
لكن عندك بيتين جاااابرنهااا جبر
<<< العميمي :)
وزلة الاصحاب له طعم الرضاب
............... ما نبي العدوان تفرح لا ولله
............... ما نبا العادي خطانا فرحتن له
من تعدى الحد يبلش بالنشاب
..............ومن تخطى الدرب حنْ والله ندله
.............. ومن تخطى الدرب يا الصاحب ندله

وفالك البيرق
:)

[صافى السريره]

ابن عوّيف اولاً اشكرك على المرور والطيب دايم مجناك ، ثانياً مع تقديري لك تصحيحك ماهو بمكانه بارك الله فيك والظاهر انك كنت تقرأ وانت ما خذت تعسيلة الظهريه . و ان اللبس عندك جاء
كا لتالي:البيت الاول قريت (ولله) والله،وهي هكذا(ولل له) اما الثاني فيبدو انه طاف عليك ان فيه لهجه يقولون عن كلمة (حنّا) حنْ .اقرأها كذا يالخبير وتبين لك ، لكن يبقى رايك دايم هو الصايب (وغيرك المعلم )

[ابوعيينه]

صح لسانك,,,,
والمعنى في بطن الشاعر,,,والابيات جزله
ومتلقيها شاعر جزل,,

[بن عويف]

ابن عوّيف اولاً اشكرك على المرور والطيب دايم مجناك ، ثانياً مع تقديري لك تصحيحك ماهو بمكانه بارك الله فيك والظاهر انك كنت تقرأ وانت ما خذت تعسيلة الظهريه . و ان اللبس عندك جاء
كا لتالي:البيت الاول قريت (ولله) والله،وهي هكذا(ولل له) اما الثاني فيبدو انه طاف عليك ان فيه لهجه يقولون عن كلمة (حنّا) حنْ .اقرأها كذا يالخبير وتبين لك ، لكن يبقى رايك دايم هو الصايب (وغيرك المعلم )

هههههه اعرف والله اعرف لهجة هل الجنوب حنْ
لكن المشكله فعلاً هي تعسيلة الظهرية كما ذكرت
واااا ليتني ماخذها ثمن قاري قصيدتك ليتاه

احتراماتي يابو راكان ولفنا في طرف العباه
فـ و لله <<< ما انتبهت لها وفعلاً هي صح
واما حن ففيها عسره لكن بشوفها بعد ما اقوم الصبح يمكن تفك اللكه حقتها

[صافى السريره]

هههههه اعرف والله اعرف لهجة هل الجنوب حنْ
لكن المشكله فعلاً هي تعسيلة الظهرية كما ذكرت
واااا ليتني ماخذها ثمن قاري قصيدتك ليتاه

احتراماتي يابو راكان ولفنا في طرف العباه
فـ و لله <<< ما انتبهت لها وفعلاً هي صح
واما حن ففيها عسره لكن بشوفها بعد ما اقوم الصبح يمكن تفك اللكه حقتها
حاليك الله يابو محمد(وفرد حمزه ما جا من فراغ) الله يسعدك وعليك بالدله اللي زعفرانها متعوب عليه .وانت وكلامك مانت بطرف العباة ،انت على العين والراس

[عبس404]

صح لسانك
وقصيده جزله
والله يعطيك العافيه

[يوسف الخليفة1]

اللي غايب عند ربه له حساب=نترك الغافل ونهج الترك مله
ما لنا بالذنب راجين الثواب=ندمح الزلات لو تسعين زله
العمل مرهون يلزم بالرقاب=فيه نوبات الفتى سيفن يسله
نبقا بالحاضر على قاف الخطاب=والعقد بابهامي وابهامك نحله
الف ليله والف ليله لا تهاب=والف ليله والف ليله راح غله
حدر بصفق الجبل يم الشعاب=واشرب من البير دلوك لا تصله
ان يميح البال من جب الغضاب=يبقا غادي ما لقا منهو يدله
نسعا بالسبتين لخشوم الصواب=والذلول ان تاهت اليمه نتله
ضامري ما ضاق رايق بالرحاب=والخليل اليوم ما يرفاه خله
كان عندك من مفاتيح الصعاب=تلقا من يرسم على الصعبه سجله
الخوي ملزوم مع فوج الركاب=والحمل لو زاد صاب الكور خله
غبتي مع غبتك سبع الغباب=والسبع من غيرك الثلث ان تقله
ما وصلنا القاع باقي بالجواب=والا نختم بالعسل من صافيله

[سيف الشمال202]

صح السانك يالغالي

[صافى السريره]

صح لسانك يابو عبدالله وفيت وكفيت بارك الله فيك



بسم الله الرحمن الرحيم




غاب نجم سهيل واخفاه السحاب
..............والجدي ماغاب لكن ما ندلّه


ما بقا الا قاع ولباسه سراب
............شافه الظميان كا لماء صافي(ن) له


سقتها يا صاح عجلات الركاب
...............كل شي(ن) صار ذا اليوم بمحله


كافي اللي صار ما جانا مصاب
................ بس للشرهه حدود(ن) مستحله


من بغى الاكرام نوجب له وجاب
.............. وما لنا في السّو وعلوم(ن) مخله


والنصيحة تحترم وان جت صواب
.............. والكلام اللي تقوله صح كله


مثل ما قد قلت في ماضي جواب
............. انت كل الكل وانت الكل كله


صاحبي ما جاك مني ما يعاب
............. ولا بدا لي منك ما ينقص لجله


ذي حلاة الشعر لا جا مستطاب
................ كل شي يحل في حله بحله


يا رفيقي ليت لو هو بانتداب
.............. تفعل المطلوب ما يكهلك فعله


من دعا سبّاق فالواجب يجاب
............ ومن تنى له حول يمكن ما يحله


لي معك تاريخ يا حضرت جناب
........... والعلاقه دوم ما هلّت اهله


اقترحت اليوم توقيف الحساب
............ والنصيحة منك في ترتيب فله


قافنا ما شاب بس العلم شاب
............. ما يشيب القاف مع ناس(ن) دواً له


هقوة اني ذاهب(ن) دون الإياب
............ مقفي(ن) وظروف حالي مستجله


آل – بوهلال التميمي(احمد ،ابو راكان)

[عبدالرحمن بن ذياب]

صح الله لسانك يا صافي السريره و لسان ابو عبدالله
القصيدة قريتها 4 مرات وكل مرة احس اني اول مرة اقراها
جزله من جزل شهادتي فيك وفي ابو عبدالله مجروحة
صح الله لسانك ولسانه و لا توقفوا

[صافى السريره]

ما فيك حيله شاعر ومتمكن اخوي صافي السريره
ولك معاني في الثمنيات
لكن عندك بيتين جاااابرنهااا جبر
<<< العميمي :)
وزلة الاصحاب له طعم الرضاب
............... ما نبي العدوان تفرح لا ولله
............... ما نبا العادي خطانا فرحتن له
من تعدى الحد يبلش بالنشاب
..............ومن تخطى الدرب حنْ والله ندله
.............. ومن تخطى الدرب يا الصاحب ندله

وفالك البيرق
:)
صح بدنك يابندر (على شمسك غيوب عسى ماشر؟)

[مقناص 2010]

صح لسان الشاعر التميمي والشاعر يوسف