يا جماعه افزعوا لا هنتم ياهل الجموس

[asheqalreem]

فيه سيارة وبشتريها من نوع جمس حوض اتش دي ماشي 280 الف
وكلش فيه تمام ماعدا الكرونه الخلفيه فحصته وقالو فيها صووت
وش تنصحوني به
اخذه والا اتركه
والا اصلحه وكم يكلف وهل يضبط تصليحه افيدوني جزاكم الله خير ويبارك لكم وفي حلالكم ومالكم وشكراا

[عبقري91]

معي يوكن٢٠٠٢
ركبت كرونه ٢٠٠٠ريال
وعطاني ضمان ٣شهور شغله تمام بس الكرونه تالي اسمع ونه خفيفه ماهي واضحه
ونصيحه اذا بتغير ولا تركب خلك عنده لين يخلص
قبل اربع شهور ركبت كرونه امريكيه عند سوري جابها لي جديده ولونها اسود وثقيله
قال تجي بكره
المهم جيته واخذت السياره وبعد اربع شهور انكسرت
وجيت اغيرها عند واحد ونزلها الا وهي فضيه واطلعت صينيه
كيف الغش
واذا صوت عادي خفيف لادقق يمشيك لين تقول بس
اما اذا مزعج هناك عاد يجب الحل

[mekshaat]

لوقلت مكينه والا قير كان أهون
توضب وتضبط لكن الكورونا
مشكلتها مشكله لاخربت نادر
انها تضبط وبتبلش بمشاكلها
واستخر الله قبل تشتريه.