مشورتكم بأفضل مرقد البر ( سليب باق )

[دكتور زمانه]

السلام عليكم
مساكم الله بالخير
ودي بشوركم من خلال تجربتكم
عندي مرقد للبر وخرب معد ينفع
وحبيت اشري جديد ينفع للبرد والحر
الله يعطيكم العافية

[مزاجي]

انا عن تجربه الفصول الاربعه

[دكتور زمانه]

الله يعطيك العافية

[الصحافة 15]

الدريويش بلا منازع تجربة 7 سنوات والفصول الأربعة ممتاز لكن يعيبه كبر الحجم

[شنطة عده]

فراش السنيدي (الصحراء) الشبابي
فيه مقاسين والشبابي اصغر في العرض والطول
مقاسه مناسب لمن طوله لا يزيد عن 175 سم
سعره 330 ريال

[علومك غانمه]

الفصول الاربعة بلا منازع فيه دفا عجيب

[aser99]

فراش السنيدي (الصحراء)

[شقردي]

مع الأسف

كل فرش النوم التي تصنع محليا رديئة بمرتبة الشرف الأولى

تعتمد على العزل بسماكة الحشوات وكثرتها

فتجد فراش البر الصناعة المحلية الصغير لا يقي من البرد

والنوع الذي يقي من البرد

كبير جدا وثقيل عند طيه

لذلك تركت كل الأنواع المحلية

وتوجهت للصناعة الأوربية والأمريكية التي تعتمد على مواد عزل خفيفة وصحية بحيث عند طي الفراش يكون حجمه صغير وخفيف سهل الحمل ولا يأخذ حيز في السيارة .

[تساهيل1]

مع الأسف

كل فرش النوم التي تصنع محليا رديئة بمرتبة الشرف الأولى

تعتمد على العزل بسماكة الحشوات وكثرتها

فتجد فراش البر الصناعة المحلية الصغير لا يقي من البرد

والنوع الذي يقي من البرد

كبير جدا وثقيل عند طيه

لذلك تركت كل الأنواع المحلية

وتوجهت للصناعة الأوربية والأمريكية التي تعتمد على مواد عزل خفيفة وصحية بحيث عند طي الفراش يكون حجمه صغير وخفيف سهل الحمل ولا يأخذ حيز في السيارة .



طيب يا اخ صور لنا هالفراش وعلمنا وين يباع

لي 6 اشهر افر محلات الرحلات بعنيزه وبريده مالقيت اللي يسر الخاطر

اما تلقى لك فراش قماشه يخرفش يسمعه اللي بالشعيب اللي عنك 10 كيلو او قماش خايس اللي هو تنزاني

والدريويش والفصول كلها خياس يبي لك شيول معك تصفط وتشيل

فكرت افصل دبل مطرحتين وقماش صيني بس

دامك ذكرت فراشات طيبه دلنا علبها جزاك الله خير

وشكرا

[واي فاي]

مع الأسف





كل فرش النوم التي تصنع محليا رديئة بمرتبة الشرف الأولى


تعتمد على العزل بسماكة الحشوات وكثرتها


فتجد فراش البر الصناعة المحلية الصغير لا يقي من البرد


والنوع الذي يقي من البرد


كبير جدا وثقيل عند طيه


لذلك تركت كل الأنواع المحلية


وتوجهت للصناعة الأوربية والأمريكية التي تعتمد على مواد عزل خفيفة وصحية بحيث عند طي الفراش يكون حجمه صغير وخفيف سهل الحمل ولا يأخذ حيز في السيارة .




عطنا تجربتك الله يعطيك العافية

[كوكيان]

عن تجربه فراش الجيش الامريكي يتحمل إلي 40 تحت الصفر عباره عن ثلاث اكياس نوم تدخل في بعض و ممكن تستخدم منفرده حجمه تقريبا 40*30 سم اسمه part sleeping system 5
ارخص مكان له ebay من 120 دولار الي 180

[abu-5a1ed]

وعليكم السلام

انا مشكلتي نفس مشكلتك اخوي

كل فتره اشتري سليب باق ويكون يا خفيف ينقطع او ثقيل يبي له شيول

لكن اذكر الوالد الله يحفظه قد شرى لي سليب باق قبل اكثر من 10 سنوات

من بيت الفالح للرياضه ، وما بقى بر ولا سفره مع ايام الحلقات الا طلع لها لكن للاسف ضاع

وان شاء الله اني بمره هالفتره واشتري منهم واحد

ويعاب عليه شي واحد اللي هو اللون فقط يجي جميع الالوان الا اللون المعروف الترابي


تقبل مروري ومشاركتي

[Mohammed5d]

مثل ماذكرو الاخوان الموجود اغلبه اذا تبيي الدفا تحمل كبر الحجم بس الامريكيه فيها عيب ماتحصل الواسع الكبير اغلبها ضيقه اللي خابر فراش امريكي عرضه1.20يدلنا عليه

[شنطة عده]

انا مر علي فراش تقدر تقولون شريتة لقافه
اعجبني صغره والمواد المصنع منها
وزنه خفيف جداً وصغير جداً ....وزنه ما يتعدى 3 كيلو
وسعره على ما اذكر انه 55 ريال
ولكن دافي بشكل عجيب ما توقعتة
وسر الدفا فيه عزله للهواء الخارجي مهما كانت درجة الحرارة
يصلح تفصل لك منه اثنين واحد غطاء والثاني بطانه في وسط
قماش تنزاني من النوع الجيد وباذن الله سيكون فراشك الي تبي
وتحصله في السوبر ماركت الكبار هايبر بنده والعثيم ....انا شريتة من ماكس الي في النسيم
وهذي صوره للملصق الي كان على الجراب
الفراش مدري وينه ولا كان صورتة لكم
ويتوفر منه اللون الجيشي

http://www.mekshat.com/pix/upload05/images249/mk92142_123123.jpg

[مكشاتي0]

لمن يسأل عن الفراش الأمريكي المناسب يبحث عن
Coleman big game sleeping bag
هذي مواصفاته

Coleman Big Game Sleeping Bag Specifications:-
Shell: Cotton
Lining: Flannel
Insulation: Single layer
1 X660 G/M2 Coletherm
Dimensions: 215 x 100CM
Weight: 5.1Kg
Limit Temperature: 1 degree C
Extreme temperature: -21 degree C
Comfort rating: 1 degree

طبعا هو مناسب بسبب خفته وتحمله للبروده وايضا مقاساته وقيمته مناسبه.. يعني يدفي وفي نفس الوقت ماهو كبير وغثيث مثل الفرش اللي عندنا اللي تقضي الكشتة وانت تصفطها..
اتوقع انه متوفر هنا عن طريق بعض المحلات اللي تستورد من مواقع النت .. او تقدر تشتريه من الأمازون وعلى طاري الأمازون الفراش آخذ تقييم عالي عندهم:
http://www.amazon.com/gp/product/B000EH4TW4?ie=UTF8&force-full-site=1&ref_=aw_bottom_links

[رفيق الطيبين]

فيه فراش امريكي لكن غالى شفه عند مكشاتي تراودني نفسي عليه لكن ماهو متوفر عنده حاليا

[ذيبان 2000]

اخوي مكشاتي 0هل انت اقتنيت الفراش هذا

[أبو نور]

أفضل فراش سليب باق أستخدمته بعد معاناه وخساير وتجربه بعز البرد هو السليب باق الأمريكي من شركه كولمن الموديل أللي ذكره
أخونا مكشاتي 0 من شركه كولمن الأمريكيه من كثر ماهو دافي تفتحه وأنت نايم عشان تبرد على نفسك وله قصه كان ربعي يضحكون عليه وعلى حجمه الصغير والحين 13 رجال من ربعي شروه ×ومقاسه وسيع وخفيف وزن بلحيل ماوهو ضيق 200في عرض 165

[بدر العبدالعزيز]

طيب ابو نور من وين شريته
و بكم ؟
و عطنا اسمه

[أبو نور]

أسمه big game شاريه من الكويت من مركز سلطان سعره 28 دينار وتقريبا السنه هذي بذات كل قوانيص وكواشيت الكويت توجهو له

[شاهين2]

السلام عليكم
السليب باق كولمان الامريكي موجود في شركه كولمان في الكويت بالشويخ خلف مجمع التلال يجي نوعين صغير حجمه علي ما اعتقد 80 × 200 سعره 14 دينار
حسب تجربه ولدي لاني اخذته له يقول دافي وما احس بالبرد
والثاني 160 × 200 سعره 25 دينار لكن ما شريته قلت بجرب الصغير واذا اوكي باخذ الكبير
ميزته حجمه صغير مقارنه بالصناعات المحليه
عيبه اخر مره امطرت علينا واحنا بالبر ونزل الماي داخل السليب باق وهذا اللي خلاني اتردد اخذ الحجم الكبير
وياليت تتاكدون من هالنقطه قبل تشترونه يمكن اللي اللي شريته في عيب مصنعي

[ابو نجود]

لمن يبحث عن فراش امريكي للبيع..يوجد عندي فراش امريكي جديد اشتريته العام الماضي من موقع كابيلاس ب216 دولار غير سعر الشحن الى المملكة.. ويتحمل حتى 20 درجة تحت الصفر حسب كلام الموقع..وحجمه 210 في 96 سم..وللاسف لم يناسبني حجمه..لذا قررت بيعه.وهو جديد لم يستعمل الا للتجربة..

[ناصح]

أنا اتفق مع من يقول أن فراش البر الصناعة المحلية يعتمد في العزل على سماكه وكثرة الطبقات وليس جودتها لذا يكون الفراش الصناعة المحلي تقيل وكبير جدا جدا ويضيع عليك مكان العفش خاصة لمن ليس معه ونيت أو شاص

لذا دائما أتوجه للصناعة الخارجية ويأتي منه كل المواصفات التي تريد

كبير أو صغير ربيعي أو شتوي أو جليدي

ضد الماء أم لا .......إلخ

هذا نموذج موقع رااااااائع تختار فراش النوم بحسب ما تريد

حسب تصنيفات درجة الحرارة

حسب تصنيفات الماركة

حسب تصنيفات التصميم حيث من المعروف أن فراش البر يكون مستطيل أو مثلث ما يسمى بالمومياء

http://www.allsleepingbags.com/


هذا الموقع وسبق أن اشتريت منهم فراش يتحمل 30 تحت الصفر وخفيف ووذف .


عموما هنا موضوع مفصل عن فرش البر

http://www.mekshat.com/vb/showthread.php?t=455249