استفسار عن كم وجبه الطير

[جيرالحر]

حبيت اسال عن كم وجبه يجب اعطائها للطير يومياً لاني شريت طير ونزل وزنه بالرغم اني اعطية سمانه في اليوم

[ابوغزاي]

وش نوع الطيروعطه افخاذ دجاج واذاماارتفع افحص الطير

[عرين الخبر]

السلام عليكم
طال عمرك تختلف علي حسب موع الطير
انا عندي جيرة واغديها واعشيها وجيتين باليوم
بذات الجيرة احجامها كبيرة وتصرف بسرعه

[(هزاع)]

مبروك باذن الله مشتراك
كل طير وله وزن هدد على حسب حجمه ونوعه
اول وكثير من هم اعرف مني يجب فحص الطير والتئكد من سلامته الصحيه
وكثر الطيور بهم دود
عطه ابرة الدود ولاحبوب الدود
وذا طيرك ثبتلك انه نازل عطه الفخذ الاعلى من الدجاج بدون العضم وجبتين 100 جرام لكل وجبه للحرار وللشياهين والتبوع 70 جرام لمدة خمس ايام مع التلويح للطير خفيف لبناء عضل وليس شحم
ولوحددت نوع طيرك وعرضه وطوله افضل
وعلي العموم الحرار عرض17 :950 الى 1000
والتبوع والوكارى من 700 الى 750
والشياهين الجبليات من 600 الى 650
والاوزان هاذي تقريبيه ويحددها الطير لاعطاك جناحه وهد ولعب على الملواح بتعرف وزن طيرك
والجير غير له عالم اخر ولاينطبق عليه شي الا ان راعيه يتابعه ويسجل هدده الى ان يصل الى اعلى لياقه ويكتب وزنه
ولاني اعرف الناس ولاكن اجتهادات

[خالد العطااوي]

يرجال مايرفع الطير غير الحمام ارفعه بثنادي حمام ورجلين ..

[البلاهدي]

كان عند عمي طير خابره يعطيه الظهر دجاجه كامله ويعطيه اليل دجاجه كامله ومثل ماقال اخوي عرين الخبر

يغديها ويعشيها

[هزاع المطيري]

اما الظهر دجاجه كامله وباليل دجاجه كامله !!!
اخخوي انا ماني مكذبك لاكن مع احترامي لك كلامك ماهو صحيح وتأكد منه وانا اخوك ؟
هذا شكله عقاب ولا نسرر ماهوب طير , ههههههههه

[جيرالحر]

كفيتو ووفيتوا الله يكثر من امثالكم اهل الفزعة